விஜய் லாலிபாப் பேபியா? அப்போ நீங்க! விஜயகாந்த் மனைவி பிரேமலதா பேச்சுக்கு ப்ளூ சட்டை மாறன் அட்டாக்
சென்னை: 2026 சட்டமன்ற தேர்தலை முன்னிட்டு தமிழ்நாடு அரசியல் களம் நாளுக்கு நாள் சூடு பிடித்து வருகிறது. குறிப்பாக நடிகர் விஜய் அரசியலுக்கு வந்ததிலிருந்து, அவரைச் சுற்றியுள்ள பேச்சுகள், விமர்சனங்கள், ஆதரவு-எதிர்ப்பு எல்லாமே அதிகரித்துக் கொண்டே இருக்கின்றன. இந்த நிலையில் தேமுதிக பொதுச்செயலாளர் பிரேமலதா விஜயகாந்த் கூறிய ஒரு கருத்து பெரிய சர்ச்சையாக மாறியுள்ளது.
லாலிபாப் பேபி சர்ச்சை
சேலத்தில் நடைபெற்ற கூட்டத்தில் பேசிய பிரேமலதா விஜயகாந்த், விஜயை நேரடியாக விமர்சித்தார். "சினிமாவில் நீங்கள் ஹீரோ தான். ஆனால் அரசியலில் நீங்கள் இன்னும் லாலிபாப் சாப்பிடும் பேபி மாதிரி. முதலில் உங்கள் வாக்கு வங்கியை நிரூபியுங்கள். அதன் பிறகு பெரிய கட்சிகளுடன் போட்டி பற்றி பேசுங்கள்" என்று அவர் கூறினார்.
இந்த ஒரு வரி பேச்சே சமூக வலைத்தளங்களில் தீப்பிடித்தது போல பரவியது. விஜய் ரசிகர்கள் மட்டுமல்லாமல், பலரும் இந்த கருத்தை கடுமையாக எதிர்த்து கருத்து தெரிவித்து வருகின்றனர்.
விமர்சகர்களின் பதிலடி
இந்த விவகாரத்தில் பிரபல திரைப்பட விமர்சகர் ப்ளூ சட்டை மாறன் தனது வழக்கமான ஸ்டைலில் பதிலடி கொடுத்துள்ளார். அவர் தனது பதிவில்,
"எந்த கட்சியாக இருந்தாலும் அது ஆரம்பத்தில் லாலிபாப் பேபிதான்" என்று குறிப்பிட்டார்.
அதோடு மட்டும் இல்லாமல், "ஒரு ராஜ்யசபா சீட், இரண்டு எம்எல்ஏ சீட்டுக்காக குடும்ப நலன் கருதி யாருடனும் கூட்டணி வைக்காதவர்" என்றும் அவர் பதிவிட்டுள்ளார்.
இந்த கருத்து அரசியல் விமர்சனத்தை தாண்டி நேரடி தாக்குதலாகவே பார்க்கப்படுகிறது. குறிப்பாக கூட்டணி அரசியலை சுட்டிக்காட்டி பேசப்பட்ட இந்த வரிகள் பலரது கவனத்தை ஈர்த்துள்ளது. அதுபோல விஜய் பற்றி பல இடங்களில் கலாய்த்து வந்த ப்ளூ சட்டை மாறன் இப்போது அவருக்காக சப்போர்ட் செய்வது போல போஸ்ட் போட்டதும் ரசிகர்கள் மத்தியில் விவாதத்தை ஏற்படுத்தி இருக்கிறது.
சமூக வலைத்தளங்களில் விவாதம்
பிரேமலதாவின் பேச்சும், அதற்கு வந்த இந்த பதிலடிகளும் தற்போது சமூக வலைத்தளங்களில் டிரெண்டாகி வருகிறது. ஒரு தரப்பு, "அரசியலில் அனுபவம் முக்கியம், அதைத்தான் பிரேமலதா கூறியுள்ளார்" என்று ஆதரிக்க, மற்றொரு தரப்பு "புதியவர்களை இப்படி இழிவாக பேசுவது சரியல்ல" என்று எதிர்க்கிறது.
மேலும் சிலர், "இப்போது பெரிய கட்சிகளாக இருக்கும் அனைத்தும் ஒருகாலத்தில் சிறிய கட்சிகளாகத்தான் தொடங்கின" என்ற வாதத்தையும் முன்வைத்து வருகின்றனர்.
அரசியல் சூழ்நிலை
இந்த தேர்தலில் விஜய் பெரிய தாக்கத்தை ஏற்படுத்துவார் என்று அரசியல் வட்டாரங்களில் பேசப்பட்டு வரும் நேரத்தில், இவ்வாறான விமர்சனங்கள் மேலும் கவனத்தை ஈர்த்துள்ளன. குறிப்பாக பிரபலங்கள் நேரடியாக அரசியல் கருத்து தெரிவிப்பதும், அதற்கு எதிராக மற்ற பிரபலங்களும் பதிலடி கொடுப்பதும் இந்த தேர்தலை இன்னும் விறுவிறுப்பாக மாற்றியுள்ளது.
ஒரு சாதாரண பேச்சாக தொடங்கிய "லாலிபாப் பேபி" விவகாரம், தற்போது பெரிய அரசியல் விவாதமாக மாறியுள்ளது. புதிய அரசியல் சக்தியாக உருவெடுக்க முயலும் விஜய்க்கு இது ஒரு சவாலா? அல்லது அவருக்கான இலவச பிரசாரமா? என்ற கேள்வியும் எழுந்துள்ளது. எதுவாக இருந்தாலும், இந்த விவகாரம் தேர்தல் களத்தை இன்னும் சூடேற்றியிருக்கிறது என்பது மட்டும் மறுக்க முடியாத உண்மை.
Click it and Unblock the Notifications
Sign in with Google