Kara Twitter Review: தனுஷின் கர படம் எப்படி இருக்கு? கம்பேக் உறுதி! ட்விட்டர் விமர்சனம் இதோ!
சென்னை: நடிகர் தனுஷ் நடிப்பில், இயக்குநர் விக்னேஷ் ராஜா இயக்கத்தில் உருவாகியுள்ள "கர" திரைப்படம் இன்று வெளியாகி ரசிகர்கள் மத்தியில் பெரும் கவனத்தை ஈர்த்துள்ளது. சஸ்பென்ஸ் த்ரில்லர் பாணியில் உருவான இந்த படம், வெளியீட்டுக்கு முன்பே டீசர் மற்றும் ட்ரெய்லர் மூலம் எதிர்பார்ப்பை கிளப்பியிருந்தது. இந்த படத்தில் ட்விட்டர் விமர்சனத்தை இங்கே பார்ப்போம்.
படக்குழு & நட்சத்திரங்கள்
இந்த படத்தில் தனுஷுடன் மமிதா பைஜு கதாநாயகியாக நடித்துள்ளார். மேலும் கே.எஸ். ரவிக்குமார், கருணாஸ், பிரித்வி பாண்டியராஜ் உள்ளிட்ட பலரும் முக்கிய கதாபாத்திரங்களில் நடித்துள்ளனர். இசையை ஜி.வி. பிரகாஷ் குமார் அமைத்துள்ளார்.
ரசிகர்கள் விமர்சனம்
படத்தை பார்த்த ரசிகர்கள் சமூக வலைதளங்களில் தங்களது கருத்துகளை பகிர்ந்து வருகின்றனர். ஒரு ரசிகர் கூறியதாவது, "படத்தின் முதல் பாதி மெதுவாக நகர்ந்தாலும், அதில் இருக்கும் ஆழமான திரைக்கதை நம்மை ஈர்க்கிறது. குறிப்பாக திருட்டு சம்பந்தமான காட்சிகள் தியேட்டரையே டென்ஷனில் ஆழ்த்திவிட்டது. தனுஷ் தனது கதாபாத்திரத்திற்கு உயிரே ஊட்டியிருக்கிறார்."
அதேபோல், மமிதா பைஜுவின் நடிப்பு குறித்து, "சாதாரண ஹீரோயின் ரோல் அல்ல... கதைக்கே முக்கியமான பங்கு" என பாராட்டுகள் கிடைத்துள்ளன. கருணாஸ் வரும் இடங்களில் இயல்பான நகைச்சுவை கலந்து இருப்பதும் ரசிகர்களுக்கு பிடித்திருக்கிறது.
பாடல்கள் & பின்னணி இசை
மற்றொரு ரசிகர் பதிவு, "படத்தில் பாடல்கள் சரியான இடத்தில் வருகிறது. பின்னணி இசை மூலமாக காட்சிகளின் தாக்கத்தை பல மடங்கு உயர்த்தியிருக்கிறார் ஜி.வி. பிரகாஷ்." பலரும் BGM-ஐ தனியாகவே குறிப்பிடும் அளவுக்கு, இசை இந்த படத்தின் பெரிய பலமாக மாறியுள்ளது.
இரண்டாம் பாதி
இரண்டாம் பாதியில் படம் முழுக்க வேகம் அதிகரிக்கிறது. குறிப்பாக காவல்துறை மற்றும் திருடன் இடையேயான துரத்தல் காட்சிகள் "அனல் பறக்குது" என்று ரசிகர்கள் கூறுகின்றனர்.
சிலர், "முதல் பாதியில் அமைதியாக build-up கொடுத்த இயக்குநர், இரண்டாம் பாதியில் முழுக்க வேகமாக கதையை நகர்த்தியுள்ளார். இடைவேளை காட்சியில் ஒரு ஹைலைட் இருக்கு!" என்று சொல்லி இருக்கின்றனர்.
திரைக்கதை
படத்தின் திரைக்கதை குறித்து கலவையான கருத்துகள் இருந்தாலும், பெரும்பாலானோர் ஒரு விஷயத்தில் ஒத்துக் கொள்கிறார்கள், "மெதுவாக சென்றாலும் சலிப்பு வரவில்லை" என்பதுதான் இயக்குநர் விக்னேஷ் ராஜா, slow narration-ஐ பயன்படுத்தியும், அதற்குள் twist-களை நன்றாக பொருத்தியிருக்கிறார் என்று பாராட்டுகள் கிடைத்துள்ளன.
ஒரு நெட்டிசன் பதிவு:
"இந்த ஆண்டில் வந்த படங்களில் Top 3-ல் definitely இருக்கும். இது ஒரு படம் இல்ல, ஒரு experience!" என்று பகிர்ந்து இருக்கிறார்.
முதல் பாதி: மெதுவான ஆனால் ஈர்க்கும்
இடைவேளை: செம்ம ஹைலைட்
இரண்டாம் பாதி: வேகமான த்ரில்லர்
இசை: மிகப் பெரிய பலம்
நடிப்பு: தனுஷ் & குழு அசத்தல்
மொத்தத்தில், "கர" திரைப்படம் தனுஷின் சமீப கால தோல்வி சரிவை மாற்றுமா? என்ற கேள்விக்கு, ரசிகர்கள் தரப்பில் இருந்து படம் சூப்பர் என்ற நல்ல பதில் கிடைத்துக் கொண்டிருக்கிறது.
Click it and Unblock the Notifications
Sign in with Google