Coolie vs war2 box office: போட்டிப்போட்ட வார் 2வை காலி பண்ணிய கூலி.. அதுவும் இத்தனை கோடி வித்தியாசம்!

சென்னை: நடிகர் ரஜினிகாந்தின் நடிப்பில் வெளியாகி இருக்கும் 'கூலி' மற்றும் ஹிருத்திக் ரோஷன் - ஜூனியர் என்டிஆர் நடித்த 'வார் 2' ஆகிய இரண்டு பிரம்மாண்ட திரைப்படங்கள், கடந்த ஆகஸ்ட் 14-ம் தேதி திரையரங்குகளில் ஒரே நேரத்தில் வெளியானது. இந்த இரண்டு படங்களும் முதல் நாளிலிருந்தே கடுமையான போட்டி போட்டு வருகின்றன. 11 நாட்களுக்குப் பிறகு, வசூல் புள்ளிவிவரங்கள் ரஜினியின் 'கூலி' திரைப்படம் முன்னணியில் இருப்பதைக் காட்டுகிறது.

கூலியின் வசூல் நிலவரம்

லோகேஷ் கனகராஜ் இயக்கத்தில், சன் பிக்சர்ஸ் தயாரிப்பில் வெளியான 'கூலி' திரைப்படம், முதல் நாளில் ₹65 கோடி வசூலித்து அதிரடியான தொடக்கத்தைக் கொடுத்தது. இந்த படம், முதல் 9 நாட்களில் இந்தியாவில் மட்டும் சுமார் ₹235.5 கோடி வசூலித்ததாக 'Sacnilk' வலைத்தளம் தெரிவித்துள்ளது. 10-வது நாளான சனிக்கிழமை, ₹10.50 கோடியும், 11-வது நாளான ஞாயிற்றுக்கிழமை ₹10.75 கோடியும் வசூலித்தது. இதன் மூலம், 'கூலி' திரைப்படம் முதல் 11 நாட்களில் இந்தியாவில் ₹256.75 கோடியை வசூலித்துள்ளது.

தமிழ் பதிப்பு மட்டும் சுமார் ₹150 கோடிக்கு மேல் வசூலித்து, படத்தின் மொத்த வசூலுக்கு மிகப்பெரிய பங்களிப்பை அளித்துள்ளது. தெலுங்கு மற்றும் இந்தி பதிப்புகளும் கணிசமான அளவில் வசூலை ஈட்டியுள்ளன.

வார் 2 படத்தின் நிலை

அயன் முகர்ஜி இயக்கத்தில், ஹிருத்திக் ரோஷன், ஜூனியர் என்டிஆர் மற்றும் கியாரா அத்வானி நடித்த 'வார் 2' திரைப்படம், இரண்டாவது வாரத்தில் சற்று சறுக்கலைச் சந்தித்துள்ளது. முதல் நாளில் ₹52 கோடியை வசூலித்து, வலுவான தொடக்கத்தைக் கண்டாலும், இரண்டாவது வார நாட்களில் வசூல் கடுமையாகக் குறைந்தது.

11-வது நாள் வசூல்: 'வார் 2' திரைப்படம், 11-வது நாளான ஞாயிற்றுக்கிழமை, சுமார் ₹6.50 கோடி வசூலித்துள்ளது (ஆரம்ப மதிப்பீட்டின்படி). இதன் மூலம், படத்தின் மொத்த வசூல் ₹221 கோடியை எட்டியுள்ளது.

ரஜினியின் அசைக்க முடியாத மாஸ் அப்பீல்

11 நாட்களில், ரஜினிகாந்தின் 'கூலி' திரைப்படம் ₹250 கோடிக்கும் அதிகமாக வசூலித்து, 'வார் 2' திரைப்படத்தை விட சுமார் ₹31 கோடி முன்னிலையில் உள்ளது. இரண்டு படங்களுமே ₹200 கோடியைக் கடந்திருந்தாலும், 'கூலி' படத்தின் வலுவான ஆரம்ப வசூல் மற்றும் பிராந்திய அளவில் இருந்த எதிர்பார்ப்புகள், அதன் வெற்றிக்கு முக்கியக் காரணங்களாக உள்ளன. 'வார் 2' திரைப்படம், பெரிய நட்சத்திரங்கள் இருந்தும், அதன் வேகத்தைத் தக்க வைத்துக் கொள்ள முடியாமல் தடுமாறியுள்ளது. இதன் மூலம், ரஜினிகாந்த் மீண்டும் ஒருமுறை தனது அசைக்க முடியாத பாக்ஸ் ஆபிஸ் கவர்ச்சியை நிரூபித்துள்ளார்.

போலி வசூல் குற்றச்சாட்டுகள்

'கூலி' படத்தின் வசூல் போலி என்று சமூக வலைதளங்களில் விமர்சனம் செய்யப்பட்டு வருகிறது. சிலர் 'லியோ' படத்தின் வசூலையே போலி என்று கூறி வரும் நிலையில் 'கூலி' வசூல் அதனை விட மோசமாக இருக்கும் என கூறி வருகின்றனர். அதேபோல இந்த ஆண்டு வெளியான 'கேம் சேஞ்சர்' பட வசூலைப் போல 'கூலி' படத்திற்கும் போலி போஸ்டர்கள் வெளியிடப்படுவதாகவும் சிலர் விமர்சனம் செய்து வருகின்றனர். ரசிகர்கள் 'கூலி' படத்தின் வசூல் அறிவிப்பை சன் பிக்சர்ஸ் நிறுவனம் இன்று வெளியிடும் என எதிர்பார்க்கின்றனர்.

English summary

Coolie vs war2 box office: Rajinikanth’s action-packed blockbuster Coolie, directed by Lokesh Kanagaraj and produced by Sun Pictures, is ruling the box office. Released on August 14 alongside Hrithik Roshan and Jr. NTR’s War 2, the film opened with an impressive ₹65 crores on day one. In just 11 days, Coolie has amassed ₹256.75 crores across India, with the Tamil version alone contributing over ₹150 crores. The Telugu and Hindi versions have also added significantly to the total.In contrast, War 2, directed by Ayan Mukerji, started strong with a ₹52 crore opening but slowed down during its second week, collecting only ₹6.5 crores on day 11, bringing its total to ₹221 crores. With a ₹31 crore lead, Coolie has firmly established itself as the bigger box office winner, reaffirming Rajinikanth’s unmatched star power and mass appeal.