ப்ரீ புக்கிங்கில் கலக்கும் தனுஷின் குபேரா.. ரிலீஸ் ஆவதற்கு முன்பே இவ்வளவு கலெக்ஷனா? வெளியான தகவல்

சென்னை: நடிகர் தனுஷ் நடிப்பில் சேகர் கம்முலா இயக்கத்தில் உருவாகி இருக்கும் குபேரா திரைப்படம் வரும் ஜூன் இருபதாம் தேதி தியேட்டரில் வெளியாக இருக்கிறது. இந்த திரைப்படத்தின் போஸ்டர் முதல் டீசர் வரை அனைத்துமே வித்தியாசமாக இருக்கிறது. இந்த நிலையில் இந்த திரைப்படம் வெளியாவதற்கு முன்பு ப்ரீ புக்கிங்கில் எவ்வளவு வசூல் செய்திருக்கிறது என்ற தகவல் தற்போது கிடைத்திருக்கிறது.

அதாவது தமிழ் மற்றும் தெலுங்கு என இரண்டு மொழிகளிலும் குபேரா திரைப்படம் உருவாகி இருக்கிறது. இந்த திரைப்படத்தின் பட்ஜெட் 120 கோடியாம். நடிகர்களின் சம்பளத்தை சேர்த்து இந்த படம் 120 கோடியில் உருவாக்கப்பட்டது என்று கூறப்படுகிறது. அது போல இந்த படத்திற்கு தனுசுக்கு 30 கோடி சம்பளம் கொடுக்கப்பட்டதாகவும், நாகார்ஜுனாவிற்க்கு 14 கோடி, ராஷ்மிகாவுக்கு நான்கு கோடியும் வழங்கப்பட்டதாக தகவல்கள் கிடைத்திருக்கிறது.

குபேரா திரைப்பட நடிகர்களின் சம்பளம்

அதுபோல இந்த படத்தில் ஃப்ரீ ரிலீஸ் வியாபாரத்திலேயே படத்திற்கான பட்ஜெட்டில் 90% கிடைத்துவிட்டதாக கூறப்படுகிறது. டிஜிட்டல் மற்றும் திரையரங்க ரைட்ஸ் ஆகியவற்றை சேர்த்து 110 கோடி வரை வியாபாரம் ஆகி இருக்கிறதாம். அதனால் ரிலீஸுக்கு முன்பே இந்த படம் பட்ஜெட்டை கவர் செய்துவிடும் என்று கூறப்படுகிறது. அதனால் கண்டிப்பாக படக்குழுவிற்கு குபேரா திரைப்படம் வெற்றி படமாக தான் அமையும் என்று தெரிகிறது.

குபேரா திரைப்படம் பட்ஜெட்

இந்த படத்திற்கு தமிழ்நாடு திரையரங்க உரிமை 20 கோடிக்கு விற்பனையாகி உள்ளதாம். அது போல ஓடிடி ரைட்ஸ் 47 கோடிக்கும், தெலுங்கு திரையரங்க உரிமை 40 கோடிக்கும் டிவி மற்றும் ஆடியோ என அனைத்தும் சேர்த்து குபேரா திரைப்படம் கிட்டத்தட்ட ரிலீசுக்கு முன்பே 100 கோடிக்கு மேல வியாபாரம் ஆகி இருப்பதாக கூறப்படுகிறது. 120 கோடி பட்ஜெட்டில் இந்த திரைப்படத்தை தயாரித்து இருந்தாலும் நூறு கோடி இப்போது எடுத்துவிட்டார்களாம்.

குபேரா திரைப்படம் ஃப்ரீ ரிலீஸ் வசூல்

இன்னும் 10 கோடி வசூலித்தால் குபேரா படம் போட்ட காசை தயாரிப்பாளர் எடுத்து விடுவார்கள். இதுவரைக்கும் தனுஷ் நடிப்பில் வெளியான படங்களில் மிகப்பெரிய வெற்றி படமாக குபேர அமையும் என்று கூறப்படுகிறது. தனுஷ் நடித்து இயக்கிய ராயன் திரைப்படம் 150 கோடி வசூலித்தது. அதுதான் தனுஷ் படங்களில் அதிகபட்சமாக வசூல் செய்த படமாக இருந்து வருகிறது. இந்த சாதனையை குபேரா திரைப்படம் கண்டிப்பாக முறியடிக்கும் என்று கூறி வருகிறார்கள். அதுபோல usa வில் இதுவரை 956 டிக்கெட்டுகள் விற்கப்பட்ட $17,013 வசூல் செய்திருப்பதாகவும் கூறப்படுகிறது.

குபேரா திரைப்படம் டைமிங்

அதுபோல இந்த படத்திற்கு முக்கிய குறையாக இருப்பது நேரம் தான். குறைந்தபட்சம் இந்த படம் 3 மணி நேரம் ஓடும் என்று கூறப்படுகிறது. மூன்று மணி நேரத்திற்கு ரசிகர்கள் பொறுமையாக இருந்து பார்ப்பார்களா என்று பார்த்தால் அது சந்தேகம் தான். 2:30 மணி நேரத்தில் இந்த படம் முடிவதாக இருந்தால் இன்னும் சிறப்பாக இருக்கும் என்றும் கூறப்படுகிறது. ஆனாலும் தியேட்டர் ரெஸ்பான்ஸ் எப்படி இருக்கிறது என்று பொறுத்திருந்து பார்க்கலாம்.

English summary

Actor Dhanush teams up with director Sekhar Kammula for the much-anticipated film Kubera, which is set to release in theatres on June 20. From the posters to the teaser, everything about the film has created curiosity among fans and cinema lovers, thanks to its unique and intriguing presentation.Now, ahead of its release, Kubera has made headlines again with its pre-booking collection figures, which have reportedly been impressive. Sources say that the film has already raked in a strong amount through early bookings, indicating solid anticipation and audience interest.