CWC 5: இந்த முறை குக்குகள் மட்டும் புதுசு இல்ல.. கோமாளிகளும் தான்.. யாரெல்லாம் என்ட்ரினு தெரியுமா?

சென்னை: விஜய் டிவியில் ஒளிபரப்பாகி வரும் குக் வித் கோமாளி நிகழ்ச்சியில் ஐந்தாவது சீசனை ரசிகர்கள் எதிர்பார்த்து இருந்த நிலையில் வரும் மார்ச் 27ஆம் தேதி ஐந்தாவது சீசன் லாஞ்சாக இருக்கிறது. இதற்கான அதிகாரபூர்வமான ப்ரோமோ வெளியாகி இருக்கிறது.

அதே நேரத்தில் இந்த சீசனில் யாரெல்லாம் கலந்து கொள்கிறார்கள் என்று எதிர்பார்ப்பில் ரசிகர்கள் இருக்கும் நிலையில் தற்போது குக்குகளைப் போலவே இந்த முறை ஒரு சில கோமாளிகளும் புதியதாக அறிமுகமாகி இருக்கிறார்கள்.

விஜய் டிவியில் எத்தனையோ ரியாலிட்டி நிகழ்ச்சிகள் ஒளிபரப்பாகி வந்தாலும் குக் வித் கோமாளி நிகழ்ச்சி தான் அதிகமாக பாப்புலராக இருக்கிறது. இந்த நிகழ்ச்சி இதுவரைக்கும் நான்கு சீசன்கள் வெற்றிகரமாக முடிவடைந்து இருக்கிறது. ஐந்தாவது சீசன் எப்போது தொடங்கும் என்ற எதிர்பார்ப்பிலேயே பல மாதங்களாக ரசிகர்கள் இருந்தனர்.

இந்த முறை ஐந்தாவது சீசன் பல்வேறு புதுமைகளுடன் அமர்க்களமாக வரும் ஏப்ரல் 27ஆம் தேதி ஆரம்பமாக உள்ளது. குக்கு வித் கோமாளி நிகழ்ச்சியில் கடந்த நான்கு சீசன்களாக வெங்கடேஷ் பட் மற்றும் செஃப் தாமு ஆகியோர் நண்பர்களாக இருந்தனர். ஆனால் இந்த முறை வெங்கடேஷ் பட் இந்த நிகழ்ச்சியில் இருந்து விலகி விட்டதால் அவருக்கு பதிலாக புதிய நடுவராக மாதம்பட்டி ரங்கராஜனை களம் இறக்கி உள்ளனர்.

சமையல் துறையில் கிங்காக இருக்கும் மாதம்பட்டி ரங்கராஜ் சினிமாவிலும் மெஹந்தி சர்க்கஸ் மற்றும் பென்குயின் போன்ற படங்களில் நடித்து இருக்கிறார். அதுபோல இந்த முறை சமையல் திறமையை வெளிப்படுத்த களம் இறங்கும் குக்குகள் குறித்த விவரமும் ஏற்கனவே வெளியாகி இருக்கிறது. அதில் நடிகை திவ்யா துரைசாமி, இசையமைப்பாளர் ஸ்ரீகாந்த் தேவா, விஜய் டிவி தொகுப்பாளர் பிரியங்கா தேஷ் பாண்டே, சீரியல் நடிகர் வசந்த், நடிகை ஷபி மற்றும் சமையல் கலைஞர் கிருஷ்ணா மெக்கன்சி உள்ளிட்ட 8 போட்டியாளர்கள் களம் இறங்குவதாக ஆரம்பத்தில் தெரிய வந்திருக்கிறது.

அதைத்தொடர்ந்து இப்போது வெளியாகியிருக்கும் பிரமோவில் ஏற்கனவே இருக்கும் கோமாளிகளான க்ரோஸி சுனிதா புகழ் போன்றவர்களோடு நடிகர் வினோத், சீரியல் நடிகை அன்சிதா, (இவர் செல்லமா சீரியலில் செல்லமாகவா நடித்துக் கொண்டிருக்கிறார்). அதுபோல நடிகை ஷபி என்ற சப்னம் (இவர் சன் டிவியில் தெய்வமகள் சீரியல் மூலம் பிரபலம் அடைந்திருந்தார். இப்போது ஜீ தமிழில் மாரி சீரியலில் நடித்துக் கொண்டிருக்கிறார்).அதுபோல சீரியல் நடிகை கேமி, விஜய் டிவி பிரபலமான ராமர் போன்றோர் இருக்கும் ப்ரோமோ வெளியாகியிருக்கிறது.

English summary

Cook with Comali 5: The fifth season of Cook with Comali, which is being aired on Vijay TV, will be launched on March 27, as the fans have been waiting for the fifth season. The official promo for this has been released.