திடீர் சர்ப்ரைஸ்.. திருமண கோலத்தில் ஜோயா.. வெட்கத்தோடு சொன்ன வார்த்தை.. குவியும் வாழ்த்துக்கள்
சென்னை: குக் வித் கோமாளி சீசன் 5 நிகழ்ச்சியில் போட்டியாளராக இருக்கும் ஷாலின் ஜோயா தன்னுடைய இன்ஸ்டாகிராம் பக்கத்தில் தான் திருமண கோலத்தில் இருக்கும் சில புகைப்படங்களை வெளியிட்டு இருக்கிறார். அது இணையத்தில் பலருடைய வாழ்த்துக்களை பெற்று வருகிறது. அதோடு ரசிகர்களுக்கு இன்ப அதிர்ச்சியான விஷயத்தையும் பகிர்ந்து இருக்கிறார். அது பற்றி பார்க்கலாம்.
குக் வித் கோமாளி நிகழ்ச்சியில் ஒவ்வொரு சீசனிலும் ஒவ்வொரு போட்டியாளர் பெரிய அளவில் பிரபலம் அடைந்து விடுகிறார்கள். ஆரம்பத்தில் இந்த நிகழ்ச்சி தொடங்கும் போது இருந்த வரவேற்பு இப்போது குறைய தொடங்கி இருந்தாலும் ஒரு சில போட்டியாளருக்கு மட்டும் இந்த நிகழ்ச்சியில் அமோகமான வரவேற்பு கிடைக்கிறது. அவர்களுக்கு ஃபேன்ஸ் பேஜ்களும் அதிகரித்து கொண்டிருக்கிறது. அந்த வகையில் ஐந்தாவது சீசனில் அதிகமான ரசிகர்களை கவர்ந்த போட்டியாளர்களின் ஒருவராக ஷாலின் ஜோயா இருந்து வருகிறார்.
ரசிகர்களின் ஆதரவினால் இவர் ஒவ்வொரு வாரமும் தப்பித்துக் கொண்டிருக்கிறார் என்று கூட கூறப்படுகிறது. ஜோயா கோமாளிகள் போல சமையல் செய்யும்போது திணறிக்கொண்டு இருந்தாலும் கடைசியில் சமையலில் அசத்தி விடுகிறார். நடுவர்கள் கூட ஆஹா ஓகோ என்று புகழ்ந்து விடுகிறார்கள். இது என்ன மாயம் மந்திரம் என்பது ரசிகர்களுக்கு புரியவில்லை. ஆனால் இவருடைய க்யூட்டான எக்ஸ்பிரஷன் மற்றும் ஜாலியான பேச்சு பலரையும் கவர்ந்திருக்கிறது.
ஷாலின் ஜோயா குக் வித் கோமாளி நிகழ்ச்சிக்கு முன்பே ஒரு சில ஷார்ட் பிலிம்களை இயக்கியிருக்கிறார். அதுபோல கண்ணகி உட்பட சில திரைப்படங்களிலும் நடித்திருக்கிறார். இத்தனை திறமைகள் இருந்தாலும் தனக்கு எதுவுமே தெரியாது என்பது போலவே இவர் நிகழ்ச்சியில் நடந்து கொள்ளும் விதம்தான் பலரையும் கவர்ந்து வருகிறது. இந்த நிலையில் ஷாலின் ஜோயல் தன்னுடைய இன்ஸ்டாகிராம் பக்கத்தில் ஒரு பதிவு வெளியிட்டிருக்கிறார்.
அதில் மணப்பெண் உடையில் ஜோயா எடுத்த புகைப்படத்தை பார்த்ததும் ரசிகர்கள் என்னது இவருக்கு திருமணமா என்று அதிர்ச்சியாகி இருக்கிறார்கள். ஆனால் அதற்கு ஜோயா விளக்கத்தையும் கொடுத்து இருக்கிறார். "நண்பர்களே இது நான் நித்தின் சேட்டன் இயக்கும் நரேந்திரன் ஹனிமூன் என்ற சீரியஸில் கோமியோ ரோலில் நடிக்கிறேன்" என்று கூறியிருக்கிறார். இதற்கு சின்னத்திரை பிரபலங்கள் மற்றும் ரசிகர்கள் பலரும் வாழ்த்துக்கள் தெரிவித்து வருகிறார்கள்.
ஜோயா சர்ச்சைகளுக்கு பெயர் போன டிடிஎப் வாசன் காதலி என்று பலரும் சொல்லிக் கொண்டு வந்தாலும் இருவரும் நாங்கள் காதலிக்கிறோம் என்பதை வெளிப்படையாக இதுவரைக்கும் சொல்லவில்லை. ஆனால் அதிகமான ரீல்ஸ் வீடியோக்கள் மற்றும் திடீர் சர்ப்ரைஸ் கொடுத்து அடிக்கடி வீடியோக்களை வெளியிட்டு வருகிறார்கள். இந்த ஜோயாவின் கேப்ஷனை படித்துப் பார்க்காத சில ரசிகர்கள் உங்களுக்கு கல்யாணமா? டிடிஎஃப் வாசன் இது பற்றி எந்த விளக்கமும் கொடுக்கவில்லையே என்றும் கேள்வி எழுப்பி வருகிறார்கள்.
Click it and Unblock the Notifications
Sign in with Google