எதிர்நீச்சல்: வீட்டிற்கே வந்த ஜீவானந்தம்..அதிர்ச்சியில் குணசேகரன்..ஜனனி செய்த எதிர்பாராத செயல்
சென்னை: எதிர்நீச்சல் சீரியலில் இன்றைய எபிசோடுக்கான ப்ரமோ வெளியாகி இருக்கிறது.
அதில் ஜீவானந்தம் வீட்டிற்கு வந்து அப்பத்தாவின் கைரேகைகளை எடுத்துக் கொண்டிருக்கிறார்.
இதை சிசிடிவி கேமராவில் பார்த்த ஜனனி வீட்டிற்கு ஓடி வருகிறார்.
சன் டிவியில் ஒளிபரப்பாகி வரும் எதிர்நீச்சல் சீரியலில் அனைவரும் எதிர்பார்த்து இருந்த தருணம் நடக்க தொடங்கி இருக்கிறது. எப்போது குணசேகரனும் ஜீவானந்தமும் மீட் பண்ணுவார்கள் என்று ரசிகர்கள் நினைத்துக் கொண்டிருந்த நிலையில் இன்று அது நடக்க தொடங்கி இருக்கிறது.
ஜீவானந்தம் ஏற்கனவே அப்பத்தா தனக்கு எழுதி தந்த சொத்துக்கள் போதாது என்று மீதம் இருக்கும் சொத்துக்களையும் பெற வேண்டும். அதற்காக அப்பத்தாவின் கைரேகைகளை எடுக்க வேண்டும் அதற்கான ஏற்பாடுகள் செய்யுங்கள் என்று கூறியிருந்தார்.
அதே நேரத்தில் குணசேகரன் ஆடிட்டர் மூலமாக அப்பத்தாவின் கைரேகைகளை எடுப்பதற்கு பிளான் போட்ட நிலையில் அது ஜனனியால் தடைப்பட்டு போய்விட்டது. ஜனனி திடீரென்று அந்த ரூமிற்குள் வந்ததால் ஆடிட்டர் கைரேகை எடுக்காமல் வெளியேறிவிட்டார். அதைத் தொடர்ந்து இன்று வெளியான ப்ரோமோவில் ஆடிட்டர் தன்னால் கைரேகை எடுக்க முடியவில்லை என்று குணசேகரிடம் கூறுகிறார்.
இதை கேட்டு குணசேகரன் வழக்கம்போல ஆடிட்டரை திட்டி தீர்க்க, அதற்கு ஆடிட்டர் இது ஒன்னும் என்னுடைய வேலை இல்லையே சார் என்று சொல்ல, அதே நேரத்தில் அங்கு ஓடி வரும் கதிர் குணசேகரனிடம் கைரேகை எடுத்தாச்சா என்று சந்தோசமாக கேட்கிறார். குணசேகரன் கடும் கோபத்தில் இருக்கிறார்.
இந்த நிலையில் அனைவரும் மண்டபத்திற்கு வந்துவிட்ட நிலையில் அப்பத்தாவின் அறைக்கு வந்த ஜீவானந்தமும் அவருடைய பிஏவும் பத்திரத்தில் அப்பத்தாவின் கைரேகைகளை எடுக்கின்றனர். இதை அந்த அருகில் வைத்திருந்த சிசிடிவியின் புட்டேஜை தன்னுடைய மொபைல் போனில் பார்த்து ஜனனி வேகமாக சக்தியை கூப்பிட்டுக்கொண்டு வீட்டிற்கு வருகிறார்.
இந்த நிலையில் ஜீவானந்தம் நல்லவரா கெட்டவரா என்ற எதிர்பார்ப்பு ரசிகர்களிடம் இருக்கிறது. அதே நேரத்தில் மொத்த சொத்துக்களையும் ஜீவானந்தத்தின் பெயரில் பட்டம்மாள் கைநாட்டு வைத்து கொடுத்து விட்ட நிலையில், இனி ஜீவானந்திற்கும் குணசேகரனுக்கும் தான் ஆட்டம் பெரிய அளவில் இருக்கும் என்றும் எதிர்பார்க்கப்படுகிறது. ஆனாலும் என்ன நடக்கப் போகிறது என்பதை பொறுத்திருந்து பார்ப்போம்.
Click it and Unblock the Notifications
Sign in with Google