ஏன் இந்த பாகுபாடு? ஜோடி ஆர் யூ ரெடியில் unfair eviction.. இதை கவனிக்கலையா? ரசிகர்கள் அதிருப்தி

சென்னை: விஜய் டிவியில் ஒளிபரப்பாகி வரும் ஜோடி ஆர் யூ ரெடி என்ற ரியாலிட்டி நிகழ்ச்சியில் சின்னத்திரை பிரபலங்கள் பலர் கலந்து கொண்டு இருக்கின்றனர். ஆனால் யாரும் எதிர்பார்க்காத வகையில் கடந்த வாரத்தில் ரேஷ்மா முரளிதரன் மற்றும் சுபன் ஜோடி எலிமினேஷன் ஆகி இருந்தது இணையத்தில் வைரல் ஆகி வருகிறது.

அதாவது ரேஷ்மா மற்றும் சுபன் ஜோடி நன்றாகவே டான்ஸ் ஆடி இருந்தனர் ஆனால் அவர்களை எவிக்ஷன் செய்தது சரி இல்லை என்பது பலருடைய கருத்தாக இருக்கிறது. என்ன நடந்தது என்பதை விரிவாக பார்க்கலாம்.

விஜய் டிவியில் ஒளிபரப்பாகி வரும் ரியாலிட்டி நிகழ்ச்சிகளுக்கு ரசிகர்களின் மத்தியில் நல்ல வரவேற்பு இருக்கிறது. அதனாலையே புதியது புதியதாக பல ரியாலிட்டி நிகழ்ச்சிகள் தொடங்கப்பட்டு வருகிறது. அதிலும் டேன்ஸ் மற்றும் பாடல் நிகழ்ச்சிகள் மக்கள் மத்தியில் அதிகமான வரவேற்பு பெற்று இருக்கிறது. அந்த வரிசையில் இப்போது ஜோடி ஆர் யூ ரெடி என்ற ஒரு நிகழ்ச்சி தொடங்கப்பட்டிருக்கிறது.

ஏற்கனவே டான்ஸ் ஜோடி, ஜோடி நம்பர் 1 என பல நடன நிகழ்ச்சிகள் விஜய் டிவியில் ஒளிபரப்பாகி இருக்கிறது. இந்த நிலையில் இப்போது ஒளிபரப்பாகி வரும் ஜோடி ஆர் யூ ரெடி நிகழ்ச்சி ஜோடி நம்பர் ஒன் நிகழ்ச்சியின் 11 வது சீசன் என்று கூறப்படுகிறது. இந்த நிகழ்ச்சியை ரியோ மற்றும் ஏஞ்சலின் இருவரும் தொகுத்து வழங்கி வருகிறார்கள்.

அதுபோல இந்த நிகழ்ச்சிக்கு நடிகை மீனா, ஸ்ரீதேவி விஜயகுமார், டான்ஸ் மாஸ்டர் சாண்டி போன்றோர் நடுவர்களாக பங்கேற்று இருக்கின்றனர். கடந்த ஜனவரி மாதம் இந்த நிகழ்ச்சி பிரமாண்டமாக தொடங்கப்பட்டது. இந்த நிகழ்ச்சி ஒவ்வொரு வாரமும் சனி மற்றும் ஞாயிற்றுக்கிழமைகளில் ஒளிபரப்பாகி வருகிறது. அதுபோல 20 போட்டியாளர்களோடு இந்த நிகழ்ச்சி தொடங்கப்பட்டது.

இதில் நடன கலைஞர்களோடு சேர்ந்து தொலைக்காட்சி பிரபலங்கள் ஜோடியாக டான்ஸ் ஆடுகின்றனர். அதுபோல இந்த நிகழ்ச்சியில் ஒவ்வொரு வாரமும் ஒவ்வொரு கான்செப்ட் நிகழ்ச்சி ஒளிபரப்பாகி வருகிறது. இதில் கிருஷ்ணா- சில்பா, வினித்- ரம்யா கோல், ரவீனா- விக்னேஷ், தர்ஷிகா -பிரியதர்ஷினி ஆகியோர் சிறந்த ஜோடிகளாக அடுத்த கட்டத்திற்கு தேர்வாகி இருக்கின்றனர். இப்படியான நிலையில் இந்த வாரம் எலிமினேஷன் சுற்று நடைபெற்று இருந்தது.

அதில் யாருக்கும் எதிர்பார்க்காத வகையில் ரேஷ்மா முரளிதரன் மற்றும் சுபன் ஜோடி எலிமினேட் ஆகியிருக்கின்றனர். இதுதான் இணையத்தில் பலரையும் அதிர்ச்சி அடைய வைத்திருக்கிறது. இவர்கள் ஆரம்பத்தில் இருந்தே நன்றாகத்தான் டான்ஸ் ஆடி வருகிறார்கள். ஆனால் இந்த வாரம் வெளியேற்றப்பட்டு இருக்கிறார்கள். ரேஷ்மா வெளியேறியது அவருடைய ரசிகர்களால் ஏற்றுக் கொள்ள முடியவில்லை. தொடர்ந்த இது குறித்து இது unfair eviction என்று கருத்து கூறி வருகிறார்கள்.

அடிக்கடி விஜய் டிவியில் இந்த மாதிரி ரியாலிட்டி நிகழ்ச்சிகளில் பிரச்சனை வருவதை காண முடிகிறது. அதுவும் பிக் பாஸ் நிகழ்ச்சிகள் பல நேரங்களில் unfair eviction கூறப்படுகிறது. அது போல குக் வித் கோமாளி நிகழ்ச்சியில் கூட சிலருடைய எலிமினேஷன் பார்த்து ரசிகர்கள் unfair என்று சொல்லி இருக்கின்றனர். அந்த வகையில் இப்போது ரேஷ்மா மற்றும் சுபன் ஜோடிக்கு ரசிகர்கள் கூறி வருகின்றனர்.

ரேஷ்மா விஜய் டிவியில் கிழக்கு வாசல் என்ற சீரியலில் இப்போது நடித்து வருகிறார். ஆரம்பத்தில் இவர் ஜீ தமிழில் டான்ஸ் நிகழ்ச்சியின் மூலமாக அறிமுகம் ஆகி இருந்திருந்தார். அதற்குப் பிறகு ஜீ தமிழில் பூவே பூச்சூடவா என்ற சீரியல் மூலமாக அதிகமான ரசிகர்களை கவர்ந்திருந்தார். இந்த நிலையில் இப்போது ஜோடி ஆர் யூ ரெடி நிகழ்ச்சியில் இருந்து இவர் வெளியேறியது குறித்து அதிகமான மீம்ஸ்கள் இணையத்தில் பரவி வருகிறது.

English summary

Many small screen celebrities are participating in the reality show 'Jodi Are You Ready' which is being aired on Vijay TV. But last week Reshma Muralitharan and Subhan's elimination is going viral on the internet as no one expected.