விஜய், ஜோதிகா நடிப்பு பிடிக்கும்.. காரணம்..?ஹாலிவுட்டில் கலக்கும் தமிழ் நடிகை மைத்ரேயி நெகிழ்ச்சி!

சென்னை: இந்தியா- அமெரிக்க டீன் ஏஜ் பெண்களின் வாழ்க்கையை மையமாகக் கொண்டு எடுக்கப்பட்ட நெவர் ஹேவ் ஐ யுவர்( Never Have I Ever) என்ற வெப் சீரிஸில் நடித்துக் கொண்டிருக்கும் நடிகை மைத்ரேயி தமிழ் நடிகர்கள் பற்றி பேட்டியில் பேசியிருக்கிறார்.

கனடா நடிகை மைத்ரேயி ராமகிருஷ்ணனின் பெற்றோர்கள் இலங்கையில் இருந்து கனடாவிற்கு போர் காரணமாக குடிபெயர்ந்த தமிழர்கள் தான்.

இந்த நிலையில் அவர் பேட்டியில் தான் நடிப்பதற்கு ஆசைப்பட்ட காரணமே நடிகர் விஜய் நடித்த திரைப்படங்களும் அவருடைய நடிப்பும் தான் என்றும் மேலும் சில தகவல்களையும் பகிர்ந்து இருக்கிறார்.

நம்முடைய தமிழ் நடிகை ஒருவர் பிற மொழியில் மட்டுமல்லாமல் நாடு விட்டு நாடு தாண்டி நடித்து அதிகமான ரசிகர்களையும் கவர்ந்து, யார்ரா இந்த பொண்ணுன்னு வியந்து பார்க்க வைத்த நடிகை தான் மைத்ரேயி ராமகிருஷ்ணன்.மைத்ரேயி ராமகிருஷ்ணன் படித்து வளர்ந்தது எல்லாமே கனடாவில் தான். நீங்க netflix பாக்குற ஆளாக இருந்தா. கண்டிப்பா அதுல இவர் நடித்த அமெரிக்கன் காமெடி சீரிஸான நெவர் ஹேவ் ஐ யுவர்( Never Have I Ever) பார்த்திருப்பீங்க. இந்த சீரியஸை இயக்குனதும் ஒரு தமிழ் பொண்ணுதான்.

நெவர் ஹேவ் ஐ யுவர்( Never Have I Ever) சீரியஸில் நடிப்பதற்காக மைத்ரேயி கிட்டத்தட்ட 15,000 பேரோடு போட்டி போட்டு பிறகு செலக்ட் ஆகி இருக்கிறார். அது மட்டும் இல்ல இந்த நிகழ்ச்சியில் கலந்து கொள்வதற்கு முன்பே அமெரிக்காவில் நடைபெற்ற டுடே என்கிற டிவி நிகழ்ச்சியிலும் கலந்து கொண்டு உலகத்தை மாற்றி அமைக்கக்கூடிய 15 சிறுமிகளில் ஒருத்தராக செலக்ட் ஆகி இருக்கிறார்.

இதனை அடுத்து இந்த வெப் சீரிஸ் நல்ல வரவேற்பை பெற்று வருகிறது. அதனால் அடுத்தடுத்த சீசன்கள் வெளியாகி தற்போது நான்காவது சீசன் netflixஇல் ஓடிக் கொண்டிருக்கிறது. இதில் கதாநாயகியாக "தேவி விஸ்வகுமார்" கேரக்டரில் மைத்ரேயி நடித்துக் கொண்டிருக்கிறார். இவரது கதாபாத்திரமும் நடிப்பும் நல்ல விமர்சனங்களை பெற்று ரசிகர்களின் மத்தியில் மைத்ரேயி பிரபலமாக வலம் வருகிறார்.

இந்த நிலையில்தான் சமீபத்தில் இவர் நேர்காணல் ஒன்றில் கலந்து கொண்டு பேசியபோது தான் தமிழ் படங்களை பார்த்து வளர்ந்ததாகவும், "போக்கிரி", "சந்திரமுகி" திரைப்படங்கள் தனக்கு பிடித்த தமிழ் படங்கள் என்றும் கூறி இருக்கிறார். அதோடு சந்திரமுகியில் நடிகை ஜோதிகாவின் கதாபாத்திரமும், நடிப்பும் தன்னை மிகவும் கவர்ந்தது என்றும் ஜோதிகாவின் படங்களும் நடிப்பும் தனக்கு ரொம்பவே பிடிக்கும் என்று கூறியிருக்கிறார். தற்போது இது சமூக வலைதளத்தில் வைரல் ஆகி வருகிறது.

English summary

Actress Maitreyi, who is acting in the web series Never Have I Ever, which focuses on the lives of Indian-American teenage girls, has spoken about Tamil actors in an interview. In this interview, she said that the reason she wanted to act in the interview was because of the movies starring actor Vijay and his performance. He also shared some information.