பிரபாஸின் “கல்கி 2898 ஏடி” படத்தின் ஓடிடி தேதி அறிவிப்பு.. அதுவும் இத்தனை மொழிகளில் வருகிறதா?

Updated: Wednesday, August 14, 2024, 17:57 [IST]

Subscribe to Oneindia Tamil

சென்னை: நடிகர் கமல்ஹாசன், அமிதாப்பச்சன், பிரபாஸ், தீபிகா படுகோன் உள்ளிட்ட பல நடிகர், நடிகைகள் நடித்த "கல்கி 2898 ஏடி" திரைப்படத்தின் ஓடிடி ரிலீஸ் அப்டேட் (Kalki OTT Release date) வெளியாகியிருக்கிறது. திரையரங்கில் இந்த திரைப்படத்தை மிஸ் பண்ணிய ரசிகர்கள் வீட்டிலேயே இனி பார்த்துக் கொள்ளலாம். அது எந்த ஓடிடியில் என்பது பற்றி விரிவாக பார்க்கலாம்.

கல்கி 2898 ஏடி திரைப்படம் பிரம்மாண்டமான பொருள் செலவில் எடுக்கப்பட்டுள்ள நிலையில் இந்த திரைப்படம் கடந்த ஜூன் 27ஆம் தேதி நெடுநாள் எதிர்பார்ப்புக்கு பிறகு வெளியானது. இந்த திரைப்படத்தை நாக் அஸ்வின் இயக்கியிருக்கிறார். மகாபாரத யுத்தமான குருஷேத்திரம் நடந்து 6000 வருடங்களுக்குப் பிறகு நடக்கும் கதையாக இந்த திரைப்படம் இருக்கிறது.

கல்கி, சந்தோஷ் நாராயணன் இப்படத்திற்கு இசையமைத்திருந்தார். இந்தத் திரைப்படம் வெளியான வெளியான முதல் நாளிலேயே 180 கோடி வசூலுடன் ஆட்டத்தை தொடங்கி பரபரப்பு ஏற்படுத்தியது. அதோடு கல்கி திரைப்படம் இதுவரைக்கும் உலகெங்கும் 1100 கோடி ரூபாய் வசூலித்ததாக கூறப்படுகிறது. படத்தின் இரண்டாவது பாகத்தை நோக்கி ரசிகர்கள் காத்திருக்கின்றனர். இந்த நிலையில் இந்த திரைப்படத்தின் ஓடிடி ரிலீஸ் தகவல்கள் வெளியாகி இருக்கிறது.

கல்வி 2898 ஏடி திரைப்படத்தில் இந்தி மொழி ஓடிடி உரிமையை netflix நிறுவனம் வாங்கியுள்ளது. அதுபோல தென்னிந்திய மொழி உரிமையை அமேசான் பிரைம் ஓடிடி தளம் வாங்கி இருக்கிறது. இந்த நிலையில் வரும் ஆகஸ்ட் 23ஆம் தேதி அமேசான் பிரைமில் "கல்கி 2898 ஏடி" திரைப்படம் வெளியாக உள்ளதாக அறிவித்துள்ளனர். அமேசான் பிரைமில் தமிழ், தெலுங்கு, மலையாளம் மற்றும் கன்னட மொழிகளில் வெளியாக உள்ளது.

கல்கி திரைப்படம் கிட்டத்தட்ட மூன்று மணி ஒரு நிமிடத்திற்கு ஒளிபரப்பாகி இருக்கும் நிலையில் இந்த திரைப்படம் திரையரங்குகளில் 2டி மற்றும் 3dயில் வெளியாகி இருந்தது. பிரம்மாண்டமான இசை மற்றும் காட்சி அமைப்புகள் இந்த திரைப்படத்திற்கு பெரிய பக்கபலமாக அமைந்த நிலையில் இதை வீட்டில் பார்க்கும்போது திரையில் பார்த்த அனுபவம் கிடைக்குமா? இல்லையா? என்பது கேள்விக்குறியாக இருக்கிறது. கல்கி திரைப்பட ஓடிடி ரிலீஸுக்காக காத்திருக்கிறீர்களா மக்களே? அந்தப் படத்தை யாருக்காக பார்க்கணும்னு ஆசைப்படுறீங்கன்னு கமெண்ட் தட்டி விடுங்க.