சந்திரயான் 3 ஒற்றை புகைப்படம்.. ரவுண்ட் கட்டி அடித்த சின்னத்திரை பிரபலங்கள்.. ஆஹா பெருமையான தருணம்

சென்னை: இன்று இந்தியாவின் சந்திரயான் 3 விண்கலத்தின் விக்ரம் லேண்டர் நிலாவில் வெற்றிகரமாக தரை இறங்கி இருக்கிறது.

இதனால் உலக நாடுகளே பெருமையாக இந்தியாவை பார்க்கும் நிலையில் இந்தியாவில் இருக்கும் பிரபலங்கள் பலரும் இந்த வெற்றியை கொண்டாடிக் கொண்டிருக்கின்றனர்.

அந்த வகையில் சந்திரயான் 3 நிலவில் தர இறங்கிய புகைப்படத்தை வெளியிட்டு சின்னத்திரை பிரபலங்கள் பலரும் தொடர்ச்சியாக வாழ்த்துக்களை கூறி தங்களுடைய மகிழ்ச்சியை காட்டி வருகின்றனர்.

தற்போது விக்ரம் லேண்டர் நிலாவில் வெற்றிகரமாக தரையிறங்கி விட்டது. நிலாவில் தென்துருவத்தில் தரை இறங்கிய முதல் நாடு என்ற பெருமையை இந்தியா பெற்று இருக்கிறது. சந்திராயன் 3 நிலாவில் செய்யப் போகும் ஆய்வுகள் எதிர்கால விண்வெளி பயணங்களுக்கே பயனளிக்கும் என்று சென்னையில் உள்ள பிர்லா கோளரங்கத்தின் இயக்குனர் லெனின் கூறிக் கொண்டிருக்கிறார்.

சமீபத்தில் ரஷ்யாவில் லூனா 25 விண்கலம் தொழில்நுட்ப கோளாறுகளால் நிலாவில் மோதி நொறுங்கியது. இதைத்தொடர்ந்து இஸ்ரோ மீது இந்தியா மட்டுமல்லாமல் மொத்த உலகின் கண்களும் முற்றிலும் பதிந்திருந்தது. இந்த நிலையில் சந்திராயன் 3 மீதான எதிர்பார்ப்பு அதிகரித்து இருந்தது. இந்த நிலையில் தற்போது வெற்றிகரமாக இந்தியாவின் சந்திரயான் 3 நிலவில் தரை இறங்கியதை பலரும் பெருமையோடு கொண்டாடிக் கொண்டிருக்கின்றனர்.

சாதாரண இந்திய குடிமகன்களில் தொடங்கி பிரபலங்கள், திரை துறையினர், அரசியல் பிரபலங்கள் என பலரும் இதை கொண்டாடிக் கொண்டிருக்கும் நிலையில் சின்னத்திரை பிரபலங்கள் தொடர்ச்சியாக தங்களுடைய சமூக வலைத்தள பக்கங்களில் இதில் பணியாற்றியவர்களுக்கு வாழ்த்துக்களையும் தாங்கள் இந்தியர் என்பதில் பெருமை என்றும் கூறி வருகின்றனர். அதில் பிக் பாஸ் ஷிவானி சந்திராயன் 3 புகைப்படத்தை வெளியிட்டு "ஜெய்ஹிந்த்" என்று பதிவு வெளியிட்டு இருக்கிறார்.

அதைத் தொடர்ந்து விஜய் டிவியில் கலக்கப்போவது யாரு நிகழ்ச்சியின் மூலம் பிரபலமடைந்த அறந்தாங்கி நிஷா," நிலவில் வெற்றிகரமாக தரையிறங்கிய சந்திராயன் 3. இதற்கு உழைத்த அத்தனை சகோதர சகோதரிகளுக்கும் நன்றி" என்று உணர்வுபூர்வமாக பதிவு வெளியிட்டிருக்கிறார். அதுபோல குக் வித் கோமாளி சிவாங்கியில் தொடங்கி, நீயா நானா கோபிநாத், பிக் பாஸ் பிரபலங்கள் என பலரும் தொடர்ச்சியாக தங்களுடைய வாழ்த்துக்களை சந்திரயான் 3 வெளியிட்ட புகைப்படங்களோடு தெரிவித்து வருகிறார்கள்.

English summary

Chandrayaan 3 successfully landed Congratulations celebrities : India's Chandrayaan 3 spacecraft's Vikram lander successfully landed on the moon today. Due to this, many celebrities in India are celebrating this success while the countries of the world are looking at India with pride. In that way, many small screen celebrities have been showing their happiness by posting a picture of Chandrayaan 3 landing on the moon.