விஜய்யின் GOAT திரைப்படத்தில் எதிர்நீச்சல் சீரியல் நடிகை.. லீக்கான புகைப்படம்.. இப்படி ஒரு டுவிஸ்ட்டா?

சென்னை: நடிகர் விஜய் நடிப்பில் உருவாகி கொண்டிருக்கும் Greatest Of All Time என்ற திரைப்படத்தை இயக்குனர் வெங்கட் பிரபு இயக்கி வருகிறார். இந்த திரைப்படத்தில் நடிகர் விஜய் வித்தியாசமான கெட்டப்பில் இருப்பதால் இந்த திரைப்படம் குறித்த எதிர்பார்ப்பு ரசிகர்களின் மத்தியில் அதிகமாக இருக்கிறது.

இந்த நிலையில் எதிர்நீச்சல் சீரியலில் ஈஸ்வரி கேரக்டரில் நடித்து வரும் கனிகா இயக்குனர் வெங்கட் பிரபுவோடு எடுத்த புகைப்படத்தை தன்னுடைய சமூக வலைதள பக்கத்தில் பகிர்ந்து இருக்கும் நிலையில் கனிகாவும் விஜய் நடிக்கும் Greatest Of All Time படத்தில் நடிக்கிறாரா என்ற கேள்விகள் எழுந்து வருகிறது. இது குறித்து விரிவாக பார்க்கலாம்.

அந்த வகையில் முதல் முறையாக இயக்குனர் வெங்கட் பிரபுவின் இயக்கத்தில் Greatest Of All Time என்ற திரைப்படத்தில் நடிகர் விஜய் நடித்து கொண்டு இருப்பதால் இந்தப் படத்தின் மீது ரசிகர்களுக்கு அதிகமான எதிர்பார்ப்பு வைத்திருக்கின்றனர். அதுபோல இந்த படத்தில் மூன்று போஸ்டர்கள் இதுவரைக்கும் வெளிவந்துள்ள நிலையில் அடுத்ததாக இந்த படத்தின் முதல் பாடல் வெளிவர இருக்கிறது என்ற தகவல்கள் வெளியாகி இருக்கிறது.

அதோடு அந்த பாடல் விஜய் பாடிய பாடலாக இருக்கலாம் என்றும் கூறப்படுகிறது. அதுபோல சன் டிவியில் அதிகமான ரசிகர்களின் பாராட்டுகளோடு எதிர்நீச்சல் சீரியல் ஒளிபரப்பாகி வருகிறது. இந்த சீரியலில் ஈஸ்வரி டைரக்டரில் நடிப்பவர் தான் கனிகா. இவர் ஏற்கனவே வெள்ளித் திறையில் அஜித், மாதவன் போன்ற பல முன்னணி நட்சத்திரங்களோடு இணைந்து நடித்திருக்கிறார்.

அதுபோல சில திரைப்படங்களுக்கு டப்பிங் ஆர்டிஸ்ட் ஆகவும் இருந்திருக்கிறார். இந்த நிலையில் சின்ன திறையில் முதல் முறையாக களம் இறங்கி இருக்கும் கனிகா எதிர்நீச்சல் சீரியல் மூலமாக ரசிகர்களின் மனதில் அதிகமான இடத்தை பிடித்திருக்கிறார். அதுவும் எதிர்நீச்சல் சீரியலில் இப்போது கனிகாவின் கேரக்டருக்கு அதிகமான முக்கியத்துவம் கொடுக்கப்படுகிறது. அதுபோல கனிகா சமூக வலைதளத்திலும் ஆக்டிவாக இருந்து வருகிறார்.

சீரியலில் அமைதியின் சொரூபமாக இருந்தாலும் சூட்டிங் ஸ்பாட்டில் தன்னுடைய திறமைகளை அடிக்கடி நிரூபித்து வருகிறார். அதாவது தன்னுடைய சொந்த குரலில் பாட்டு பாடுவது, டப்ஸ்மாஷ் பண்ணுவது போன்ற செயல்களில் ஈடுபட்டு வரும் கனிகா தற்போது வெங்கட் பிரபுவோடு எடுத்த புகைப்படத்தை வெளியிட்டு இருக்கிறார். அதனால் விஜய்யின் Greatest Of All Time படத்திலும் கனிகா நடித்திருக்கிறார் என்ற தகவல்கள் இப்போது இணையத்தில் வைரலாகி வருகிறது.

வெங்கட் பிரபுவோடு கனிகா இருக்கும் புகைப்படத்தால் ரசிகர்கள் இவர் Greatest Of All Time படத்தில் நடித்திருக்கிறாரா? அல்லது டப்பிங் பேசியிருக்கிறாரா? என்று கேள்வி எழுப்பி வருகிறார்கள். ஆனால் அது குறித்து எந்த விளக்கத்தையும் கனிகா அந்த பதிவில் குறிப்பிடவில்லை.

English summary

Director Venkat Prabhu is directing the movie Greatest Of All Time starring actor Vijay. Actor Vijay is in a different role in this movie, so the expectations about this movie are high among the fans. In this situation, Kanika, who is playing the character of Ishwari in the serial ethirneechal, has shared a photo with director Venkat Prabhu on her social media page, and questions are being raised whether Kanika is also acting in Vijay's Greatest Of All Time. Let's look at this in detail.