இந்த வாரம் வெளியேறும் போட்டியாளர்..!? சொதப்பிய சமையலை முகத்துக்கு நேராக திட்டிய செஃப்

குக் வித் கோமாளி நிகழ்ச்சியில் இருந்து இந்த வாரம் யார் வெளியேற இருக்கிறார் என்ற தகவல் வெளியாகி இருக்கிறது.

By V Vasanthi

Published: Saturday, March 11, 2023, 13:20 [IST]

Subscribe to Oneindia Tamil

சென்னை: விஜய் டிவியில் குக் வித் கோமாளி சீசன் 4 தற்போது ஒளிபரப்பாகி வருகிறது.

இந்த நிகழ்ச்சியில் மார்ச் 11 மற்றும் 12ஆம் தேதிக்கான ஆறாவது ப்ரோமோ தற்போது வெளியாகி இருக்கிறது.

அதில் டேஞ்சர் சோனில் காளையன், விஜே விஷால், விசித்ரா மூவரும் இருக்கின்றனர்.

புதிய கோமாளிகள்

விஜய் டிவியில் ஒளிபரப்பாகி வரும் குக் வித் கோமாளி சீசன் 4 நிகழ்ச்சி தொடங்கி இரண்டு வாரங்கள் ஆகின்ற நிலையில், கடந்த வாரத்தில் முதல் போட்டியாளராக கிஷோர் வெளியேற்றப்பட்டார். இந்த சீசனில் பல போட்டியாளர்கள் புதியதாக அறிமுகமானார்கள். அவர்களின் ஜி.பி முத்து, ஓட்டேரி சிவா, சிங்கப்பூர் தீபன், சின்னத்திரை நடிகை ரவீனா டாடா, சுனிதா, மோனிஷா, மணிமேகலை போன்றோர் கோமாளிகளாக கலந்து கொண்டிருக்கின்றனர்.

புதிய குக்குகள்

அதுமட்டுமல்லாமல் இந்த சீசனில் குக்குகளாக ஷெரின், விசித்திரா, அஜித் பட நடிகரான ராஜா ஐயப்பா, பாக்கியலட்சுமி சீரியல் எழில் கேரக்டரில் நடிக்கும் விஜே விஷால், காளையன், மைம் கோபி, நாய் சேகர் இயக்குனர் கிஷோர் ஆகியோர் போட்டியாளர்களாக கலந்து கொண்டு இருக்கின்றனர். இதுவரைக்கும் கோமாளியாக கலந்து கொண்ட சிவாங்கி இந்த சீசனில் குக்காக அறிமுகம் ஆகி இருக்கிறார்.

டேஞ்சர் சோனில் மூவர்

இந்த நிலையில் இந்த வாரத்தில் ஏற்கனவே எலிமினேஷன் இருக்கிறது என்று கூறப்பட்டிருக்கிறது. இதில் டேஞ்சர் சோனில் விஜே விஷால், காளையன், விசித்ரா மூவரும் இருக்கின்றனர். இவர்கள் மூவரும் செய்த சமையல் இந்த எலிமினேஷன் ரவுண்டுக்கான சமையலாக இல்லை. இந்த டிஷ் ரொம்ப சிம்பிளாக இருக்கிறது என்று செப் தாமு கூறுகிறார். அதனை மூவரும் ஏற்றுக் கொள்ளுகின்றனர். அதில் காளையன் கல்யாண வீட்டு உருளைக்கிழங்கு வறுவல் செய்து இருக்கிறார். அவரைப் போல விஜே விஷால் மிலாட் என்கிற டிஸ்ஸில் இருந்து இன்ஸ்பயர் ஆகி செய்யப்பட்டதது என்று விளக்கம் கொடுக்கிறார். அதற்கு வெங்கடேஷ் பட் இதற்கு மேல் பண்ணும் போது வேற ஏதாவது கொஞ்சம் எஃபெக்ட் போடுற மாதிரி பண்ணுங்க என்று அறிவுரை கூறுகிறார்.

இந்த வார வெளியேற்றம்

அடுத்ததாக விசித்ராவின் சமையல் உருளை மீல்மேக்கர் புலாவ் இது இந்தியனில் வருகிறதா? அல்லது சவுத்தில் இருந்து வருகிறதா? என்று கேட்க, புலாவ் வந்து சவுத்தில் இல்ல ஆப்கானிஸ்திலிருந்து வந்தது தான் புலாவ் என்று வெங்கடேஷ் பட் விளக்கம் கொடுக்க, இப்ப சொல்லுங்க இது புலாவா? இல்ல பிரியாணியா? என்று செஃப் கேட்கிறார். இந்த பிரமோ தற்போது வைரலாகி வருகிறது. இந்த நிலையில் இந்த வாரத்தில் காளையன் வெளியேற இருப்பதாக தகவல்கள் வெளியாகி இருக்கிறது. இந்த வாரத்தோடு காளையனின் பயணம் குக் வித் கோமாளியில் முடிவுக்கு வருவதாக தகவல்கள் வெளியாகி இருக்கிறது.

Published On March 11, 2023