குக் வித் கோமாளி சீசன் 5யில் இவர்கள் யார் என்று தெரியுமா? இவங்களுக்கு இப்படி ஒரு பின்னணியா?

சென்னை: விஜய் டிவியில் ஒளிபரப்பாகி வரும் குக் வித் கோமாளி நிகழ்ச்சியில் ஐந்தாவது சீசன் வரும் ஏப்ரல் 27ஆம் தேதி அன்று தொடங்க இருக்கிறது. இதில் கலந்துகொள்ளும் கோமாளிகள் மற்றும் குக்குகள் யார் என்பது பற்றி ஏற்கனவே ப்ரோமோ வெளியாகி இருக்கிறது. அதில் குக்காக கலந்து கொள்ளும் அக்ஷய் கமல், ஷாலின் ஜோயா மற்றும் திடியன் யார் என்பது பற்றி இந்த செய்தியில் பார்க்கலாம்.

அந்த வகையில் விஜய் டிவியில் ஒளிபரப்பாகி வரும் குக் வித் கோமாளிக்கு என்று தனி ரசிகர்கள் கூட்டம் இருக்கின்றனர். இதில் ஒவ்வொரு சீசனிலும் புது புது குக்குகள் கலந்து கொண்டு வருகிறார்கள். அந்த வரிசையில் இந்த முறையும் 10 குக்குகள் கலந்து கொள்வதாக தகவல்கள் ஏற்கனவே அதிகாரப்பூர்வமாக ப்ரோமோவில் அறிவிக்கப்பட்டு இருக்கிறது. அதைத் தொடர்ந்து நடிகர் திடியன் இரண்டாவது வாரத்தில் கலந்து கொள்வார் என்று கூறப்படுகிறது.

அதுபோல இந்த சீசனில் சில புது கோமாளிகளும் கலந்து கொண்டு இருக்கிறார்கள். அதாவது வழக்கமாக கலந்து கொள்ளும் புகழ், குரோஸி, சுனிதா போன்றோர் இந்த சீசனிலும் தொடர்கின்றனர். அவர்களோடு புதிய கோமாளிகளாக ராமர், ஷப்னம், அன்ஷிதா, kpy வினோத் என்ற புது கோமாளிகளும் இணைந்து இருக்கின்றனர். அதுபோல இந்த சீசனில் போட்டியாளராக ஒரு சில விஜய் டிவி பிரபலங்களும் கலந்து கொண்டு இருக்கிறார்கள்.

அவர்களோடு நடிகை ஷாலின் சோயா, அக்ஷய் கமல், நடிகை திவ்யா துரைசாமி, இசையமைப்பாளர் ஸ்ரீகாந்த் தேவா, சூப்பர் சிங்கர் பூஜா, ஃபுட் ரிவியூவர் இர்பான், பாண்டியன் ஸ்டோர் சீரியல் நடிகர் வசந்த் வசி, தொகுப்பாளனி பிரியங்கா தேஷ் பாண்டே, விடிவி கணேஷ் மற்றும் சீரியல் நடிகை சுஜிதா ஆகியோர் போட்டியாளராக களமிறங்கி இருக்கின்றனர். இவர்களில் ரசிகர்களுக்கு பரீட்சயம் இல்லாத சில போட்டியாளர்களும் இருக்கின்றனர்.

அக்ஷய் கமல்: அந்த வகையில் நடிகர் அக்ஷய் கமல் சில சீரியல்களிலும் திரைப்படங்களிலும் நடித்திருந்தாலும் அவர் ப்ரோமோவில் வந்ததும் ரசிகர்கள் யார் என்று கேள்வி எழுப்பி வருகின்றனர். அதாவது அக்ஷய் கமல் டிக்டாக் மூலம் பிரபலமானவர் இவர் ஜீ தமிழில் ஒளிபரப்பான இரட்டை ரோஜா என்ற சீரியலில் கதாநாயகனாக நடித்திருந்தார். இந்த சீரியல் மூலம் தனக்கென ஒரு அடையாளத்தை ஏற்படுத்தி தற்போது இந்திரா சீரியலிலும் நடித்துக் கொண்டிருக்கும் இவர் சமீபத்தில் வெளியான N4 திரைப்படத்திலும் நடித்திருக்கிறார்.

ஷாலின் சோயா: கேரளாவை சார்ந்த ஷாலின் சோயா சமீபத்தில் வெளியான கண்ணகி திரைப்படத்தில் நடித்திருந்தார். மேலும் பிரபல யூடியூப்பரான டிடிஎப் வாசனும் இவரும் விதவிதமாக புகைப்படங்களை வெளியிட்டு வருவதால் இவர்கள் இருவரும் காதலித்து வருகிறார்களா? என்று கேள்வி எழுந்து வருகிறது. ஆனால் அது குறித்து டிடிஎஃப் வாசனும் இவரும் எந்த விளக்கத்தையும் கொடுக்கவில்லை. ஆனாலும் தொடர்ந்து இருவரும் எடுத்துக்கொண்ட புகைப்படங்களை மட்டும் வெளியிட்டு வருகிறார்கள்

திடியன்: நடிகர் திடியன் வேறு யாருமில்லை ஹாட்ஸ்டாரில் ஒளிபரப்பான கனா காணும் காலங்கள் வெப் சீரியசில் காமெடி நடிகராக நடித்தவர் தான். சமீபத்தில் கூட நடிகை நயன்தாரா நடிப்பில் வெளியான அன்னபூரணி திரைப்படத்தில் நயன்தாராவுடன் அவருடைய நண்பர் கேரக்டரில் திடியன் நடித்திருந்தார். ஆனால் குக் வித் கோமாளி நிகழ்ச்சியில் மற்ற போட்டியாளர்களை போல இவர் முதல் வாரத்தில் கலந்து கொள்ளாமல் இரண்டாவது வாரத்தில் இருந்து வருவார் என்று கூறப்படுகிறது.

English summary

Cook with comali Season 5 on Vijay TV is all set to start on April 27. The promo is already out about who the clowns and cooks will be. In this news we will see who are Akshay Kamal, Shalin Zoya and Thidiyan who will be participating as Cook.