Revolver Rita: அழுகை வருது! கண்கலங்கிய சென்ராயன்; பாராட்டிய கீர்த்தி சுரேஷ்! உணர்ச்சிப்பூர்வமான நிகழ்வு!

சென்னை: தென்னிந்திய திரைப்பட ரசிகர்கள் ஆவலுடன் எதிர்பார்ப்பும் படங்களில் ஒன்றாக உள்ள கீர்த்தி சுரேஷ் நடித்துள்ள 'ரிவால்வர் ரீட்டா' படத்தின் 'ப்ரீ ரிலீஸ்' நிகழ்ச்சி சென்னையில் நடைபெற்றது. சந்துரு இயக்கத்தில் 'டார்க் காமெடி' பாணியில் உருவாகியுள்ள இப்படம் வரும் நவம்பர் 28-ஆம் தேதி வெளியாகவுள்ளது. இந்த நிகழ்ச்சியில் கீர்த்தி சுரேஷ் மற்றும் நடிகர் சென்ராயன் ஆகியோர் உணர்ச்சிப்பூர்வமாக பேசியது ரசிகர்களின் கவனத்தை ஈர்த்துள்ளது.

கலங்கிய சென்ராயன்

நிகழ்ச்சியில் நடிகர் சென்ராயன் பேசும்போது தன்னுடைய உழைப்பை குறித்து சொன்னது அங்கிருந்தவர்களை நெகிழச் செய்தது. கீர்த்தி சுரேஷைப் பாராட்டிப் பேசிய சென்ராயன், "கீர்த்தி சுரேஷ் சூப்பரா நடிப்பாங்க, டான்ஸ் ஆடுவாங்க, எல்லாம் செய்வாங்க. ஆனா இந்தப் படத்தில கீர்த்தி கார் சூப்பரா ஓட்டி இருப்பாங்க" என்று பெருமிதத்துடன் கூறினார்.

தொடர்ந்து பேசிய அவர், "ட்ரெய்லரைப் பார்க்கும் போது அழுகை வருது ... ஏன்னா ... அவ்வளவு கஷ்டப்பட்டு நான் நடிச்சேன்" என்று உணர்ச்சிப்பூர்வமாகத் தெரிவித்தார். அந்தக் கதாபாத்திரத்திற்காக அவர் எவ்வளவு முயற்சி எடுத்திருக்கிறார் என்பதை இது காட்டுகிறது. படம் ரொம்ப சூப்பரா வந்திருக்கு, என்னோட கேரக்டர் ரொம்ப சூப்பரா இருக்கும் என்றும் நம்பிக்கை தெரிவித்தார்.

கீர்த்தி சுரேஷ் பாராட்டு மற்றும் ஆதங்கம்:

நிகழ்ச்சியில் கலந்துகொண்ட கீர்த்தி சுரேஷ், படக்குழுவினர் குறித்துத் தனது அனுபவங்களைப் பகிர்ந்துகொண்டார். நடிகை ராதிகா சரத்குமார் குறித்துப் பேசுகையில், "இந்தப் படத்தில் முதல் முறையாக ராதிகா மேடமுடன் நடிக்கிறேன். ஆனால் அவருடைய நிறுவனத்தின் மூலம்தான் 'இது என்ன மாயம்' படத்தில் அறிமுகமானேன் - அதனால் ராதிகா மேடம் எனக்கு முன்னாடியே பழக்கம் - ஆனா படப்பிடிப்புத் தளத்தில் பயங்கர தீயாக இருப்பார்" என்று புகழ்ந்தார்.

ராதிகாவிற்கும் கீர்த்திக்கும்மான கலவை ரொம்ப அழகாக வந்திருப்பதாகவும் கூறினார். முக்கியக் கதாபாத்திரத்தில் நடித்த சென்ராயனுக்கு நன்றி தெரிவித்த கீர்த்தி சுரேஷ், அவரது மன உணர்வுகளை புரிந்துகொண்டு பேசினார்: "நீங்க அந்த வார்த்தையை தூக்கிட்டோமேன்னு வருத்தப்பட வேண்டாம் ... அந்த வார்த்தையை கண்டிப்பாக வைக்க முடியாது - ஏனென்றால் பல பேர் பார்க்கிறார்கள் ... சென்சார் போர்டு மட்டுமில்லை, அதை யார் கேட்டாலும் தப்பாக இருக்கும்" என்று விளக்கினார்.

இருப்பினும், "நீங்க சொல்ல வருவது உங்க நடிப்பு மூலம் ஆடியன்ஸுக்குப் புரிந்து விடும் - அது இல்லாமலும் நன்றாக இருக்கும்" என்று சென்ராயனின் நடிப்பைப் பாராட்டி ஆறுதல் கூறினார். சென்ராயன் தன்னுடைய கதாபாத்திரத்தின் முக்கியத்துவத்தை நம்பிக்கையுடன் தெரிவித்திருப்பதும், கீர்த்தி சுரேஷ் அவருடைய உழைப்பைப் பாராட்டியிருப்பதும் 'ரிவால்வர் ரீட்டா' மீதான எதிர்பார்ப்பை அதிகரித்துள்ளது

English summary

Revolver Rita: The pre-release event of the much-awaited Keerthy Suresh starrer “Revolver Rita”, directed by K. Chandru, took place in Chennai. Set to release on November 28, the film is crafted in a dark-comedy style, and the event turned emotional with the heartfelt speeches of Keerthy Suresh and actor Senrayan.Senrayan, who plays a key role, moved the audience when he spoke about his struggle and the intense effort he put into his performance. While praising Keerthy’s versatility, he admitted that watching the trailer brought him to tears because of the hardships he endured to portray the character. He expressed strong confidence in how well his role has shaped up.Keerthy Suresh, in turn, spoke fondly of her co-actors and the team. She praised Radhika Sarathkumar and recalled her long-standing connection with Radhika’s production company, which introduced her to cinema. Speaking about Senrayan, Keerthy addressed his emotional moment, explaining that a particular word he used could not be retained due to censorship concerns, but assured him that his performance itself would convey everything to the audience.Their emotional exchange has greatly increased anticipation for “Revolver Rita,” with fans eager to see the chemistry and powerful performances the film promises.