அம்மு அபிராமி குக் வித் கோமாளி பிரபலத்தை காதலிக்கிறாரா? இணையத்தில் வெளியிட்ட புகைப்படம்
சென்னை: நடிகை "அம்மு அபிராமி" குக் வித் கோமாளி இயக்குனர் "பார்த்திவ் மணி"யை காதலிக்கிறாரா? என்ற கேள்விகள் இணையத்தில் அதிகமாக எழுந்து வருகிறது. அதற்கு காரணம் பார்த்திவ் மற்றும் அபிராமி வெளியிட்ட புகைப்படங்களும் அதற்கு கொடுத்த கேப்ஷனும் தான்.
விஜய் டிவியில் ஒளிபரப்பாகி வரும் குக் வித் கோமாளி நிகழ்ச்சியை முதல் சீசனில் இருந்து நான்கு சீசன் வரைக்கும் இயக்குனர் பார்த்திவ் மணி தான் இயக்கி வந்தார். இந்த நிலையில் சில தினங்களுக்கு முன்பு அபிராமியின் பிறந்தநாளுக்கு பார்த்திவ் மணி, அபிராமியோடு எடுத்த புகைப்படத்தை போஸ்ட் போட்டு வாழ்த்து தெரிவித்திருந்தார். அதற்கு கீழே கொடுத்த கேப்ஷன் வைத்து தான் ரசிகர்கள் இவர்கள் இருவரும் காதலிக்கிறார்களா? என்று கேள்வி எழுப்பி வருகிறார்கள்.
நடிகை அம்மு அபிராமி குக் வித் கோமாளி நிகழ்ச்சியில் ஒரு போட்டியாளராக கலந்து கொண்டு இருந்தார். அதே நேரத்தில் பல திரைப்படங்களிலும் நடித்திருக்கிறார். பைரவா திரைப்படத்தில் ஒரு சின்ன கேரக்டரில் அறிமுகமான அம்மு அபிராமி அதைத்தொடர்ந்து ராட்சசன், அசுரன், யானை என்று பல திரைப்படங்களில் தொடர்ச்சியாக நடித்துக் கொண்டிருக்கிறார். அதிலும் இப்போது அதிகமான திரைப்படங்களில் அழுத்தமான காட்சிகளிலும் நடித்துக் கொண்டிருக்கிறார்.
இப்படியான நிலையில் கடந்த மார்ச் 16ஆம் தேதி தான் அம்மு அபிராமி தன்னுடைய பிறந்தநாளை கொண்டாடி இருக்கிறார். அப்போது குக் வித் கோமாளி நிகழ்ச்சியின் இயக்குனரான பார்த்திவ் மணி அபிராமியோடு எடுத்த புகைப்படத்தை தன்னுடைய இன்ஸ்டாகிராம் பக்கத்தில் பகிர்ந்து இருக்கிறார். அதோடு அந்த புகைப்படத்திற்கு குணா திரைப்படத்தில் இடம்பெற்ற "அபிராமி அபிராமி" என்ற பாடலை எடிட் செய்து பயன்படுத்திருக்கிறார்.
அதோடு அந்த புகைப்படத்திற்கு "Happy faces gathered together celebrate the sweetest soul. Happy abhirami day. Be happy eppoovum" என்று கேப்ஷன் கொடுத்திருக்கிறார். இதற்கு அபிராமி "தேங்க்யூ எல்லாத்துக்கும்" என்று பதில் கொடுக்க, அதற்கு ரசிகர்கள் நீங்கள் இருவரும் ரிலேஷன்ஷிப்பில் இருக்கீங்களா? நீங்கள் இருவரும் காதலிக்கிறீர்களா? என்று கேள்வி எழுப்பி வருகிறார்கள்.
அதோடு இந்த போஸ்டுக்கு நடிகை ரித்திகா, ஆங் என்று கலாய்த்து ஒரு இமேஜியோடு கமெண்ட் போட்டு இருக்கிறார். அதுபோல சிவாங்கியும்
"ஆஹா" என்று சொல்லி இருக்கிறார். அதுபோல பார்த்திவ் மணி தான் சிங்கிளாக இருக்கும் போட்டோ ஒன்றையும் பகிர்ந்து இருக்கிறார். அதற்கு அம்மு அபிராமி "சூப்பர்" என்று கமெண்ட் கொடுத்து இருக்கிறார். அந்த கமெண்ட்க்கு குக் வித் கோமாளி குரோஷி "இந்த ஹேர் ஸ்டைலுக்கு காரணம் நீதானே அம்மு" என்று கேட்டிருக்கிறார்.
இதனால் இவர்கள் இருவரும் உண்மையிலேயே காதலிக்கிறார்களா? என்று ரசிகர்கள் குழப்பத்தோடு மேலும் கேள்விகளை எழுப்பி வருகிறார்கள். ஆனால் அம்மு அபிராமி இதுகுறித்து எந்த விளக்கத்தையும் கொடுக்கவில்லை.
Click it and Unblock the Notifications
Sign in with Google