CWCயில் இயக்குனர் மாரி செல்வராஜ்.. கண்கலங்கி அழுத செஃப் தாமு.. திடீரென மாற்றப்பட்ட விதிமுறை

சென்னை: விஜய் டிவியில் ஒளிபரப்பாகி வரும் குக் வித் கோமாளி சீசன் 4 நிகழ்ச்சியின் கிராண்ட் பினாலே இந்த வாரம் நடைபெறுகிறது.

அதற்காக மார்ச் 30ஆம் தேதி ஒளிபரப்பாகும் எபிசோட்டில் முதல் ப்ரோமோ வெளியாகி இருக்கிறது.

அதில் சிறப்பு விருந்தினராக இயக்குனர் மாரி செல்வராஜ் கலந்து கொண்டிருக்கிறார். அதே நேரத்தில் நிகழ்ச்சியில் பல பிரபலங்களும் கண் கலங்கி அழுத்திருக்கின்றனர்.

பலருடைய மன அழுத்தத்தை குறைக்கும் நிகழ்ச்சி என்று சின்னத்திரையில் பாராட்டுகளை பெற்றுக் கொண்டிருக்கும் குக் வித் கோமாளி சீசன் 4 இன்னும் ஒரு சில நாட்களில் முடிவுக்கு வருகிறது. இந்த நிலையில் இந்த வாரம் வரும் ஜூலை 30ஆம் தேதி கிராண்ட் பினாலே நிகழ்ச்சி ஒளிபரப்பாக இருக்கிறது.

அதுவும் இதுவரைக்கும் இல்லாத வகையில் இந்த வாரம் தொடர்ச்சியாக 5 மணி நேரம் போட்டிகள் நடைபெறும் என்று கூறப்பட்டிருக்கிறது. அதே நேரத்தில் இந்த கிராண்ட் பினாலே நிகழ்ச்சிக்கு பல பிரபலங்களும் கலந்து கொண்டிருக்கின்றனர். அதில் பாவாடை தாவணியில் பிரியங்காவும் கையில் பக்கெட் உடன் களம் இறங்கி இருக்க, அதை பார்த்து கோமாளிகள் எல்லாம் கலாய்த்து கொண்டிருக்கின்றனர்.

அதற்கு வெங்கடேஷ் பட்," உங்களுக்கு எல்லாம் முன்னோடி கோமாளி டா பிரியங்கா" என்று சொல்ல, அதற்கு புகழ் அப்போ வயசான கோமாளியா? என்று கேட்க அங்கே பிரியங்கா பிரச்சனை செய்கிறார். அதைத்தொடர்ந்து சிறப்பு விருந்தினராக மாரி செல்வராஜ் கலந்து கொள்கிறார். அவர் பேசுகையில் எனக்கு ரொம்ப பிடிச்ச நிகழ்ச்சி என்றால் குக் வித் கோமாளி நிகழ்ச்சி தான் என்று அவர் உணர்வுபூர்வமாக பேசிக் கொண்டிருக்கிறார்.

அதைத்தொடர்ந்து சிவாங்கி எமோஷனலாக என்னை ஆளாக்கினதற்கு இந்த செட் தான் தேவைப்பட்டு இருக்கிறது என்று கூறியிருக்கிறார். அடுத்ததாக செஃப் தாமு, "இப்போ எல்லாம் எங்கே போனாலும் என்னை எல்லாரும் அப்பா அப்பா அப்பா என்று கூப்பிடுறாங்க. இதை நான் எதிர்பார்க்கவே இல்லை" என்று கண் கலங்கி அழுகிறார். அதற்கு புகழ் ஆறுதல் கூற சில நிமிடங்கள் அமைதி நிகழ்கிறது.

அதுபோல மோனிஷா பேசிக் கொண்டிருக்கிறார். அவர் "இப்போ இந்த நிகழ்ச்சிக்கு பிறகு நிறைய பேருக்கு மோனிஷா என்கிறது தெரிகிறது. அது எனக்கு ரொம்ப ஹாப்பி" என்று சொல்ல அனைவரும் கைத்தட்டி ஆரவாரம் இடுகின்றனர். இப்படியாக தற்போதைய முதல் பிரமோ வெளியாகி இருக்கிறது. இந்த நிலையில் ரசிகர்கள் எங்களுக்கு பிடித்தது குக் வித் கோமாளி நிகழ்ச்சி தான் இங்கேயும் அழுகாச்சு சீன்களை வைத்து விடாதீர்கள் என்று வேண்டுகோளையும் வைத்து வருகிறார்கள்.

English summary

Cook with Comali Season 4 grand finale: For that, the first promo has been released in the episode that will be aired on March 30.Director Mari Selvaraj is participating as a special guest. At the same time, many celebrities are also worried about the show.