CWC 5: நடிகர் VTV கணேசனை தாக்கிய நடிகை ராதா.. நடிகை அம்பிகாவை பற்றி சொன்ன வார்த்தையால் வந்த வினை
சென்னை: விஜய் டிவியில் ஒளிபரப்பாகி வரும் குக் வித் கோமாளி சீசன் 5 நிகழ்ச்சியில் வரும் மே 18 மற்றும் 19ஆம் தேதிக்கான இரண்டாவது ப்ரோமோ வெளியாகி இருக்கிறது. அதில் சிறப்பு விருந்தினராக கலந்து கொண்ட நடிகை ராதா போட்டியாளராக இருக்கும் விடிவி கணேசனை திடீரென்று தாக்கியிருக்கிறார். என்ன நடந்தது என்பதை விரிவாக பார்க்கலாம்.
அந்த வகையில் குக் வித் கோமாளி நிகழ்ச்சி கடந்த மாதத்தில் தொடங்கப்பட்ட நிலையில் 3 வாரங்கள் முடிவடைந்து இருக்கிறது. இந்த வாரத்தில் போட்டியாளர்களுக்கு சிக்கன் சமைக்க டாஸ்க் கொடுக்கப்பட்டிருக்கிறது. அதே நேரத்தில் கோமாளிகள் தமிழ் சினிமாவின் வில்லி மற்றும் வில்லன் கெட்டப்பில் வந்திருக்கின்றனர்.
இந்த வாரம் சிக்கன் சமைக்கும் வாரம் என்பதால் கோழி முட்டையில் போட்டியாளர்களுக்கு ஜோடியாக இருக்கும் கோமாளிகளின் பெயர் இருப்பது போன்றும் அந்த முட்டையை உடைத்ததும் அதில் இருக்கும் கோமாளியை போட்டியாளர் தனக்காக இந்த வாரம் சமையல் செய்வதற்கு பயன்படுத்திக் கொள்ளலாம் என்றும் டாஸ்க் கொடுக்கப்பட்டிருக்கிறது. அதே நேரத்தில் இந்த வாரம் சிறப்பு விருந்தினராக நடிகை ராதா குக் வித் கோமாளி நிகழ்ச்சியில் என்ட்ரி கொடுத்திருக்கிறார்.
நடிகை ராதா பல டான்ஸ் நிகழ்ச்சிகளில் சிறப்பு விருந்தினராக கலந்து கொண்டிருக்கும் நிலையில் இப்போது குக் வித் கோமாளி நிகழ்ச்சியில் சிறப்பு விருந்தினராக வந்திருக்கும்போது அவரிடம் விடிவி கணேஷ் செய்த கலாட்டா தான் தற்போது ப்ரோமோவாக வெளியாகி இருக்கிறது. அதில் ராதாவை பார்த்ததும் விடிவி கணேஷ், எங்க அம்மா கல்யாணம் பண்ணு கல்யாணம் பண்ணுன்னு ஒரே தொந்தரவு பண்ணுனாங்க.
அப்போ எந்த மாதிரி பொண்ணு வேணும்னு கேட்டாங்க நானும் இந்த மாதிரி தான் பொண்ணு வேணும்னு ராதா உடைய போட்டோவை தூக்கி காட்டுனேன். பிறகு அவங்க திருவனந்தபுரத்தில் ஒரு பொண்ண புடிச்சி கல்யாணம் பண்ணி வச்சிட்டாங்க என்று சொல்லி புகழை பிடித்து கட்டி அழுகிறார். பிறகு எனக்கு ராதா அம்மா கிடைக்காம அம்பிகா அம்மா கிடைச்சிட்டாங்க என்று சொன்னதும் ராதா கோபமாகி ஓடி வந்து விடிவி கணேஷ் முதுகில் ஓங்கி குத்துகிறார்.
எங்க அக்கா மாதிரி பொண்ணு கிடைச்சா உங்களுக்கு சோகமா? என்று அவர் கேட்க அதற்கு விடிவி கணேசன் நீங்க கிடைக்கலையே என்ற சோகம் தான் என்று சொன்னதும் ராதா கணேஷ் கன்னத்தை பிடித்து கிள்ளி முத்தம் கொடுத்ததும் அவர் ஜர்க் ஆகி கீழே விழுகிறார். இப்படியாக கலகலப்பான ப்ரோமோ இப்போது இணையத்தில் அதிகமாக பரவி வருகிறது.
அதோடு இந்த சீசனில் விடிவி கணேசன் குக்காக இருந்தாலும் அதிகமாக காமெடி செய்து கொண்டிருக்கிறார் என்று பலரும் அவரை பாராட்டிக் கொண்டிருக்கிறார்கள். இவருக்காகவே இந்த ஷோ பார்க்கலாம் என்பதும் பலருடைய கருத்தாக இருக்கிறது. இந்த சீசனில் யார் அதிகமாக என்டர்டைன்மெண்ட் பண்ணுறாங்க? யார் அதிகமா கிரன்ச் பண்ணுறாங்கன்னு நீங்க நினைக்கிறீங்க... அதை கமெண்டில் சொல்லுங்க பார்ப்போம்.
Click it and Unblock the Notifications
Sign in with Google