ஆதிரைக்கு வேறு மாப்பிள்ளை பார்க்கும் குணசேகரன்..அதிர்ச்சி கொடுத்த சாருலதா..பரபரப்பில் எதிர்நீச்சல்

சென்னை: ஆதிரையின் நிச்சயதார்த்தம் நின்று விட்டது.

இந்த நிலையில் ஆதிரைக்கு வேறு மாப்பிள்ளை பார்த்து இருக்கும் புகைப்படத்தை குணசேகரன் காட்டுகிறார்.

குணசேகரன் காட்டிய புகைப்படத்தை பார்த்து வீட்டில் இருக்கும் மொத்த மருமகள்களும் கோபத்தில் இருக்கின்றனர்.

சன் டிவியில் ஒளிபரப்பாகி வரும் எதிர்நீச்சல் சீரியலில் ஆதிரையின் நிச்சயதார்த்தம் பெரும் எதிர்பார்ப்பில் இருந்த நிலையில் கடைசி நேரத்தில், நிச்சயதார்த்தம் சண்டை சச்சரவுகளோடு நின்று போயிருக்கிறது. இதில் யாரும் தப்பை ஏற்றுக் கொள்ளாமல் மாறி மாறி குற்றம் சுமத்தி வருகின்றனர். அது மட்டும் இல்லாமல் சொத்து மற்றும் 40% ஷேரால் அடுத்தடுத்த பல பிரச்சனைகளும் கலவரங்கள் தான் நடக்கிறது.

இந்த நிலையில் குணசேகரன் அப்பத்தா தனக்கு எழுதி தருவதாக சொன்ன 40% ஷேரை எழுதிக் கொடுக்க சொல்லி நிச்சயத்தை நிறுத்தி வைக்க அப்பத்தா இப்போதைக்கு என்னுடைய ஷேர் எழுதிக் கொடுக்க முடியாது என்று கூறியிருக்கிறார்.

இதனால் குணசேகரன் இந்த நிச்சயம் நடக்காது என்று உறுதியாக சொல்ல, எஸ்கேஆர் குடும்பம் கோபத்தில் அங்கிருந்து வெளியேறுகிறது. இதனால் கோபமான விசாலாட்சி மனுஷங்களை நம்பி நம்பி ஏமாந்தது போதும் என்று திட்டுகிறார். அதற்கு அப்பத்தா என்ன விசாலாட்சி பேசி முடிச்சிட்டியா? என்ன பதிலடி கொடுக்கிறார்.

பிறகு ஜனனி சாருலதாவிற்கு போன் செய்து நான் ஜனனி பேசுகிறேன் என்று சொல்ல, இன்னும் பேச என்ன இருக்கு என்று சாருலதா போனை கட் செய்கிறார். இந்த நிலையில் இந்த வாரத்தில் ஞாயிற்று கிழமையில் ஒரு மணி எபிசோடு நடக்க போவதாகவும் அதற்கு ப்ரோமோ ஒன்றும் வெளியாகி இருக்கிறது. அதில் ஆதிரையிடம் குணசேகரன் இனி அருணை மறந்து விடு, இந்த மாப்பிள்ளையை தான் நீ கட்டிக்க வேண்டும் என்று ஒரு புகைப்படத்தை காட்டுகிறார்.

அந்த புகைப்படத்தை பார்த்த ரேணுகா இது என்ன புது மாப்பிள்ளையைா இருக்கு என்று அதிர்ச்சியாகி கேட்கிறார். பிறகு கல்யாணமும் அவர் இஷ்டத்துக்கு தான் பண்ணனுமா? பாத்துருவோம் இனி என்ன நடக்கப் போகிறது என்று, என மொத்த மருமகள்களும் ஒன்று சேர்ந்து ஆதிரைக்கு ஆதரவாக நிற்கின்றனர். தற்போது இந்த ப்ரோமோவை பார்த்த ரசிகர்கள் கமெண்ட்களை குவித்து வருகிறார்கள்.

English summary

Ethir Neechal Serial April 18th Promo (எதிர்நீச்சல் சீரியல் ஏப்ரல் 18ஆம் தேதி ப்ரோமோ): Adhirai's engagement is off.In this situation, Gunasekaran shows Adhirai a photograph of him looking at another groom.Seeing the photo shown by Gunasekaran, all the daughters-in-law in the house are angry.