எதிர்நீச்சலில் அண்ணன் தம்பியாக மாறும் சக்தி, கரிகாலன்.. ஜீவானந்ததிற்கு காத்திருக்கும் பிரச்சனை

சென்னை: எதிர்நீச்சல் சீரியலில் பட்டம்மாளின் 40% ஷேர் ஜீவானந்தம் பெயருக்கு மாறி இருக்கிறது.

இதனால் குணசேகரன் மட்டுமல்லாமல் மொத்த குடும்பமும் அதிர்ச்சியில் இருக்கிறது.

இந்த நிலையில் இந்த சீரியலில் சக்தி மற்றும் கரிகாலன் இருவரும் சேர்ந்து எடுத்த வீடியோ ஒன்று இணையத்தில் வேகமாக பரவி வருகிறது.

சின்னத்திரையில் அதிகமாக ரசிகர்களால் பேசப்படும் சீரியலாக எதிர்நீச்சல் சீரியல் இருந்து வருகிறது. சின்னத்திரை ரசிகர்கள் மட்டுமல்லாமல் மீம்ஸ் கிரியேட்டர்களும், இந்த சீரியலை தொடர்ச்சியாக பார்க்கத் தொடங்கிவிட்டனர். காரணம் இந்த சீரியலில் குணசேகரனால் கன்டண்ட் தாறுமாறாக அனைவருக்கும் கிடைக்கிறது.

பொதுவாக வீட்டில் இருக்கும் பெண்கள் மட்டும் தான் சீரியல் பார்ப்பார்கள் என்று நினைத்துக் கொண்டிருந்த கதை எல்லாம் இப்போது மலையேறி போயாச்சு. 2கே கிட்ஸ்கள் முதல் பல பிரபலங்களும் தொடர்ச்சியாக எதிர்நீச்சல் சீரியல் பார்த்துக் கொண்டிருக்கின்றனர். அந்த அளவிற்கு பிரபலமாகி கொண்டிருக்கும் எதிர்நீச்சல் சீரியலில் அடுத்தடுத்த எதிர்பாராத திருப்பங்களும் வந்து கொண்டிருக்கிறது.

அதே நேரத்தில் எதிர்நீச்சல் சீரியலில் வரும் பிரச்சனைகளும் அதிகரிக்க அதிகரிக்க ரசிகர்களின் மத்தியில் இந்த சீரியலுக்கு அதிகமான வரவேற்பு கிடைத்துக் கொண்டிருக்கிறது. இந்த நிலையில் ஆதிரை மற்றும் கரிகாலன் திருமணம் யாரும் எதிர்பார்க்காமல் நடந்தது போல இப்போது பட்டமாளின் ஷேரில் 40% ஜீவானந்தம் தன்னுடைய பெயருக்கு மாற்றி இருக்கிறார்.

இந்த நிலையில் இனி ஜனனி குணசேகரனுக்கு ஆதரவாக ஜீவானந்தத்தோடு சண்டை போடுவாரா? அல்லது ஜீவானந்தத்திற்கு ஆதரவாக மாறப்போகிறாரா? என்று எதிர்பார்க்க முடியாததாக இருக்கிறது. அதே நேரத்தில் குணசேகரன் ஜனனியால் போன சொத்தை ஜனனியை வைத்து ஜீவானந்த்திடம் இருந்து வாங்கி காட்டுகிறேன் என்று சபதம் போட்டிருக்கிறார்.

இந்த நிலையில் இந்த சீரியலில் சக்தியாக நடிக்கும் சபரி பிரசாந்த்தும் கரிகாலனாக நடிக்கும் விமல் குமார் இருவரும் நடிகர் பார்த்திபன் மற்றும் நடிகர் வடிவேலு இணைந்து நடித்த காமெடி ஒன்றுக்கு ரீல்ஸ் வீடியோ செய்து இருக்கின்றனர். அதில் நாம ரெண்டு பேரும் இனி அண்ணன் தம்பியாக இருக்கலாம் என்று சக்தி சொல்ல, அதற்கு கரிகாலன் நாம ரெண்டு பேருமா? இருக்கட்டும் என்று கூறுகிறார். தற்போது இந்த வீடியோ இணையத்தில் வேகமாக பரவி வருகிறது.

View this post on Instagram

A post shared by Sabari Prasanth (@sabari.prasanth)

English summary

Ethirneechal serial: Battammal's 40% share in the Ethirneechal serial has been transferred to Jeevanandam's name.Not only Gunasekaran but the entire family is shocked by this.Meanwhile, a video of Shakti and Karikalan together in this serial is spreading fast on the internet.