பிக்பாஸ் தமிழ் சீசன் 6 : இந்த வாரம் வெளியேறியது இவரா? இதெல்லாம் அநியாயம்! கொதிக்கும் நெட்டிசன்கள்!

Updated: Saturday, November 12, 2022, 19:01 [IST]

Subscribe to Oneindia Tamil

சென்னை: பிக்பாஸ் தமிழ் சீசன் 6 நிகழ்ச்சியிலிருந்து வெளியேற போகும் அந்த நபர் யார் என்பது குறித்த தகவல் வெளியாகியுள்ளது.

பிக்பாஸ் தமிழ் சீசன் 6 நிகழ்ச்சி கடந்த அக்டோபர் மாதம் 9 ஆம் தேதி தொடங்கியது. இந்த நிகழ்ச்சியில் 22 போட்டியாளர்கள் அறிமுகப்படுத்தப்பட்டனர். அவர்களில் இருவர் பொதுமக்களில் இருந்து தேர்வு செய்யப்பட்டனர்.

மொத்தம் 105 நாட்களில் 34 நாட்கள் சென்றுவிட்டன. இந்த நிகழ்ச்சியில் வெற்றியாளராக வருவார் என எதிர்பார்க்கப்பட்ட ஜிபி முத்து, திடீரென அவரது மகனுக்காக நிகழ்ச்சியிலிருந்து வெளியேறினார்.

சாந்தி மாஸ்டர்

13 ஆவது நாளில் ஜிபி முத்து வெளியேறினார். அதே வாரத்தில் சாந்தி மாஸ்டர் நிகழ்ச்சியை விட்டு எவிக்ட் ஆகி சென்றார். அதற்கு அடுத்த வாரம் அசல் கோளாறு, பின்னர் ஷெரீனா ஆகியோரும் நிகழ்ச்சியிலிருந்து வெளியேற்றப்பட்டனர். வாரந்தோறும் எவிக்ஷன் உள்ள நிலையில் இந்த வாரம் யார் வெளியேற்றப்படுவார் என்ற எதிர்பார்ப்பு எழுந்தது.

விஜே மகேஸ்வரி

அதன்படி இன்றைய தினம் எலிமினேஷனில் உள்ள விஜே மகேஸ்வரி வெளியேறுவதாக தகவல்கள் கிடைத்துள்ளன. மகேஸ்வரி சாணக்கியன்- இவர் நடிகையும் ஆவார். இவர் புது கவிதை, சென்னை 28, ரைட்டர், விக்ரம் உள்ளிட்ட படங்களில் நடித்துள்ளார். இவரது கணவர் சாணக்கியன், இவரும் இவரது குடும்பத்தினரும் உடல் ரீதியாகவும் மன ரீதியாகவும் தன்னை கொடுமை செய்ததாக மகேஸ்வரி தெரிவித்திருந்தார்.

குடும்ப பெயர்

அது போல் குடும்ப பெயர் கெட்டுவிடும் என்பதால் என்னை ஆங்கரிங் செய்யவோ நடிக்கவோ கூடாது என கட்டளை இட்டதாகவும் மகேஸ்வரி தெரிவித்திருந்தார். பல்வேறு துன்புறுத்தல்களுக்கு பிறகுதான் சாணக்கியனை விவாகரத்த செய்யும் முடிவுக்கும் வந்ததாக தெரிவித்துள்ளார். இதன் பின்னர் தனது மகனை வளர்ப்பதில் தீவிரம் காட்ட முடிவு செய்துள்ளதாகவும் மகேஸ்வரி தெரிவித்திருந்தார்.

நெட்டிசன்கள் கேள்வி

விஜே மகேஸ்வரி பிக்பாஸ் நிகழ்ச்சியில் வாய் வந்தபடி பேசுவதாக நெட்டிசன்கள் கருத்து தெரிவித்து வருகிறார்கள். எனினும் ராம், ஏடிகே உள்ளிட்டோரால் இந்த விளையாட்டில் எந்த பயனும் இல்லாத நிலையில் விஜே மகேஸ்வரியை வெளியேற்றியதை ஏற்க முடியாது என நெட்டிசன்கள் தெரிவித்துள்ளனர். அவர் பிக்பாஸில் நன்றாகத்தான் விளையாடி வருகிறார். அப்படியிருக்கும் போது அவரை வெளியேற்றியது எந்த வகையில் நியாயம் என நெட்டிசன்கள் தங்கள் தரப்பு கருத்தை தெரிவித்து வருகிறார்கள்.