இந்தியன் 2 ஓடிடியில் ரிலீஸ்.. வந்ததே தெரியல பாருங்களேன்.. ஆனால் கமல் வெளியிட்ட ப்ரோமோ தான் ஹைலைட்
சென்னை: நடிகர் கமல்ஹாசன் நடிப்பில் சங்கர் இயக்கத்தில் பிரம்மாண்டமாக வெளியான இந்தியன் 2 திரைப்படம் netflix ott-யில் வெளியாகி இருக்கும் நிலையில் (indian 2 ott release) இது சாதனை படக்குமா? அல்லது ட்ரோல் ஆகுமா? என்று பெரிய எதிர்பார்ப்பு இருக்கிறது. அதே நேரத்தில் இந்த திரைப்படத்திற்கு பிரமோஷன் கொடுக்கும் வகையில் கமல்ஹாசன் புது ப்ரோமோ வெளியிட்டு இருக்கிறார்.
ஒவ்வொரு வாரமும் வெள்ளிக்கிழமை ஓடிடி தளத்தில் பல புது படங்கள் ரிலீஸ் ஆகி கொண்டிருக்கிறது. அந்த வகையில் இந்த வாரத்தில் இந்தியன் 2 திரைப்படம் netflix ott-யில் வெளியாகி இருக்கிறது. ஆனால் இந்த தகவல் பெரிய அளவில் பலருக்கும் தெரியாமல் தான் இருக்கிறது. திரையரங்குகளில் இந்த திரைப்படம் சமீபத்தில் ஜூலை பன்னிரண்டாம் தேதி பிரம்மாண்டமாக உலகெங்கும் வெளியானது.
சங்கர் இயக்கத்தில் கமல்ஹாசன் நடித்துள்ள இப்படம் விமர்சனம் ரீதியாக மோசமான விமர்சனங்களை பெற்று வந்த நிலையில் தொழில் ரீதியாகவும் பெரிய அளவில் சரிவை கண்டுள்ளது. அதோடு இந்த படத்தில் கதை பெரிய அளவில் இணையத்தில் ட்ரோல் செய்யப்பட்டு கொண்டிருக்கிறது. இந்த நிலையில் இந்த திரைப்படம் ஓடிடியில் வெளியாகி இருக்கும் நிலையில் இது மக்கள் மத்தியில் வரவேற்கப்படுமா? அல்லது மீண்டும் ட்ரோல் செய்யப்படுமா என்று எதிர்பார்ப்பு இருக்கிறது.
காரணம் அதிகமான ரசிகர்கள் சமூக வலைத்தளத்தில் ரிவ்யூ பார்த்துவிட்டு தியேட்டருக்கு சென்று பார்க்காமல் இருக்கும் நிலையில் ottயில் இதற்கான எதிர்பார்ப்பு எப்படி இருக்கும் என்று தெரியவில்லை. ஆனால் இந்த திரைப்படத்திற்காக கமல்ஹாசன் புது ப்ரோமோ ஒன்று வெளியிட்டு இருக்கிறார். அதில் பிக்பாஸ் நிகழ்ச்சிக்கு அவர் எப்படி ப்ரோமோவில் பேசுவாரோ அது போல தான் இதிலும் பேசி இருக்கிறார்.
அதில் கமல்ஹாசன் பேசுகையில் நான் நடித்த இந்தியன் 2 திரைப்படம் தமிழில் வெளியாக போகிறது என்று தமிழில் பேசி இருக்கிறார். அதைத்தொடர்ந்து ப்ரோமோவின் இயக்குனர், சார் நம்ம படம் நான்கு மொழியில் அதாவது தமிழ், தெலுங்கு, மலையாளம் மற்றும் கன்னடாவில் வருது என்று சொன்னதை தொடர்ந்து கமல்ஹாசன் நான்கு மொழிகளிலும் பேசி தன்னுடைய படம் வருவதை அறிவித்திருக்கிறார்.
Click it and Unblock the Notifications
Sign in with Google