அது எப்படி! என் மதத்தின் பெயரில் கடை இருந்தா மட்டும்? கமெண்டுக்கு காரசார பதில் கொடுத்த இர்ஃபான்
சென்னை: யூடியூப்பர் இர்ஃபான் பல ஹோட்டல்களில் சாப்பாடு ரிவ்யூ செய்து வீடியோ வெளியிட்டு பிரபலம் அடைந்திருக்கும் நிலையில் சமீபத்தில் வெளியிட்ட வீடியோவிற்கு ரசிகர் ஒருவர் கேட்ட கேள்விக்கு இர்ஃபான் கடுமையான வார்த்தைகளில் பதிலடி கொடுத்திருக்கிறார்.
அந்த வகையில் இப்போது மக்கள் மத்தியில் எதை தெரிந்து கொள்ள வேண்டும் என்றாலும் யூடியூப்பை நம்பித்தான் இருக்கின்றனர். இணையத்தின் பயன்பாடு அதிகரிக்க அதிகரிக்க நாளுக்கு நாள் பல யூடியூப்பர்களும் அதிகரித்துக் கொண்டிருக்கிறார்கள். அதிலும் பலர் மக்களுக்கு தெரியாத பல விஷயங்களை எடுத்துக் கூறி பிரபலமடைந்து கொண்டிருக்கின்றனர்.
சமையலில் தொடங்கி விமானம் செய்வது வரைக்கும் எல்லா விஷயங்களிலும் யூடியூபில் பலர் சொல்லிக் கொடுத்துக் கொண்டிருக்கின்றனர். அதில் ஒரு சிலர் வித்தியாசமாக தாங்கள் வாங்கும் பொருள்கள் தரம் எப்படி இருக்கிறது என்பதை ரிவியூ செய்து வருகின்றனர். அந்த வரிசையில் சாப்பாடு ரிவ்யூ செய்து பிரபலம் அடைந்த இர்ஃபானுக்கு இணையத்தில் அதிகமான ரசிகர்கள் இருக்கின்றனர்.
இவர் ஒவ்வொரு கடைகளிலும் சாப்பாடை ருசித்து சாப்பிட்டு ரிவ்யூ செல்லும் அழகை பார்ப்பதற்காகவே பலர் இவருக்கு பாலோவஸ்களாக மாறிக்கொண்டிருக்கின்றனர். பெரும்பாலும் இர்ஃபான் வீடியோக்களில் அதிகமாக உணவை மோசமாக பேசி பார்க்க முடியாது. மிகவும் அரிதாகவே ஒரு சில உணவுகளை மோசமாக பேசி இருப்பார். அதே நேரத்தில் இவர் எல்லா ஹோட்டலுக்கும் பிரமோஷனுக்காக தான் செல்கிறார் என்ற பேச்சுக்களும் எழுந்தது. அதை இர்ஃபார் மறுத்து இருந்தார்.
இந்த நிலையில் இர்ஃபான் இப்போது விஜய் டிவியில் ஒளிபரப்பாக இருக்கும் குக் வித் கோமாளி சீசன் 5 நிகழ்ச்சியில் ஒரு போட்டியாளராக கலந்து கொண்டு இருக்கிறார். இவர் இந்த நிகழ்ச்சியில் கலந்து கொள்ளப் போகிறார் என்று ஏற்கனவே சில மாதங்களாகவே பேச்சு அடிபட்டுக் கொண்டிருந்தது. அதை இப்போது விஜய் டிவி உறுதிப்படுத்தி இருக்கிறது.
நாளை அதாவது ஏப்ரல் 27ஆம் தேதி குக் வித் கோமாளி நிகழ்ச்சி தொடங்க இருக்கிறது. இப்படியான நிலையில் இர்ஃபான் சமீபத்தில் வெளியிட்ட வீடியோவில் ரசிகர் ஒருவர் "இர்ஃபான் 99 சதவீதம் முஸ்லிம் கடைகளுக்கு மட்டும்தான் ப்ரோமோட் செய்கிறார். ஒரு சதவீதம் தான் இந்து கடைகளுக்கு ப்ரொமோட் செய்கிறார்" என்று கமெண்ட் கொடுத்திருக்கிறார்.
இதற்கு பதில் அளித்த இர்ஃபான் "அது எப்படிடா என் மதத்தின் பெயரில் கடை இருந்தா மட்டும் அங்க வந்து இப்படி கமெண்ட் போடுற... நேத்து பண்ணுன "நீனா" அதற்கு முன்னாடி பண்ணுன "a2b" கடைசியா "மாப்பிள்ளை ரெஸ்டாரன்ட்" "பாலமோர் டிபன் கடை" என்று பல கடைகள் இருக்கு. அதையெல்லாம் பார்க்கும் போது நீ... (அதில் ஒரு கெட்ட வார்த்தையை இணைத்து இருக்கிறார்). பிரச்சனை என்கிட்ட இல்லடா பரதேசி எல்லாத்தையும் மத வெறுப்போடு சாப்பிடுற உன்கிட்ட தான்டா இருக்கு சைக்கோ" என்று கடுமையாக பதிலடி கொடுத்து இருக்கிறார். இந்த ஸ்கிரீன்ஷாட் தற்போது இணையத்தில் வைரலாகி வருகிறது.
Click it and Unblock the Notifications
Sign in with Google