ஜீ தமிழ் சீரியலில் என்ட்ரி கொடுக்கும் பராசக்தி பட நடிகை.. ஆரம்பமே அசத்தல் தான்! ஆனாலும் ஒரு ட்விஸ்ட் இருக்கு

Updated: Sunday, April 12, 2026, 13:19 [IST]

Subscribe to Oneindia Tamil

சமீபத்தில் வெளியான பராசக்தி திரைப்படத்தில் நடித்த நடிகை ஒருவர் ஜீ தமிழில் ஒளிபரப்பாகி வரும் கார்த்திகை தீபம் சீரியலில் என்ட்ரி கொடுக்க இருக்கிறார். இவருடைய அறிமுகத்தால் இந்த சீரியலில் இனி எதிர்பார்க்காத திருப்பங்கள் வர இருக்கிறது என்று கூறப்படுகிறது. அதிலும் யார் அந்த நடிகை? இந்த சீரியலில் அவருடைய கேரக்டர் என்ன என்பது பற்றி விரிவாக பார்க்கலாம்.

பராசக்தி திரைப்படத்தில் சில காட்சிகளில் மட்டுமே தோன்றினாலும், ரசிகர்களின் கவனத்தை திருப்பி வைத்த நடிகை யார் என்ற கேள்வி சமூக வலைதளங்களில் வைரலானது. அந்த நடிகை வேறு யாருமில்லை... வெள்ளித்திரையிலும் சின்னத்திரையிலும் மெதுவாக தனது இடத்தை பிடித்து வரும் பப்ரி கோஷ் தான்.

Karthigai Deepam serial zee tamil Papri Ghosh

பிரபலம் கொடுத்த பராசக்தி படம்

சிவகார்த்திகேயன் நடிப்பில், சுதா கொங்கரா இயக்கத்தில் வெளியான பராசக்தி படத்தில், இந்தி எதிர்ப்பு போராட்டத்தில் ஈடுபடும் மாணவர் குழுவில் ஒருவராக நடித்த பப்ரி கோஷ் தான் இப்போது கார்த்திகை தீபம் சீரியலில் என்ட்ரி கொடுத்திருக்கிறார். பராசக்தி படத்தின் கதையின் முக்கிய காட்சிகளில் அவருடைய நடிப்பு மற்றும் ரியாக்ஷன் பெரிதளவில் சோசியல் மீடியாவில் பேசப்பட்டது. அப்போது "இந்த நடிகை யார்?" என்று தேட வைத்தது.

விஜய், அஜித் படங்களிலும் நடித்தவர்

பலருக்கும் தெரியாத விஷயம் என்னவென்றால், பப்ரி கோஷ் ஏற்கனவே தமிழ் சினிமாவின் முன்னணி நட்சத்திரங்களுடன் நடித்துள்ளார். விஜய் நடித்த பைரவா மற்றும் சர்கார் படங்களில் முக்கிய கேரக்டரில் நடித்திருக்கிறார்.

அதேபோல், அஜித் நடித்த விஸ்வாசம் படத்திலும் அவர் நடித்தது குறிப்பிடத்தக்கது. இப்படி பெரிய படங்களில் துணை கதாபாத்திரங்களில் நடித்ததன் மூலம், மெதுவாக தனது முகத்தை ரசிகர்களிடம் பதிய வைத்தார். ஆனால் சின்னத்திரையில் இவர் ஏற்கனவே பரிச்சயம் ஆனவர்தான். அதிலும் சன் டிவியில் ஒளிபரப்பான பாண்டவர் இல்லம் சீரியலில் பல வருடங்களாக நடித்திருந்தார்.

ஆரம்பம்

மேற்கு வங்காளத்தை சேர்ந்த பப்ரி கோஷ், 2009ஆம் ஆண்டு வெளியான பெங்காலி படம் மூலம் சினிமாவில் அறிமுகமானார். அதன் பிறகு ஒடியா, தெலுங்கு போன்ற மொழிகளில் நடித்த அவர், டூரிங் டாக்கீஸ் படத்தின் மூலம் தமிழில் அறிமுகமானார்.

பெரும்பாலும் சப்போர்ட்டிங் ரோல்களில் நடித்தாலும், ஒவ்வொரு கதாபாத்திரத்திலும் தன்னுடைய இருப்பை உணர்த்தும் திறமை அவருக்கு இருக்கிறது.

சின்னத்திரையிலும் வலுவான பயணம்

சினிமாவுடன் சேர்த்து, சீரியல்களிலும் பப்ரி கோஷ் தனி இடம் பிடித்துள்ளார். நாயகி, பாண்டவர் இல்லம், பூவே உனக்காக, சித்தி 2, சுந்தரி, கௌரி போன்ற பல தொடர்களில் நடித்துள்ளார். மேலும், சன் டிவியில் ஒளிபரப்பான 'வணக்கம் தமிழா' நிகழ்ச்சியிலும் பல முறை சிறப்பு விருந்தினராக கலந்துகொண்டுள்ளார்.

ஜீ தமிழ் கார்த்திகை தீபம்

தற்போது, கார்த்திகை தீபம் சீரியலில் 'ப்ரியா' என்ற கதாபாத்திரத்தில் பப்ரி கோஷ் இணைந்துள்ளார். ஏற்கனவே விறுவிறுப்பாக சென்று கொண்டிருக்கும் இந்த சீரியலில், அவரது வரவு புதிய திருப்பங்களை உருவாக்கும் என்று ரசிகர்கள் எதிர்பார்க்கிறார்கள்.

இந்த கதாபாத்திரம் ஹீரோவின் வாழ்க்கையில் முக்கியமான தாக்கத்தை ஏற்படுத்தும் வகையில் இருக்கும் எனவும் தகவல்கள் வெளியாகியுள்ளன.