குக் வித் கோமாளிக்கு வரும் முன்னணி நடிகை..வந்ததும் புகழுக்கு வைத்த செக்.. மீண்டும் வந்த மதுரை முத்து
குக் வித் கோமாளி சீசன் 4 நிகழ்ச்சியில் சிறப்பு விருந்தினராக நடிகை ஹன்சிகா கலந்து கொண்டிருக்கிறார்.
சென்னை: குக் வித் கோமாளி சீசன் 4 நிகழ்ச்சியின் பிப்ரவரி 25 ஆம் தேதி மற்றும் முதல் 26 ஆம் தேதிகளுக்கான முதல் பிரமோ வெளியாகி இருக்கிறது.
இந்த ப்ரோமோவில் நடிகை ஹன்சிகா சிறப்பு விருந்தினராக கலந்து கொண்டிருக்கிறார்.
நிகழ்ச்சியில் புகழை கலாய்த்து ஹன்சிகா பேசிய வார்த்தையை ரசிகர்கள் பாராட்டி.
அதுமட்டுமல்லாமல் இந்த சீசனில் மதுரை முத்து மீண்டும் வந்திருக்கிறார்.
ஹன்சிகா அறிமுகம்
விஜய் டிவியில் ஒளிபரப்பாகி வரும் குக் வித் கோமாளி நிகழ்ச்சி தற்போது நான்காவது சீசன் ஒளிபரப்பாகி வருகிறது. இந்த சீசன் தொடங்கி ஒரு சில வாரங்கள் ஆன நிலையில் நிகழ்ச்சியின் சுவாரசியத்திற்காக முன்னணி நடிகையாக இருக்கும் ஹன்சிகாவை சிறப்பு விருந்தினராக அறிமுகம் செய்து இருக்கின்றனர். ஏற்கவே ஹன்சிகாவின் திருமண வீடியோ ஹாட்ஸ்டாரில் வெளியான நிலையில் அது அதிகமான ரசிகர்களால் பார்க்கப்படாத நிலையில் அதற்காகத்தான் இந்த நிகழ்ச்சியில் அவர் கலந்து கொண்டிருக்கிறாரா? என்று ரசிகர்கள் கேள்வி எழுப்பி வருகிறார்கள்.
புகழுக்கு வார்னிங்
அது மட்டுமல்லாமல் இந்த நிகழ்ச்சியில் ஹன்சிகா பிரம்மாண்டமாக வரவேற்கப்பட்ட நிலையில், நீங்க இங்க வந்தது ரொம்ப சந்தோசம் எங்களுக்கு என்று தர்ஷன் கூற, ஹன்சிகாவிற்க்கு செப்கள் மலர் கொத்து கொடுத்து வரவேற்பு செய்கின்றனர். பின்பு நீங்கள் குக் வித் கோமாளி நிகழ்ச்சி பார்த்து இருக்கீங்களா என்று ரக்ஷன் கேட்க அதற்கு பார்த்திருக்கிறேன். ரீல்ஸில் பார்த்திருக்கிறேன் என்று கூறுகிறார். அதைக் கேட்டு அங்கிருந்தவர்கள் அனைவரும் சந்தோஷப்பட அப்போது நீங்க நிறைய பொண்ணுங்க கிட்ட பழகிக்கொண்டு இருக்கீங்க என்று ஹன்சிகா வார்னிங் கொடுக்க, அதற்கு புகழ் உங்களுக்கு கல்யாணம் ஆயிடுச்சா? என்று அதிர்ச்சியாக கேள்வி கேட்க, அதற்கு ஆமாம் என்று ஹன்சிகா பதில் சொல்ல இந்த ப்ரோமோ வெளியாகி இருக்கிறது.
மீண்டும் மதுரை முத்து
இந்த நிலையில் இந்த பிரமோவில் ஹன்சிகாவை பார்த்து ரசித்த ரசிகர்கள் அருகில் இருக்கும் மதுரை முத்துவை பார்த்ததும் கொண்டாடி வருகின்றனர். மீண்டும் நான்காவது சீசனுக்கு மதுரை முத்து வந்ததால் அவருக்கு அதிகமான வரவேற்பு கமாண்டுகள் குவிந்து வருகிறது. அது மட்டும் அல்லாமல் மதுரை முத்துவின் ஜோக்குகள் எப்போதும் எங்களுக்கு பிடிக்கும் என்றும் நீங்கள் தொடர்ந்து இந்த சீசனில் கலந்து கொள்ள வேண்டும் என்று பலர் கருத்து தெரிவித்து வருகிறார்கள்.
ரசிகர்களின் கேள்விகள்
குக் வித் கோமாளி நிகழ்ச்சியில் கலந்து கொள்ளும் கோமாளிகள் பலர் தொடர்ந்து வருவதில்லை அவர்கள் திரைப்படங்களில் பிஸியாக இருப்பதால் இந்த நிகழ்ச்சியில் கலந்து கொள்ள முடியாமல் போய்விடுகிறது என்று பலர் கூறி இருக்கும் நிலையில், இந்த வாரம் பாலாவை காணவில்லை. இந்த நிலையில் பாலாவிற்கு பதிலாக தான் மதுரை முத்து வந்திருப்பாரா? என்று பலர் கேள்வி எழுப்ப, சிவாங்கி மட்டும் குக்காக இருந்தாலும் கோமாளிகளோடு சேர்ந்து லூட்டி அடித்துக் கொண்டிருக்கிறாரே? இது என்ன நியாயம் என்று இன்னும் ஒரு சில ரசிகர்கள் கருத்து கமெண்ட்களில் கருத்து எழுப்பி வருகிறார்கள்.
Click it and Unblock the Notifications
Sign in with Google