Coolie: "என்னப்பன் அல்லவா” கூலி வெற்றிக்காக லோகேஷ் செய்த செயல்! பிளைட்டில் ரஜினிக்கு கிடைத்த இன்ப அதிர்ச்சி

Updated: Thursday, August 7, 2025, 13:50 [IST]

Subscribe to Oneindia Tamil

சென்னை: பாலிவுட் முதல் கோலிவுட் வரை அனைவரையும் திரும்பிப் பார்க்க வைத்த இயக்குநர் லோகேஷ் கனகராஜ், தற்போது தனது அடுத்த பிரமாண்ட படைப்பான 'கூலி' படத்தின் வெளியீட்டிற்காக முழு ஈடுபாட்டுடன் செயல்பட்டு வருகிறார். சூப்பர் ஸ்டார் ரஜினிகாந்துடன் இணைந்து உருவாக்கியுள்ள இந்தப் படம், வரும் ஆகஸ்ட் 14-ம் தேதி திரையரங்குகளில் வெளியாக உள்ளது. இந்த நிலையில், பட வெளியீட்டிற்கு முன்னதாக, லோகேஷ் கனகராஜ், திருவண்ணாமலை அண்ணாமலையார் கோயிலுக்குச் சென்று சாமி தரிசனம் செய்தது, ரசிகர்கள் மத்தியில் பெரும் கவனத்தை ஈர்த்துள்ளது.

கூலி- புதிய பரிமாணங்கள்

'கூலி' திரைப்படம், தமிழ் சினிமாவின் புதிய பரிமாணங்களைக் காட்டும் ஒரு மாஸ் ஆக்ஷன் எண்டர்டெயினர் என்று கூறப்படுகிறது. 'கைதி', 'மாஸ்டர்', 'விக்ரம்', 'லியோ' போன்ற வெற்றிப் படங்களைக் கொடுத்த லோகேஷ், இப்போது 'கூலி' மூலமாக ரஜினியின் ஸ்டைலுக்கும், தனது இயக்க நேர்த்திக்கும் ஒரு மிகப்பெரிய அங்கீகாரத்தை உருவாக்க இருக்கிறார்.

'கூலி' படத்தில், ரஜினிகாந்துடன் இணைந்து சத்யராஜ், ஸ்ருதிஹாசன், நாகார்ஜூனா, உபேந்திரா, ஆமீர் கான் போன்ற பல முன்னணி நடிகர்கள் நடித்துள்ளனர். இந்தப் படத்தின் இசை, அனிருத்தின் கைவண்ணத்தில் உருவாகியுள்ளது.

ஆடியோ வெளியீட்டு விழாவில் நெகிழ்ச்சி

ரஜினிகாந்த்: 'கூலி' ஆடியோ வெளியீட்டு விழாவில் பேசிய ரஜினிகாந்த், "லோகேஷ் கனகராஜ் ஒரு சிறந்த இயக்குநர். அவரது இயக்கத்தில் நடித்தது, எனக்கு ஒரு புதிய அனுபவமாக இருந்தது. ரசிகர்கள் இந்தப் படத்தைப் பார்க்கும்போது, நிச்சயம் திருப்தி அடைவார்கள்," என்று கூறினார்.

லோகேஷ் கனகராஜ்: "ரஜினிகாந்த் சாருடன் இணைந்து பணியாற்றியது, எனக்குக் கிடைத்த மிகப்பெரிய வாய்ப்பு. 'கூலி' திரைப்படம், ரஜினி ரசிகர்களுக்குப் பிடித்த ஒரு படமாக இருக்கும்," ஆயிரம் பாட்சா படத்திற்கு சமமானது இது. இந்த படம் ஆயிரம் கோடி வசூல் செய்யுமா என்று எனக்கு தெரியாது ஆனால் படத்தை பார்ப்பதற்காக ரசிகர்கள் வாங்கும் டிக்கெட்க்கு ஒருத்தாக இருக்கும் என்று லோகேஷ் கனகராஜ் நெகிழ்ச்சியுடன் தெரிவித்தார்.

ஸ்ருதிஹாசன்: இந்தப் படத்தில் பிரீத்தி என்ற கதாபாத்திரத்தில் நடித்திருக்கும் நடிகை ஸ்ருதிஹாசன், "எனது அப்பாவுக்கு (கமல்ஹாசனுக்கு) மிகவும் பிடித்த நடிகரான ரஜினிகாந்த் சாருடன் நடித்தது, எனக்குப் பெருமையாக இருக்கிறது. லோகேஷ் சார் ஒரு சிறந்த இயக்குநர். இந்தப் படத்தில் எனது கதாபாத்திரம், ரசிகர்களுக்கு ஒரு புதிய அனுபவமாக இருக்கும்," என்று கூறினார்.

எதிர்பார்ப்புகள்

'கூலி' திரைப்படம், ரஜினியின் ஸ்டைலும், லோகேஷின் இயக்கமும் இணைந்து, பாக்ஸ் ஆபிஸில் ஒரு புதிய சாதனை படைக்கும் என்று ரசிகர்கள் எதிர்பார்த்துக் கொண்டிருக்கின்றனர். 'கூலி' திரைப்படம், தமிழ் சினிமாவில் ஒரு புதிய மாற்றத்தைக் கொண்டு வரும் என்று பரவலாக நம்பப்படுகிறது.

இது ஒரு பக்கம் இருக்க கூலி படம் வெளியாவது குறித்து ரஜினியின் ரசிகர்கள் ஆர்வத்தோடு எதிர்பார்த்து இருக்கும் நிலையில் தற்போது ஒரு வீடியோ இணையத்தில் வைரலாகி வருகிறது. அதில் நடிகர் ரஜினிகாந்த் விமானத்தில் பயணிக்கிறார். அவர் பயணம் செய்த விமானத்தில் இருந்த பயணிகள் ரஜினிகாந்தை திடீரென பார்த்ததும் ஆரவாரம் செய்து, தலைவரே உங்க முகத்தை ஒருமுறை காட்டுங்க என்று சொன்னதும் ரஜினிகாந்த் எழுந்து நின்று அனைவருக்கும் வணக்கம் சொல்கிறார். அப்போது அங்கிருந்த பயணிகள் அனைவரும் ஓவென்று கத்தி ஆர்ப்பாட்டம் செய்கிறார்கள். ரஜினிகாந்துக்கு எத்தனை வயதானாலும் அவருடைய ரசிகர்கள் தலைமுறை கடந்தும் அவரை ரசித்து வருகிறார்கள் என்று இந்த வீடியோக்கள் மூலம் தெரிகிறது.