விருதுநகர் சிறையிலிருந்து வெளியே வந்த குக் வித் கோமாளி புகழ்! ஏன் என்னாச்சு? பரிதவிக்கும் ரசிகர்கள்
சென்னை: சிறையிலிருந்து விஜய் டிவி குக் வித் கோமாளி புகழ் வெளியே வருவது போன்று வீடியோ வைரலாகி வருகிறது. இதனால் ரசிகர்கள் என்னாச்சோ ஏதாச்சோ என கிடந்து தவிக்கிறார்கள்.
Recommended Video
கலக்க போவது யார் எனும் விஜய் டிவி நிகழ்ச்சியில் பெண் வேடத்தில் பெண் குரலில் வந்து புகழ் அசத்துவார். இவரது ரோல் அனைவருக்கும் பயங்கர சிரிப்பை வரவழைக்கும்.
இதையடுத்து கொஞ்சம் கொஞ்சமாக குக் வித் கோமாளி எனும் ஷோவுக்கு வந்தார். அதில் மக்கள் மனதில் மிகப் பெரிய இடத்தை போட்டு சிம்மாசனம் போட்டு உட்கார்ந்துவிட்டார். புகழின் பாடி லேங்வேஜ் அனைவருக்கும் பிடிக்கும்.
விஜய்யுடன் நடனமாடிய நடிகை ஷகீலாவின் தங்கை.. குக் வித் கோமாளியில் வந்த புதிய தகவல்!
வலிமை படம்
இவர் தற்போது படங்களிலும் நடித்து வருகிறார். வலிமை படத்தில் சிறிய ரோலாக இருந்தாலும் நன்கு பேசப்பட்டார் புகழ். குக் வித் கோமாளியில் இரு சீசன்களில் கலக்கிய புகழ் 3ஆவது சீசனுக்கு சினிமா ஷூட்டிங் இல்லாத நேரங்களில் வருகை தருகிறார். இவரது காமெடியை பார்த்து தனது தாய் உடல்நிலை தேறி வருவதாக இளைஞர் ஒருவர் சமூக வலைதளங்களில் கூறியதை உருக்கமாக வெளியிட்டார்.
சினிமா செட்
விஜய் டிவி செட், சினிமா செட் என பிஸியாக நடித்து கொண்டிருக்கும் புகழ், மிஸ்டர் ஜூ கீப்பர் எனும் படத்தில் நடித்து வருகிறார். இந்த படம் இந்தியா மட்டுமின்றி பிலிப்பைன்ஸ் நாட்டிலும் படப்பிடிப்பு நடந்து வருகிறது. இந்த நிலையில் புகழ் தற்போது தனது இன்ஸ்டா பக்கத்தில் ஒரு வீடியோவை வெளியிட்டுள்ளார்.
புகழ்
அந்த வீடியோவில் புகழ் சிறையிலிருந்து வெளியே வருகிறார். அப்போது நாயகன் மீண்டும் வர்ரார் எனும் விக்ரம் பாடல் ஒலிக்கிறது. ஏதோ பனியனை போட்டபடியே வருகிறார். இதை பார்த்த ரசிகர்கள் ஏன் எதற்காக புகழ் சிறைக்கு சென்றுள்ளார் என வினவி வருகிறார்கள்.
சிறையிலிருந்து வரும் வீடியோ
ஆனால் இந்த வீடியோவின் கீழே ஷூட்டிங் ஸ்பாட் என புகழ் குறிப்பிட்டுள்ளதை பெரும்பாலானோர் பார்க்கவில்லை போலும். நல்ல வேளையாக புகழே விளக்கிவிட்டார். எந்த படத்தின் ஷூட்டிங் என தெரியவில்லை. அதிலும் விருதுநகர் மாவட்ட சிறை என போடப்பட்டுள்ளது.