விஜய் திரிஷா விவகாரம்.. உங்க ரசிகைனு சொல்லவே வெட்கமா இருக்கு! வெளுத்து வாங்கிய நடிகை காஜல் பசுபதி

Updated: Friday, March 6, 2026, 13:04 [IST]

Subscribe to Oneindia Tamil

சென்னை: நேற்றிலிருந்து சமூக வலைதளங்களில் அதிகமாக பேசப்பட்ட விஷயம் என்றால் அது நடிகர் விஜய் மற்றும் நடிகை திரிஷா தொடர்பான சர்ச்சை தான். ஒரு திருமண விழாவில் இருவரும் ஒன்றாக கலந்து கொண்ட புகைப்படங்கள் வெளியானதும், அந்த நிகழ்வு ரசிகர்களிடமும், சமூக வலைதளங்களிலும் பெரிய விவாதமாக மாறிவிட்டது.

திருமண விழாவில் ஒன்றாக வந்த விஜய் - திரிஷா

சமீபத்தில் சென்னை பகுதியில் நடந்த ஒரு பிரபல திருமண நிகழ்ச்சியில் நடிகர் விஜயும் நடிகை திரிஷாவும் ஒன்றாக கலந்து கொண்டதாக தகவல்கள் வெளியானது. அதிலும் முக்கியமாக இருவரும் ஒரே நிறத்திலான உடையில், ஒரே வரிசையில் நின்றபடி எடுத்த புகைப்படங்கள் இணையத்தில் வேகமாக பரவின. அந்த புகைப்படங்களை பார்த்த பலரும், "இது சாதாரணமாக நண்பர்கள் போல் வந்தது தானா? அல்லது வேறு ஏதாவது இருக்கிறதா?" என்று கேள்வி எழுப்ப தொடங்கினர்.

இருவரும் பல ஆண்டுகளாக தமிழ் சினிமாவில் சேர்ந்து நடித்திருப்பது அனைவருக்கும் தெரிந்த விஷயம். கில்லி, திருப்பாச்சி, ஆதி போன்ற படங்களில் இவர்களின் ஜோடி ரசிகர்களிடம் நல்ல வரவேற்பைப் பெற்றது. அந்த நட்பு காரணமாகவே இவர்கள் ஒரு நிகழ்ச்சிக்கு ஒன்றாக வந்திருக்கலாம் என்று சிலர் கூறினாலும், தற்போது நிலவும் சூழ்நிலை காரணமாக அந்த நிகழ்வு பெரிதாக பேசப்பட்டது.

சங்கீதா - விஜய் திருமண வாழ்க்கை சர்ச்சை

இதற்குக் காரணமாக இருந்தது நடிகர் விஜயின் தனிப்பட்ட வாழ்க்கையைச் சுற்றியுள்ள விவகாரம் தான். விஜயின் மனைவி சங்கீதா சமீபத்தில் விவாகரத்து கோரி வழக்கு தொடர்ந்ததாக கூறப்படும் தகவல்கள் சமூக வலைதளங்களில் பரவின. அதில், "விஜய் ஒரு நடிகையுடன் நெருக்கமாக இருப்பதாகவும், அந்த தொடர்பை தடுக்க முயன்றபோதும் அவர் கவனிக்கவில்லை என்றும்" சில குற்றச்சாட்டுகள் இடம்பெற்றதாகவும் கூறப்பட்டது.

மேலும் அந்த நடிகையுடன் வெளிநாட்டு சுற்றுலாவுக்கு சென்ற புகைப்படங்கள் வெளியானதால், அது குடும்பத்துக்கு அவமானமாக மாறிவிட்டதாகவும் அந்த மனுவில் குறிப்பிடப்பட்டதாக சில ஊடகங்கள் செய்தி வெளியிட்டன. இதனால் விஜய் குடும்ப வாழ்க்கை குறித்து ஏற்கனவே சமூக வலைதளங்களில் பல விவாதங்கள் நடந்து கொண்டிருந்தன.

இந்த சூழ்நிலையில்தான் திருமண நிகழ்ச்சியில் விஜய் மற்றும் திரிஷா ஒன்றாக வந்த புகைப்படங்கள் வெளியானதால், "சங்கீதா குறிப்பிட்ட நடிகை இவர்தானா?" என்ற கேள்வியை பலரும் எழுப்பத் தொடங்கினர்.

ரசிகர்கள் இடையே கலவையான எதிர்வினை

இந்த விவகாரம் ரசிகர்கள் இடையே கூட பெரிய விவாதத்தை ஏற்படுத்தியது. சிலர் "நண்பர்கள் என்ற நிலையில் ஒரு நிகழ்ச்சிக்கு சேர்ந்து போவது தவறில்லை" என்று கூறினார்கள். ஆனால் இன்னொரு தரப்பு ரசிகர்கள் "இப்போது விவாகரத்து சர்ச்சை நடக்கிறது, அதனால் இப்படியான விஷயங்கள் தேவையில்லாமல் பேசப்படுவதற்கு காரணமாகிறது" என்று விமர்சனம் செய்தனர்.

நாஞ்சில் விஜயன் ஆதங்கம்

இந்த விமர்சனங்களுக்கு பதிலாக விஜய் டிவி பிரபலமான நாஞ்சில் விஜயன் ஒரு வீடியோ வெளியிட்டு பேசினார். அதில் அவர்,

"கண்ணால் பார்ப்பதும் பொய், காதால் கேட்பதும் பொய், தீர விசாரிப்பதே மெய். நேற்று விஜயும் திரிஷாவும் ஒரு கல்யாண விழாவில் கலந்து கொண்டார்கள். அதைப் பார்த்து பலரும் பல விதமாக பேசுகிறார்கள். அவர்களுக்குள் என்ன உறவு என்று நமக்கு தெரியாது. நண்பர்களாக கூட இருக்கலாம். காரணம் தெரியாமல் இப்படி விமர்சிப்பது சரியல்ல" என்று கூறி ஆதங்கம் தெரிவித்தார்.

காஜல் பசுபதி பதிவும் வைரல்

இதற்கிடையில் இந்த விவகாரத்தில் இன்னொரு திருப்பமாக, பிக் பாஸ் நிகழ்ச்சியில் கலந்து கொண்டு பிரபலமான நடிகை காஜல் பசுபதி தன்னுடைய இன்ஸ்டாகிராம் பக்கத்தில் ஒரு பதிவு வெளியிட்டார்.

அவர் வெளியிட்ட பதிவில், விஜய் மற்றும் திரிஷா இணைந்து இருக்கும் புகைப்படத்தை பகிர்ந்து வைத்து, "இது மிகவும் தவறானது... நான் உங்கள் ரசிகை என்று சொல்ல வெட்கமாக இருக்கிறது" என்ற பொருளில் ஆங்கிலத்தில் கருத்து எழுதியிருந்தார்.

அந்த பதிவு வெளியான சில நிமிடங்களிலேயே சமூக வலைதளங்களில் வைரலாகி விட்டது. பலரும் அந்த பதிவை ஸ்கிரீன்ஷாட் எடுத்து பகிர்ந்து கொண்டு விவாதிக்கத் தொடங்கினர்.

Recommended For You

Vijay Trisha: த்ரிஷா விவகாரம்! விஜய் மட்டும் புனிதரா? அந்தணன் கொடுத்த விளக்கம்.. குவியும் கமெண்ட்ஸ்

சமூக வலைதளங்களில் தொடர்ந்து விவாதம்

இந்த சம்பவம் காரணமாக நடிகர் விஜயை ஆதரிக்கும் ரசிகர்களும், விமர்சிக்கும் சிலரும் சமூக வலைதளங்களில் கருத்து மோதலில் ஈடுபட்டு வருகின்றனர். ஒருபுறம் "ஒரு புகைப்படத்தை வைத்து ஒருவரின் தனிப்பட்ட வாழ்க்கையை தீர்மானிக்க முடியாது" என்று சிலர் கூற, இன்னொரு தரப்பு "பெரிய நட்சத்திரங்கள் என்பதால் அவர்கள் நடத்தை சமூகத்தில் தாக்கம் ஏற்படுத்தும்" என்று விமர்சித்து வருகின்றனர்.

இதுவரை இந்த விவகாரம் குறித்து நடிகர் விஜய் அல்லது நடிகை திரிஷா எந்த அதிகாரப்பூர்வ விளக்கமும் அளிக்கவில்லை. அதனால் இந்த சர்ச்சை இன்னும் சில நாட்கள் சமூக வலைதளங்களில் பேசப்படும் விஷயமாகவே தொடரும் என்று பலரும் கூறி வருகின்றனர்.