"தாம் தக்க தையதக்க” லாரன்ஸ் மாஸ்டரோடு ஆட்டம் போட்ட KPY பாலா.. பிறகு வெளியிட்ட உருக்கமான பதிவு

சென்னை: ருத்ரன் திரைப்பட இசை வெளியீட்டு விழாவில் கேபிஒய் பாலா மற்றும் ராகவா லாரன்ஸ் இருவரும் சேர்ந்து டான்ஸ் ஆடி இருக்கின்றனர்.

டான்ஸ் மாஸ்டராகவும் நடிகராகவும் ராகவா லாரன்ஸ் கலக்கிய தாம் தக்க தையத்தக்க பாடலுக்கு லாரன்ஸ் மாஸ்டருடன் கேபிஒய் பாலா மேடையில் அசத்தலாக ஆட்டம் போட்டு இருக்கிறார்.

தனக்கு வாய்ப்பு தந்த லாரன்ஸ் பற்றி கேபிஒய் பாலா தன்னுடைய சமூக வலைத்தளத்தில் வெளியிட்ட பதிவு தற்போது சமூக வலைத்தளத்தில் அதிகமான கருத்துக்களை பெற்று வருகிறது.

விஜய் டிவி பிரபலம்: விஜய் டிவி பாலாவிற்கு அதிகமான ரசிகர்கள் இருக்கின்றனர். அவர் கலக்கப்போவது நிகழ்ச்சியாக இருந்தாலும் சரி, குக் வித் கோமாளி நிகழ்ச்சியாக இருந்தாலும் சரி ரசிகர்கள் கொண்டாடும் ஒரு பிரபலமாக மாறி இருக்கிறார். விஜய் டிவியில் இவர் இல்லாத நிகழ்ச்சிகளே இல்லை என்று சொல்லும் அளவிற்கு அனைத்து நிகழ்ச்சிகளிலும் வலம் வந்து கொண்டிருக்கும் பாலா தற்போது தன்னுடைய சமூக வலைத்தளத்தில் உருக்கமான பதிவு ஒன்றை வெளியிட்டு இருக்கிறார்.

ருத்ரன் திரைப்படம்: ராகவா லாரன்ஸ் மற்றும் பவானி சங்கர் இணைந்து நடித்துள்ள திரைப்படம் ருத்ரன். இந்த திரைப்படத்தை 5 ஸ்டார் கிரியேஷன் நிறுவனர் கதிரேசன் இயக்கியுள்ளார். மிகப்பெரிய எதிர்பார்ப்புக்கு மத்தியில் உருவாகியுள்ள இந்த படம் கடந்த கிறிஸ்மஸ் பண்டிகைக்கு வெளியாகும் என்று எதிர்பார்ப்போடு இருந்த நிலையில் பிறகு ரிலீஸ் தேதி தள்ளி வைக்கப்பட்டது.

பாடல்கள் வெளியீடு: இதைத்தொடர்ந்து விரைவில் இப்படம் ரிலீசாக உள்ள நிலையில் அவ்வப்போது படம் குறித்த அப்டேட் வெளியாகி ரசிகர்களுக்கு இந்த படத்தின் மீது எதிர்பார்ப்பை அதிகரித்து வருகிறது. இந்த நிலையில் இந்த படத்தில் இடம்பெற்ற மூன்று பாடல்கள் வெளியாகி ரசிகர்களை கவர்ந்திருக்கிறது.

மாஸ்டர் உடன் டான்ஸ்: இந்த நிலையில் இந்த திரைப்படப் பாடலுக்கான இசை வெளியீட்டு விழா சமீபத்தில் நடந்தது. அந்த நிகழ்வில் ராகவா லாரன்ஸ் மற்றும் கலக்கப்போவது யாரு பாலாவும் சேர்ந்து திருமலை படத்தில் இடம்பெற்ற, "தாம் தக்க தையத்தக்க" பாடலுக்கு நடனம் ஆடினர். இந்த வீடியோவை தன்னுடைய சமூக வலைதள பக்கத்தில் பகிர்ந்த பாலா தன்னுடைய மனதில் இருக்கும் வார்த்தைகளை கொட்டி இருக்கிறார்.

நெகிழ்ச்சியான பதிவு: அதில் எங்கள் 90ஸ் கிட்ஸ்களின் மிகவும் அடிமையான பாடலுக்கு என்னுடன் நடனமாடிய எங்கள் நடன ஜாம்பவான் லாரன்ஸ் மாஸ்டருக்கு மிக்க நன்றி. தாம் தக்க தீம்தக்க.. லவ் யூ லாட்ஸ் மாஸ்டர். எல்லாவற்றிற்கும் நன்றி, மிக்க நன்றி. தொகுப்பாளராக இருப்பதில் மகிழ்ச்சி என்று தன்னுடைய சந்தோஷத்தை, பகிர அதற்கு விஜய் டிவி பிரபலங்கள் ரசிகர்கள் என பலரும் வாழ்த்து கூறி வருகிறார்கள்.

English summary

KPY Bala and Raghava Lawrence dance together at the music launch of Rudran.Raghava Lawrence as a dance master and actor has performed amazingly on stage with KBY Bala on the stage with Lawrence master to his tuneful song.KBY Bala's post about Lawrence who gave her a chance is currently receiving a lot of comments on social media.