எதிர்நீச்சல் சீரியல் ராணா யார் தெரியுமா? இத்தனை படங்களில் நடித்திருக்கிறாரா? இனி தான் சம்பவமே இருக்கு
சென்னை: சன் டிவியில் ஒளிபரப்பாகி வரும் எதிர்நீச்சல் சீரியலில் குணசேகரன் தான் வில்லனாக இருக்கிறார். இப்போது அவருக்கே வில்லனாக ராணா என்ற ராவணன் அறிமுகமாகி இருக்கிறார். அவர் யார்? இதற்கு முன்பு நடித்த சீரியல்கள் பற்றிய தகவல் தான் வெளியாகி இருக்கிறது.
எதிர்நீச்சல் சீரியல்
சில வருடங்களுக்கு முன்பு ஆண்களையே சீரியல் பார்க்க வைத்த பெருமை எதிர்நீச்சல் சீரியலுக்குத்தான் உண்டானது. அந்த சீரியல் மூலமாக பலர் சின்னத்திரையை நோக்கி வந்தனர். ஆனால் இப்பொழுது நிலைமை மாறிவிட்டது. எதிர்நீச்சல் சீரியலுக்கு இருந்த ஹைப் அந்த சீரியலின் இறுதியில் இல்லாமல் போய்விட்டது. தொடர்ந்து வில்லனே வெற்றி பெறுவதும் பெண்கள் ஒவ்வொரு முறையும் தோற்றுப் போவதும் ரசிகர்கள் மத்தியில் அதிருப்தியை ஏற்படுத்தி இருந்தன.
முடிக்கப்பட்ட சீரியல்
அதனாலயே திடீரென எதிர்நீச்சல் சீரியல் இழுத்து மூடப்பட்டது. ஆனாலும் இரண்டாவது சீசன் தொடங்கப்பட்டது. இப்போதாவது மக்களுக்கு பிடித்த மாதிரி கதை இருக்குமா என்ற ஆர்வத்தோடு ஒவ்வொரு வாரமும் இந்த சீரியலையும் பார்த்து வருகின்றனர். ஆனால் வழக்கம் போல இந்த சீரியலில் வில்லன் மட்டும்தான் எப்போதும் ஜெயித்துக் கொண்டே இருக்கிறார். ஆனால் இப்போது கதையில் கொஞ்சம் மாற்றம் வந்திருக்கிறது.
எதிர்நீச்சல் வில்லன்
வல்லவனுக்கு வல்லவன் இந்த வையகத்தில் உண்டு என்ற பழமொழிக்கு ஏற்ப இப்போது இந்த சீரியலில் மிரட்டல் வில்லனாக இருக்கும் குணசேகரனுக்கு வில்லனாக ராணா வந்திருக்கிறார். தன்னுடைய அப்பாவின் இரண்டாவது மனைவியான ராணாவின் அம்மாவை ராணா சின்ன பையனாக இருக்கும்போதே அவர் கண் முன்னே குணசேகரன் குத்தி கொலை செய்து இருப்பார். அப்போது குணசேகரனிடமிருந்து ராணா மட்டும் தப்பித்திருப்பார்.
இதனால் ராணா எப்போ இந்த சீரியலுக்கு வருவாரு? அவர் வந்த பிறகு குணசேகரன் ஆட்டம் அடங்குமா என்ற எதிர்பார்ப்பில் ரசிகர்கள் இருந்தனர். இந்த நிலையில் தான் இப்போது குணசேகரனை அடக்க ராணா என்ட்ரி கொடுத்திருக்கிறார். ஈஸ்வரி ஹாஸ்பிடலில் இருந்து வந்த பிறகு குணசேகரன் மனம் திருந்தியது போல இருக்கிறார்.
எதிர்நீச்சல் ராணா பயோகிராபி
இந்த நேரத்தில் ராணா என்ற ராவணன் வந்திருக்கிறார். இதனால் இவர் யார் என்று எதிர்பார்ப்பு இருக்கிறது. இந்த கேரக்டரில் நடிக்கும் நடிகரின் பெயர் அஸ்வின் தான். இவர் கோயம்புத்தூரை சேர்ந்தவராம் சின்ன வயதில் இருக்கும்போதே நடிக்க வேண்டும் என்ற ஆசை இருந்ததால் காலேஜ் முடித்ததும் சில விளம்பரங்களில் நடிக்க தொடங்கி இருக்கிறார். மாடலிங் மூலமாக பலருக்கும் பரீட்சையமானவர் வசந்த் அண்ட் கோ உட்பட பல விளம்பரங்களிலும் நடித்திருக்கிறார்.
அதுமட்டுமல்லாமல் விஜய் ஆண்டனி நடித்த பிச்சைக்காரன் 2 படத்திலும் ஒரு சின்ன கேரக்டரில் நடித்து இருக்கிறார். அதுமட்டுமல்லாமல் சில ஷார்ட் பிலிம்களிலும் நடித்திருக்கிறார். அதுபோல ஐந்தாம் வேதம் என்ற வெப் சீரிஸிலும் நடித்திருக்கிறார். இவர் ஒரு நடிகராக மட்டுமல்லாமல் டப்பிங் ஆர்டிஸ்ட் ஆக இருக்கிறார். இந்த நிலையில் இப்போது இந்த எதிர்நீச்சல் சீரியலில் ராணா களம் இறங்கி இருப்பது இந்த சீரியலில் என்ன மாதிரி கதையை கொண்டு போகப் போகிறது என்று பொறுத்திருந்து பார்க்கலாம்.
Click it and Unblock the Notifications
Sign in with Google