குக் வித் கோமாளி 5ல் என்னை பற்றி பேச மறந்துவிட்டார்கள்! உண்மை வெல்லும்.. வெங்கடேஷ் பட் பரபரப்பு

சென்னை: குக் வித் கோமாளி சீசன் 5 நிகழ்ச்சியில் "உங்களை மிஸ் செய்வதாக யாருமே சொல்லலையே" என நெட்டிசன் கேள்விக்கு உண்மை ஒரு நாள் வெல்லும் என செஃப் வெங்கடேஷ் பட் உருக்கமாக தெரிவித்துள்ளார்.

குக் வித் கோமாளி நிகழ்ச்சி நேற்று தொடங்கிய நிலையில் வெங்கடேஷ் பட் தனது இன்ஸ்டாகிராம் பக்கத்தில் ஒரு வீடியோவை வெளியிட்டுள்ளார். அதில் சில உருக்கமான தகவல்களை தெரிவித்துள்ளார்.

அந்த வீடியோவில் வெங்கடேஷ் பேசியிருப்பதாவது : ஹலோ எப்படி சொல்வது என தெரியவில்லை. என்னை மிஸ் செய்வதாக நீங்கள் அனுப்பும் மெசேஜ்களை படிக்கும் போது நான் ரொம்ப கொடுத்து வைத்தவனாக உணர்கிறேன். கடவுள் என்னை அதிகமாக ஆசீர்வதித்திருக்கிறார் என தோன்றுகிறது. நன்றி, என்றைக்குமே நான் உங்களை ஏமாற்ற மாட்டேன்.

உங்களை எங்கேயும் விட்டுக் கொடுக்க மாட்டேன். என் வாழ்க்கையின் நாடித் துடிப்பே ரசிகர்களாகிய நீங்கள்தான். இன்று முதல் காலையில் 8 மணிக்கு ஒரு சர்பிரைஸ் காத்துக்கிட்டு இருக்கிறது. சன் டிவி பாருங்கள்! உங்களுக்கே தெரியவரும். உங்கள் அனைவரின் அன்புக்கும் நன்றி என கூறியுள்ளார்.

இந்த வீடியோவில் ரசிகர்களின் கேள்விகளுக்கும் அவர் பதிலளித்துள்ளார். பியார் பிரியா என்பவர் சன்டிவியில் எந்த ஷோ, கல்யாண மாலைதான் டெலிகாஸ்ட் ஆகிட்டு இருக்கு என சிரித்த எமோஜியுடன் கேட்கிறார். அதற்கு வெங்கடேஷ் பட், "நடு நடுவுல ப்ரோமோ மாதிரி ஒரு டீசர் வரும்" என பதில் அளித்திருக்கிறார்.

வித்யா ஸ்ரீ என்ற ரசிகர், நேற்றைய தினம் (குக் வித் கோமாளி சீசன் 5) உங்களை மிகவும் எதிர்பார்த்தோம் சார். உங்களை பற்றி அவர்களாவது பேசியிருக்க வேண்டும். ஆனால் நடுவர்களான மாதம்பட்டியும் தாமுவும் கூட பேசவில்லை. இது எங்களுக்கு அதிருப்தியை கொடுத்துள்ளது என்றார்.

அதற்கு பட், பரவாயில்லை விடுங்கள். அவர்கள் பேச மறந்துவிட்டார்கள். அதனால்தான் என்னை பற்றி உலகமே பேசிக் கொண்டிருக்கிறது. அது போல் மாஸ் அஜித் வெறியர்கள் என்ற நெட்டிசன், உங்கள பத்தி mis பண்றோம்னு கூட ஒருத்தர் கூட நேத்து showla பேசல அப்படி என்ன sir மனுஷங்க. ஆயிரம் கருத்து வேறுபாடு இருக்கலாம் ஆனா நீங்க build பண்ண show la உங்கள miss பண்றோம்னு ஒருத்தர் கூட பேசல அதான் எனக்கு இதான் உலகம்னு தோணுது. May be உங்கள பத்தி பேச கூடாதுனு tv சேனல் சொல்லி இருக்கலாம். Fans நாங்க தான் ரொம்ப feel பண்றோம் என தெரிவித்துள்ளார்.

இதற்கு வெங்கடேஷ் பட், உண்மை ஒரு நாள் வெல்லும் என தெரிவித்துள்ளார். ஆக , ரசிகர்களுக்கு அனுப்பிய பதில்களை பார்த்தால் விஜய் டிவி நிர்வாகத்துடன் பட்டுக்கு ஏதோ கசப்பான அனுபவம் என்றே தெரிகிறது. அது என்ன என்பதுதான் வெளிப்படையாக தெரியவில்லை.

இதயம் தொட்ட சமையல் நிகழ்ச்சி மூலமும் பிரபலமடைந்தார். தனது யூடியூப் சேனலில் நிறைய எளிய சமையல் குறிப்புகளை கொடுத்து வருகிறார். கலந்த சாதம், சைட் டிஷ் உள்ளிட்டவைகளையும் செய்து காட்டுவார்.

இவர் அசைவ உணவை உண்ண மாட்டார். ஆனால் சமைப்பார், நிகழ்ச்சியில் போட்டியாளர்கள் சமைக்கும் அசைவ உணவை நுகர்ந்து பார்த்தே அதில் உள்ள நிறை குறைகளை சொல்லிவிடுவார். இவர் ஆசான் மெமோரியலில் கேட்டரிங் படித்தவர். பிறகு சிங்கப்பூரில் ஹோட்டல் மேனேஜ்மென்ட் படித்திருந்தார்.

English summary

Chef Venkatesh Bhatt gives a reply to a fan that truth will win one day and he is somewhat disappointed.