இசைவாணி கூட என்ன பிரச்சனை என்றால்...முதல் முறையாக விளக்கம் கொடுத்த இமான் அண்ணாச்சி

Updated: Tuesday, December 14, 2021, 14:38 [IST]

Subscribe to Oneindia Tamil

சென்னை: பிக்பாஸ் நிகழ்ச்சியை விட்டு வெளியே வந்த பிறகு இமான் அண்ணாச்சி முதல் முறையாக வெளியிட்ட வீடியோ வைரலாக பரவி வருகிறது.

இசை வாணிக்கும் தனக்கும் என்ன பிரச்சனை என்று தெளிவாக கூறியுள்ளார்.

அண்ணாச்சியின் பேச்சை கேட்டு ரசிகர்கள் ஆதரவு கொடுத்து வருகின்றனர்.

எதிர்பார்க்காத வெளியேற்றம்

பிக் பாஸ் நிகழ்ச்சியில் ஒவ்வொரு வாரமும் ஒரு போட்டியாளர் வெளியேறிக் கொண்டு தான் இருக்கிறார்கள். இது சில நேரங்களில் ரசிகர்களுக்கு பிடித்த மாதிரி இருந்தாலும் பல நேரங்களில் ரசிகர்களுக்கு பிடிக்காமல் அதிர்ச்சி கொடுப்பதாக தான் இருந்து வருகிறது. அந்த மாதிரி தான் தற்போது அண்ணாச்சியின் வெளியேற்றம் அனைவரையும் அதிர்ச்சி ஆக்கிவிட்டது. கடைசி வரைக்கும் இவர் வெளியேற மாட்டார் என்று நம்பிக்கொண்டிருந்த ரசிகர்களுக்கு இவருடைய வெளியேற்றம் அதிர்ச்சியான விஷயம்தான். ஆனாலும் வெளியேறும் தருணத்தில் தன்னுடைய காமெடியோடு அவர் சகஜமாக வெளியேறி உள்ளார்.

அதிகரித்த ரசிகர்கள்

பிக்பாஸ் நிகழ்ச்சியை விட்டு வெளியே வந்த பிறகு தன் ரசிகர்கள் என் மீது எந்த அளவிற்கு பாசம் வைத்துள்ளனர் என்று தெரிந்துகொள்ள முடிந்தது. ஏற்கனவே தனக்கு கோடிக்கணக்கில் ரசிகர்கள் இருக்கிறார்கள் என்று கூறிக் கொண்டிருந்த அண்ணாச்சி, தற்போது ரசிகர்கள் அவருக்கு அதிகரித்து இருப்பதை பார்த்து பூரித்துப் போய் உள்ளாராம். அது மட்டுமில்லாமல் உள்ளே நடந்த ஒவ்வொரு நிகழ்வுகளுக்கும் தான் விளக்கம் கொடுப்பதாக உறுதி கூறியுள்ளார். அதுவும் பல ரசிகர்கள் இவருக்கும் என்ன பிரச்சனை அடிக்கடி உங்கள் இருவருக்கும் கருத்து வேறுபாடு ஏற்பட்டு கொண்டு இருந்ததே என்று தான் அதிகமானோர் கேட்டு வருகிறார்களாம்.

காண்ட்டாக வைத்த கருத்து வேறுபாடு

பிக் பாஸ் வீட்டிற்குள் பல நேரங்களில் தன்னுடைய காமெடியால் அனைவரையும் ரசிக்க வைத்து ரசிகர்கள் மத்தியில் தனக்கென ஒரு இடத்தைப் பிடித்துக்கொண்ட இமான் அண்ணாச்சி, ராஜீவுடன் நெருக்கமாக இருந்து வந்தார். அதுமட்டுமல்லாமல் போட்டியாளர்கள் பலருக்கும் அடிக்கடி ஃப்ரீ அட்வைஸ் செய்து கொண்டிருந்தார். இவருடைய வயது அனுபவத்தை பொறுத்து பல நேரங்களில் இவருடைய அறிவுரைகளை கேட்டுக்கொண்டிருந்த ரசிகர்களால் இசைவாணிக்கும், அண்ணாச்சியும் ஏற்படும் கருத்து வேறுபாடுகளை மட்டும் ஏற்றுக்கொள்ள முடியாமல் இருந்தனர். ஆனால் அது எல்லாமே இசைவாணி நல்லதுக்காகத்தான் நான் அப்படி செய்தேன் என்று கூறியிருக்கிறார்.

இதுதான் காரணமா?

பிக் பாஸ் வீட்டிற்குள் இருந்த போட்டியாளர்கள் அனைவரையும் விடவும் வயதில் குறைந்தவராக இசைவாணி இருந்து வருகிறார். ஆனால் பல நேரங்களில் நாங்கள் பேசும் கருத்தை முழுமையாக கேட்காமல் உணர்ச்சிவசப்பட்டு பேசி விடுகிறார். அதுதான் அவருடைய பிரச்சனை. அதைத்தான் நான் பல இடங்களில் எடுத்துக் கூறினேன். அது எல்லாமே டாஸ்க் விஷயங்களில் மட்டும் தான் இருக்குமே தவிர எங்கள் சொந்த விருப்பு வெறுப்புகள் அங்கு எதுவும் கிடையாது. நாங்கள் அனைவரும் ஒன்றாகத்தான் இருக்கிறோம். இப்போ வெளியே வந்த பிறகு கூட அனைவரையும் சந்தித்து பேச ஏற்பாடு செய்திருக்கிறோம். விரைவில் ஒவ்வொருவரிடமும் பேசிவிட்டு வீடியோ வெளியிடுகிறோம் என்று கூறியிருக்கிறார். அதுபோல இசைவாணி யுடனும் நான் பேசும்போது என்னுடைய கருத்து சரிதான் என்று இசை வாணியே கூறுவார் என்று கூறியுள்ளார்.