விஜய் டிவி சின்ன மருமகள் சீரியல் நடிகர் நவீனுக்கு கிடைத்த பெரிய விருது! இது ரெக்கார்டு.. குவியும் வாழ்த்து
சென்னை: சின்னத்திரையில் பல நடிகர்கள் வந்து போனாலும், சிலர் மட்டும் தான் மக்களோட மனசுல நின்று இடம் பிடிக்கிறார்கள். அந்த மாதிரி நடிகர்களில் ஒருவர்தான் 'சின்ன மருமகள்' சீரியல் ஹீரோ நவீன் குமார். சாதாரண நடிப்பு இல்ல, கதாபாத்திரத்தை உணர்ந்து நடிக்கும் அவரது ஸ்டைல் தான் இன்றைக்கு அவரை ரசிகர்களிடையே இவ்வளவு பிரபலமாக்கி இருக்கிறது.
விஜய் டிவியில் திங்கள் முதல் சனி வரை இரவு 9:30 மணிக்கு ஒளிபரப்பாகி வரும் 'சின்ன மருமகள்' தொடர் ஆரம்பித்த நாள் முதல் நல்ல வரவேற்பை பெற்று வருகிறது. கிராமத்தில் 12-ஆம் வகுப்பு படிக்கும் ஒரு இளம் பெண், குடும்ப சூழ்நிலை காரணமாக ஒரு பழமைவாத பணக்கார குடும்பத்தில் மருமகளாக செல்வது, அங்கே அவள் சந்திக்கும் சவால்கள், முற்போக்கு எண்ணங்களுக்கும் பழமைவாதத்துக்கும் இடையிலான மோதல்கள் - இதையெல்லாம் மையமாக வைத்து கதை நகர்கிறது. இந்தக் கதையில் கதாநாயகனாக வரும் நவீன் குமார், தன் எதார்த்தமான நடிப்பால் கதைக்கு உயிர் ஊட்டுகிறார்.
நவீன் குமாருடன் கதாநாயகியாக நடிகை ஸ்வேதா நடித்து வருகிறார். இவர்களுடைய ஜோடி திரையில் இயல்பாகவும் நெருக்கமாகவும் தெரிகிறது. அதனால்தான் இளைஞர்கள் முதல் பெரியவர்கள் வரை எல்லாருக்கும் இந்த ஜோடி பிடித்து போய் இருக்கிறது. குறிப்பாக சமீபத்தில் காடுகளில் படமாக்கப்பட்ட சில காட்சிகள் சமூக வலைதளங்களில் ரொம்பவே வைரலானது. "சின்னத்திரையிலும் இப்படியான குவாலிட்டி சீன்கள் வர்றதே பெரிய விஷயம்"ன்னு பலரும் பாராட்டினாங்க. ஒரு சிலர் இதை கலாய்த்தும் வருகின்றனர்.
இந்த நிலையில் தான் நவீன் குமாருக்கு ஒரு பெரிய அங்கீகாரம் கிடைத்திருக்கிறது. மலேசியாவைச் சேர்ந்த பிரபல ஊடக நிறுவனம் 'தேசம்' தொலைக்காட்சி, சின்னத்திரை துறையில் சிறந்து விளங்குபவர்களை கவுரவிக்கும் வகையில் விருதுகளை வழங்கி வருகிறது. அந்த வகையில், 'சின்ன மருமகள்' சீரியலில் நவீனின் சிறப்பான நடிப்புக்காக, நவீன் குமாருக்கு "சின்னத்திரையின் மக்கள் நாயகன்" என்ற சர்வதேச விருது வழங்கப்பட்டுள்ளது.
இதில் இன்னொரு முக்கிய விஷயம் என்னன்னா, தமிழ் சின்னத்திரை தொடரில் நடித்ததற்காக மலேசிய மண்ணில் 'மக்கள் நாயகன்' என்ற விருதைப் பெறும் முதல் நடிகர் என்ற பெருமையை நவீன் குமார் தான் பெற்றுள்ளார். சின்னத்திரை நடிகர்களுக்கு சர்வதேச அளவில் இப்படியான அங்கீகாரம் கிடைப்பது அரிதான விஷயம். அந்த வகையில், இது அவரது நடிப்புப் பயணத்தில் ஒரு பெரிய மைல்கல்லாக பார்க்கப்படுகிறது.
நவீன் - ஸ்வேதா ஜோடியுடன், வி.ஆர். திலகம், பானுமதி, சங்கவி ராஜேந்திரன், ஸ்வேதா சுப்பிரமணியம் உள்ளிட்ட மூத்த மற்றும் இளம் கலைஞர்களின் நடிப்பும் இந்தத் தொடருக்கு பலம் சேர்த்திருக்கிறது. எல்லாரும் தங்களுடைய கதாபாத்திரங்களை இயல்பாக வெளிப்படுத்துவதால் தான் 'சின்ன மருமகள்' டிஆர்பி ரேட்டிங்கிலும் முன்னிலையில் இருக்கிறது. தரமான மேக்கிங், விறுவிறுப்பான திரைக்கதை ஆகியவை இந்தத் தொடரை குடும்ப ரசிகர்களிடையே இன்னும் பிரபலமாக்கி வருகிறது.
சர்வதேச விருது வென்றதற்கு பிறகு, நவீன் குமாருக்கு சின்னத்திரை பிரபலங்கள், சக நடிகர்கள், ரசிகர்கள் என பலரும் சமூக வலைதளங்களில் வாழ்த்துகளை தெரிவித்து வருகின்றனர். "எளிமையான நடிப்பு தான் பெரிய உயரத்துக்கு கொண்டு போகும்"ன்னு அவர் மீண்டும் நிரூபிச்சிருக்கார். கடின உழைப்புக்கும் திறமைக்கும் கிடைத்த இந்த அங்கீகாரம், வருங்காலத்தில் அவரை இன்னும் பெரிய உயரங்களுக்கு கொண்டு போகும் என்பதில் சந்தேகமே இல்லை.
Click it and Unblock the Notifications
Sign in with Google