நொந்துட்டு துபாய்க்கு ஓடிய சிம்பு.. தக் லைஃப் படத்தில் ரவி மோகன்? முத்த மழை பாட்டு எங்கே: பிரபலம்

Updated: Saturday, June 7, 2025, 16:30 [IST]

Subscribe to Oneindia Tamil

சென்னை: மணிரத்னத்தின் பொன்னியின் செல்வன் படத்தில் ரவி மோகன் சிறப்பாக நடித்திருந்ததால், தக் லைஃப் படத்திற்கும் அவரையே புக் செய்யலாம் என முடிவானது.. ஆனால், தன்னுடைய கேரக்டர் அதில் பெரிதாக இல்லாததாலும், தன்னுடைய எதிர்பார்ப்புக்கு கேரக்டர் இல்லாததாலும், அந்த படத்தில் நடிக்க முடியாது என்று ரவி மோகன் சொல்லிவிட்டார் என்று தயாரிப்பாளர் பாலாஜி பிரபு பேட்டி ஒன்றில் தெரிவித்துள்ளார்.

Public Wing என்ற சேனலுக்கு பேட்டி தந்துள்ள பாலாஜி பிரபு, "தக் லைஃப் படத்தில் கமல் மட்டுமே நடிக்கவிருந்தது.. பிறகுதான் திரைக்கதையில் சின்ன சின்ன மாற்றங்கள் செய்யப்பட்டிருக்கின்றன. இறுதியில் 2வது ஹீரோவும் இதில் நடிக்க முடிவானது..

ரவி மோகன் கேரக்டர்

இதற்கு ஜெயம் ரவி தேர்ந்தெடுக்கப்பட்டிருந்தார்.. காரணம், மணிரத்னத்தின் பொன்னியின் செல்வன் படத்தில் ரவி மோகன் சிறப்பாக நடித்திருந்ததால், தக் லைஃப் டத்திற்கும் அவரையே புக் செய்யலாம் என முடிவானது..

ஆனால், தன்னுடைய கேரக்டர் அதில் பெரிதாக இல்லாததாலும், தன்னுடைய எதிர்பார்ப்புக்கு கேரக்டர் இல்லாததாலும், அந்த படத்தில் நடிக்க முடியாது என்று ரவி மோகன் சொல்லிவிட்டார்..அதேபோல பொன்னியின் செல்வன் படத்தில் சிம்புதான் முதலில் நடிக்கவிருந்தது..

சிம்பு நடித்தால் நாங்கள் இந்த படத்தில் நடிக்க மாட்டோம் என்று சொல்லி சில முக்கிய நடிகர்கள் விலகினார்கள். அந்த சூழ்நிலையை கண்ட சிம்பு, பெருந்தன்மையுடன் பொன்னியின் செல்வன் படத்திலிருந்து தானே விலகிக் கொண்டார்..

இதனால் தக் லைஃப் படத்தில் சிம்பு தேர்வானார்.. ஏற்கனவே மணிரத்னம் படமான செக்கச்சிவந்த வானம் படத்தில் சிம்பு நடித்திருந்தார்.. எனவே, தக் லைஃப் படத்திற்காக சிம்புவிடம் பேசப்பட்டது. அப்போதுகூட சிம்பு, தன்னுடைய கேரக்டர் மிகவும் சிறியதாக இருப்பதாக சொன்னாராம்.

சிம்பு மணிரத்னம்

இதற்கு பிறகே கமல், மணிரத்னம் இருவரும் பேசி சிம்புவின் கேரக்டரை பெரிதாக்கினார்கள்.. னால் தக் லைஃப் படம் நல்லா இல்லை என்று ரசிகர்களே வெளிப்படையாக சொல்ல துவங்கிவிட்டார்கள்.,. யாருமே ரசிக்க முடியாத மொக்கை படத்தை தந்துள்ளதாக விமர்சனங்கள் வருகின்றன..

ஏஆர் ரஹ்மான் எல்லா பாடல்களையுமே இந்த படத்துக்காக சூப்பராக இசையமைத்து தந்துள்ளார்.. அதிலும் முத்த மழை பாட்டு, விண்வெளி நாயகா இரண்டுமே மிகப்பெரிய எதிர்பார்ப்பை ஏற்படுத்தியிருந்தது..இந்த முத்த மழை பாட்டை சின்மயி மேடையில் பாடவும், தமிழில் ஏன் சின்மயியை பாட வைப்பதில்லை? என்ற விவாதங்களும் வெடித்தன..

அந்த அளவுக்கு முத்த மழை பாடல் எதிர்பார்ப்பை ஏற்படுத்தியிருந்தது.. ஆனால் படத்தில் அந்த பாட்டையே காணோம்.. இது ரசிகர்களுக்கு மிகப்பெரிய ஏமாற்றம்..

முத்தமழை பாட்டு

ஆடியோ வெளியீட்டு விழாவில், ரசிகர்களிடம் இந்த பாட்டை பாடி, ஆர்வத்தையும் தூண்டிவிட்டுவிட்டு, கடைசியில் படத்திலிருந்தே அந்த பாட்டை தூக்கிவிட்டது ரசிகர்களுக்கு ஏமாற்றமே.. இந்த பாட்டை படத்தில் பயன்படுத்தாமல் போனதற்கு காரணம் சின்மயி சர்ச்சை என்றும் சொல்கிறார்கள்..

அதாவது சின்மயி பாடிய முத்த மழை பாட்டை படத்தில் வைக்க வேணடாம் என்று மணிரத்னத்துக்கு ஒரு அழுத்தம் தரப்பட்டதாகவும் தகவல் உள்ளது.. அல்லது வேறு ஏதாவது காரணமா? என்ற பல யூகங்களையும் மக்கள் பதிவிட்டு வருகிறார்கள். பாட்டை பார்ப்பதற்காகத்தான் டிக்கெட் வாங்கிட்டு வந்தோம், கடைசியில் அந்த பாட்டையே காணோம் என்று ரசிகர்கள் குமுறுகிறார்கள்..

துபாய் சென்ற சிம்பு

மறுநாள் படம் ரிலீஸ் என்றால், அதற்கு முந்தின நாள்தான் இப்படத்தை கமல், சிம்பு வேறு வேறு இடங்களில் பார்த்துள்ளனர்.. இந்த படத்தை பார்த்து முடித்ததுமே, துபாய்க்கு கிளம்பி சென்றுவிட்டார்.. மனதில் கோபம் இருந்ததா? வருத்தமா? சரியில்லாத படத்தை தந்துவிட்டார்களே என்ற கோபம் இருந்ததா? தெரியவில்லை.. மொத்தத்தில், கமல் இந்த படத்தில் பலிகடா ஆக்கப்பட்டாரா தெரியவில்லை, ஆனால், சிம்பு பலிகடா ஆக்கப்பட்டுள்ளார்" என்று தெரிவித்துள்ளார்.