பாண்டியன் ஸ்டோர்ஸ் முடிவு தேதி இதுதானா? அப்போ 8 மணிக்கு அந்த சீரியலா? ரசிகர்களுக்கு கொண்டாட்டம் தான்

சென்னை: விஜய் டிவியில் ஒளிபரப்பாகி வரும் பாண்டியன் ஸ்டோர்ஸ் சீரியல் விரைவில் முடிவுக்கு வர இருக்கிறது என்ற தகவல்கள் சமீப காலமாகவே வலம் வருகிறது.

இந்த நிலையில் எப்போதில் இருந்து இந்த சீரியல் முடிவுக்கு வருகிறது என்ற தகவல்கள் இப்போது வெளியாகி இருக்கிறது.

அதே நேரத்தில் 8 மணிக்கு ஒளிபரப்பாகி வரும் பாண்டியன் ஸ்டோர்ஸ் சீரியல் முடிவடைந்ததும் அந்த நேரத்தில் இனி எந்த சீரியல் ஒளிபரப்பாகும் என்று எதிர்பார்ப்பும் இருக்கிறது. அது குறித்தும் விரிவாக பார்க்கலாம்.

விஜய் டிவியில் ஒளிபரப்பாகி வரும் பாண்டியன் ஸ்டோர்ஸ் சீரியல் 5 வருடங்களுக்கு மேலாக ஒளிபரப்பாகி வருகிறது. இந்த சீரியல் அண்ணன் தம்பி கதையை மையமாகக் கொண்டு எடுக்கப்பட்டு இருந்தாலும் இந்த சீரியலில் அடுத்தடுத்து பல பிரச்சனைகள் வந்த வண்ணமாகவே இருக்கும். அதை வீட்டில் இருக்கும் அண்ணன் தம்பிகள் அதிலிருந்து எப்படி மீண்டு வருகிறார்கள் என்பது பற்றி தான் கதை இத்தனை வருடங்களாக நகர்ந்து கொண்டிருந்தது.

ஆனால் சமீபத்தில் இந்த சீரியலில் கதை சுவாரஸ்யம் குறைந்துவிட்டது என்று ரசிகர்கள் கருத்து தெரிவித்து வருகின்றனர். இந்த நிலையில் இந்த சீரியல் முடிவுக்கு வர இருக்கிறது என்ற தகவல்கள் பரவி வருகிறது. அதைத்தொடர்ந்து இந்த சீரியலில் இரண்டாவது பாகம் தொடங்கப்பட இருக்கிறது அதில் தனமாக நடிக்கும் நடிகை சுஜிதா மற்றும் கதிராக நடிக்கும் குமரன் இருவரும் தொடர்ந்து நடிப்பார்களா? என்பது இன்னும் சரியாக தெரியவில்லை.

இந்த நிலையில் பாண்டியன் ஸ்டோர் சீரியல் வரும் செப்டம்பர் 30-ம் தேதியோடு முடிவுக்கு வரும் என்று புதிய தகவல் ஒன்று வலம் வருகிறது. அதே நேரத்தில் இது உண்மைதானா? என்பது இனிவரும் எபிசோடுகளின் அடிப்படையில் தெரியும். ஏற்கனவே இப்போது பெரிய அளவில் கதையில் முக்கியத்துவம் இல்லாமல் இருக்கிறது. அதே நேரத்தில் எல்லா பிரச்சனைகளும் பாண்டியன் ஸ்டோர்ஸ் குடும்பத்தில் முடிவுக்கு வந்திருக்கிறது.

தனத்திற்கு புற்று நோய்க்கான ஆபரேஷன் செய்து அவரும் நல்லபடியாக திரும்பி வந்து இருக்கிறார். அதுபோல கண்ணனும் தான் குற்றம் செய்யவில்லை என்று நிரூபித்து வந்திருக்கிறார். பாண்டியன் ஸ்டோர் குடும்பமும் நிம்மதியாக இருக்கின்றனர். இந்த நிலையில் இனி இத்தனை நாட்களாக பணத்திமிரில் ஆடி கொண்டிருந்த ஜனார்த்தனன் தன்னுடைய இளைய மருமகன் பேச்சைக் கேட்டு சூப்பர் மார்க்கெட் பிசினஸை சரியாக கவனிக்காமல் இருப்பதால் இனி அடுத்து அவர்தான் பிரச்சனையில் மாட்டுவதாக கதை நகரும் என்று எதிர்பார்க்கப்படுகிறது.

அதுபோல ஜனார்த்தனனுக்கு வழக்கம் போல பாண்டியன் ஸ்டோர் குடும்பத்தினர் உதவி செய்து ஜனார்த்தனன் மனம் மாறி தன்னுடைய மருமகன் மற்றும் அவருடைய குடும்பத்தின் மீது மரியாதை ஏற்படும். அதோடு இந்த சீரியல் முடிவுக்கு வரும் என்று எதிர்பார்க்கப்படுகிறது. ஆனாலும் என்ன நடக்கப்போகிறது என்று பொறுத்திருந்து பார்ப்போம்.

ஒருவேளை இந்த சீரியல் விரைவில் சொன்னது போலவே செப்டம்பர் 30-ம் தேதியோடு முடிவுக்கு வந்தால், இது ஒளிபரப்பாகி வரும் எட்டு மணிக்கு ஒருவேளை பாண்டியன் ஸ்டோர் சீரியலின் இரண்டாவது பாகம் தொடங்கப்பட்டால் அது ஒளிபரப்பாகும் என்று எதிர்பார்க்கப்படுகிறது. அதே நேரத்தில் ஏற்கனவே சீரியல் நடிகர்களின் தரப்பில் பிரச்சனை இருப்பதால் ஒருவேளை இந்த சீரியல் இதோடு முடிக்கப்பட்டு இருந்தால் சிறகடிக்க ஆசை அல்லது மோதலும் காதலும் இந்த இரண்டில் ஒரு சீரியல் 8 மணிக்கு வரும் என்று எதிர்பார்க்கப்படுகிறது. ஆனாலும் என்ன நடக்கப்போகிறது என்று பொறுத்திருந்து பார்ப்போம்.

English summary

Recently, reports have been doing the rounds that the Pandian Stores serial being aired on Vijay TV is going to end soon.At this stage, the information about when this serial is coming to an end is now coming out. At the same time, when the Pandian Stores serial which is being aired at 8 o'clock ends, there is an expectation that what serial will be aired at that time. Let's look at that in detail.