சிவாங்கிக்காக தான் விஷால் வெளியேற்றம்..!? உண்மையை உளறிய மோனிஷா.. கருத்து கூறும் பிரபலங்கள்
சென்னை: விஜய் டிவியில் ஒளிபரப்பாகி வரும் குக் வித் கோமாளி சீசன் 4 நிகழ்ச்சியில் இருந்து இந்த வாரம் விஜே விஷால் எலிமினேஷன் செய்யப்பட்டு இருக்கிறார்.
விஜே விஷால் வெளியேற்றம் பற்றி பல்வேறு செய்திகள் சமூக வலைத்தளத்தில் பரவி வருகிறது.
இந்த நிலையில் விஜய் விஷால் வெளியேற்றம் குறித்து அவரோடு கோமாளியாக இருந்த மோனிஷா சில தகவல்களை கூறி இருக்கிறார்.
இதுவரைக்கும் விஜய் டிவியில் பிக் பாஸ் நிகழ்ச்சியில் வெளியேற்றமும் டைட்டில் வின்னரும் தான் பெரும் பிரச்சனையை சந்தித்து கொண்டு இருந்து வந்த நிலையில், தற்போது குக் வித் கோமாளியும் அந்த வரிசையில் இடம் பிடித்திருக்கிறது. இந்த வாரம் விஜே விஷால் வெளியேற்றப்பட்டது தான் பட்டார் அதற்கு பிறகு அதிகமான கருத்துக்கள் சமூக வலைத்தளத்தில் நிலவி வருகிறது. ஏற்கனவே இந்த சீசன் தொடங்கியதில் இருந்தே சிவாங்கிக்கு அதிகமான நெகட்டிவ் கமாண்டுகள் குவிந்து வருகிறது.
சிவாங்கி ஏற்கனவே மூன்று சீசன்களாக கோமாளியாக சமையல் செய்ய தெரியாமல் இருந்த நிலையில் இப்போது மட்டும் எப்படி குக்காக மாறி அவரால் சமையல் செய்ய முடியும்? என்றும் சிவாங்கிக்கு மட்டும் இப்படி ஸ்பெஷல் சலுகை கொடுக்கும் போது பலர் இந்த வாய்ப்புக்காக தவம் கிடக்கையில் அவர்களுக்கு கொடுக்கலாமே என்றும் பல்வேறு கருத்துக்கள் குவிந்து வருகிறது.
அது மட்டுமல்லாமல் இந்த சீசன் டைட்டில் வின்னர் சிவாங்கி தான் இதை விஜய் டிவி ஏற்கனவே முடிவு செய்துவிட்டது என்றும் கூறி வருகின்றனர். இந்த நிலையில் தான் விஜே விஷால் மற்றும் சிவாங்கி இருவரும் கடந்த வாரம் எலிமினேஷனில் இருந்து வந்தனர். அதில் கடைசி நேரத்தில் சிவாங்கி பாதுகாக்கப்பட்டு விஜே விஷால் எலிமினேஷன் செய்யப்பட்டார்.
இது குறித்து சமூக வலைதளத்தில் பல்வேறு சர்ச்சை கருத்துக்கள் வலம் வருகிறது. அது மட்டுமல்லாமல் விஜே விஷாலுக்கு கோமாளியாக கடந்த வாரத்தில் மோனிஷா தான் இருந்து வந்தார். அவர் சிவாங்கியின் கெட்டப் போட்டு இருந்தார். அதனாலேயே மோனிஷா சரியாக சமைக்காமல் சொதப்பிவிட்டார் என்றும் பலர் கருத்து கூறி வருகின்றனர்.
இதுகுறித்து மோனிஷா விளக்கம் கொடுத்திருக்கிறார். அதில் எல்லோரும் கேட்கிற மாதிரி சிவாங்கிக்காக விஷாலை வெளியேற்றம் செய்யவில்லை. என்னால் முடிந்த அளவிற்கு என்னுடைய பங்களிப்பையும் நான் செய்து வந்தேன். எனக்கு தெரிந்ததை நான் அந்த இடத்தில் செய்துதான் வந்தேன். ஆனால் கடைசி நேரத்தில் செஃப் முடிவு நாங்கள் எதிர்பார்த்தபடி இல்லை. இது எங்களுக்கும் கஷ்டமாகத்தான் இருக்கிறது என்று கூறி இருக்கிறார்.
மேலும் விஷால் எலிமினேஷனுக்கு என்னை பலரும் குற்றம் சொல்கிறீர்கள். அவர்களுக்கு எல்லாம் ஒன்று சொல்லிக் கொள்கிறேன். என்னதான் நான் funஆ இருந்தாலும் யாருக்கும் கோமாளியாக போனாலும் நான் என்னால் முடிந்தவரை உதவி செய்வேன். இதற்கெல்லாம் மேலாக இது வெறும் ஒரு ஷோதான். அதை நீங்கள் எல்லோரும் புரிந்து கொள்வீர்கள் என்று நம்புகிறேன் என்று பதிவிட்டு இருக்கிறார். தற்போது இதற்கு அதிகமான கருத்துக்கள் குவிந்து வருகிறது.
Click it and Unblock the Notifications
Sign in with Google