Lakshmi Stores Serial: லட்சுமி ஸ்டோர்ஸை பேய் கதையாக்கிட்டாங்களேய்யா!
சென்னை: இரவு 9:30 மணிக்கு லட்சுமி ஸ்டோர்ஸ் சீரியல் பார்க்க உட்கார்ந்தா.. பேய் பூதம்னு கதை போகுது.
செத்துப் போன பாக்கியலட்சுமி பேயா வந்து மிரட்டறாளாம். தேஜா சித்தியோட சேர்ந்து பேயை ஓட்டிக்கிட்டு இருக்கா.
ஆரம்ப கதைக்கும், இப்போ கதையின் போக்குக்கும் ஒட்டவே இல்லை..
ஆரம்பத்தில் ஒண்ணு
சன் டிவியில் லட்சுமி ஸ்டோர்ஸ் ஆரம்பித்தபோது இருந்த கதை ஒன்று. இப்போது ஒன்று என்று டிராக் மாறிபயணிச்சுக்கிட்டு வருது.அதை கூட கொஞ்சம் சகிச்சுக்கலாம். திடீர்னு பேய் பூதம்னு கதை திசை மாறி பயணிப்பது சுத்தமா ஜீரணிக்க முடியாத மாதிரி இருக்கு.
சிறு பிள்ளை
சிறு பிள்ளைத்தனமா திடீர்னு கதையில் தேஜா பாக்கியலட்சுமி ஆவியா வந்துட்டான்னு பயப்படறது. சித்தியும், உத்தமனும் சேர்ந்து பேயைப் பார்த்தோம்னு பேயை ஓட்ட ஏற்பாடுகள் செய்யறது. இது சும்மா பயமுறுத்த என்றாலும் கூட சிறுபிள்ளைத் தனமான கதையாக இருக்கிறது.
காஞ்சனா நந்தினி
பெரிய திரையில் காஞ்சனா பேய், சின்னத் திரையில் இதே குஷ்பூ நிறுவனத் தயாரிப்பான நந்தினி சீரியல் பேய் என்று பிரமாண்ட பேயைப் பார்த்து பழகிவிட்ட குழந்தைகளுக்கே கூட லட்சுமி ஸ்டோர்ஸின் பேய் பயமுறுத்தல் சிறுபிள்ளைத்தனமாக, வேடிக்கையாக, கிண்டலாகத்தான் இருக்கும்.
லட்சுமி ஸ்டோர்ஸ்
லட்சுமி ஸ்டோர்ஸ் சீரியலின் ஒன்லைன் கதையை கதாசிரியர் தூசித் தட்டி எடுத்துக் பார்த்து, பழைய டிராக் கண்டுபிடித்து இனி பயணித்தால் மட்டுமே சீரியல் நினைத்த இலக்கை அடைய முடியும். இல்லாவிட்டால் சன் டிவி ஒண்ணு நேரத்தை மாத்தி குடுப்பாங்க. இல்லையா சுந்தர் சி சொன்ன மாதிரி நந்தினி 2 க்கு அந்த இடம்தானோ என்னவோ!
அதுவரைக்கும் சீரியலை எப்படியாவது ஓட்டலாம்னு ஓட்டுவாங்க போல...!
Click it and Unblock the Notifications
Sign in with Google