இந்திய அளவில் ட்ரெண்டிங் நம்பர் 1.. மிருணாள் தாக்கூரின் ‘டகோயிட்’ படம் அசத்தல்!
சென்னை: நடிகை மிருணாள் தாக்கூர் மற்றும் நடிகர் அதிவி சேஷ் நடித்துள்ள 'டகோயிட்' (Dacoit) திரைப்படம் தற்போது ஓடிடி தளத்தில் பெரிய சாதனையைப் பதிவு செய்துள்ளது. டகோயிட் படம் இந்திய அளவில் டிரெண்டிங்கில் முதலிடத்தைப் பிடித்து ரசிகர்களிடையே பெரும் கவனத்தை ஈர்த்துள்ளது.
ஓடிடியில் மாபெரும் ஹிட்
ஷானில் தியோ இயக்கத்தில் உருவான இந்த படம், கடந்த ஏப்ரல் 10ஆம் தேதி திரையரங்குகளில் வெளியானது. மிகுந்த எதிர்பார்ப்புடன் வெளியானாலும், விமர்சகர்களிடமிருந்து கலவையான விமர்சனங்களையே பெற்றது. இருப்பினும், அதன் பின்னர் Amazon Prime Video ஓடிடி தளத்தில் மே 8ஆம் தேதி வெளியானபோது, படம் புதிய உயிர் பெற்றது.
தமிழ், தெலுங்கு, மலையாளம், கன்னடம் உள்ளிட்ட பல மொழிகளில் வெளியான இந்த படம், வெளியான சில நாட்களிலேயே இந்திய அளவில் டிரெண்டிங்கில் நம்பர் 1 இடத்தை பிடித்துள்ளது. திரையரங்குகளில் ரூ.55 கோடி வசூல் செய்திருந்த இந்த படம், ஓடிடியில் அதைவிட பெரிய வரவேற்பைப் பெற்று வருகிறது.
நட்சத்திர பட்டாளம்
இந்த படத்தில் பிரகாஷ் ராஜ், அதுல் குல்கர்னி, ஜயான் மரியா கான் உள்ளிட்ட பலர் முக்கிய கதாபாத்திரங்களில் நடித்துள்ளனர். அன்னபூர்ணா ஸ்டூடியோஸ் தயாரிப்பில், சுப்ரியா எர்லாகதா இந்தப் படத்தை தயாரித்துள்ளார். கதை எழுதியதும் அதிவி சேஷ் என்பதும் குறிப்பிடத்தக்கது.
டகோயிட் கதை
இந்த படம் ஒரு சாதாரண காதல் கதையாகத் தொடங்கினாலும், அதன் பின்னணி மிகவும் சிக்கலானது. கதையின் மையமாக ஹரி என்ற இளைஞன் (அதிவி சேஷ்) இருக்கிறார். அவர் செய்யாத ஒரு குற்றத்தில் சிக்கி சிறையில் அடைக்கப்படுகிறார். அங்கிருந்து வெளியேறி உண்மையை நிரூபிக்க முயலும் அவர், தனது காதலி சரஸ்வதி (மிருணாள் தாக்கூர்) உடன் மீண்டும் சந்திக்கிறார்.
ஆனால் இது சாதாரண காதல் மீண்டும் இணையும் கதை அல்ல. காதலும், துரோகமும், நம்பிக்கையும் கலந்த உறவு இவர்களுக்குள் உருவாகிறது. இருவரும் சேர்ந்து சில கொள்ளைச் சம்பவங்களில் ஈடுபட வேண்டிய சூழ்நிலை உருவாகிறது. இந்த கொள்ளை முயற்சிகள் அவர்களின் வாழ்க்கையையும், உண்மையையும் வெளிச்சத்திற்கு கொண்டு வருகிறது.
சமூக விமர்சனம்
படம் காதல் கதையை மட்டும் சொல்லாமல், பல சமூக அம்சங்களையும் பேசுகிறது. மருத்துவ மோசடிகள், சமூக வேறுபாடுகள் மற்றும் சாதி அமைப்பு, மனித உறவுகளின் மன அழுத்தம், இந்த அம்சங்கள் கதைக்கு ஒரு ஆழத்தை கொடுக்கின்றன.
சஸ்பென்ஸ் அனுபவம்
'டகோயிட்' படத்தின் முக்கிய பலம் அதன் non-linear storytelling. கதையை நேரடியாக சொல்லாமல், பல காலகட்டங்களுக்குள் தாண்டி சொல்லும் பாணி, பார்வையாளர்களை ஈர்க்கிறது. ஆனால், இரண்டாம் பாதியில் சில காட்சிகள் நீளமாகவும், சில திருப்பங்கள் கணிக்கக்கூடியதாகவும் இருப்பது குறையாகக் கூறப்படுகிறது.
படத்தின் நிறை குறை
இந்தப் படத்தில் மிருணாள் தாக்கூரின் நடிப்பு மிகுந்த பாராட்டைப் பெற்றுள்ளது. அவரது கதாபாத்திரம் ஒரு காதலி மட்டுமல்ல, கதையின் எமோஷனல் மையமாகவும் இருக்கிறது.
அதேபோல், அதிவி சேஷ் தனது சிட்டி பாய் கேரக்டரில் இருந்து விலகி ஒரு பிரேக்கப் ஆன மனிதனின் இயல்பான கேரக்டரை காட்டி இருக்கிறார். திரையரங்குகளில் கலவையான வரவேற்பைப் பெற்ற 'டகோயிட்' படம், ஓடிடியில் புதிய சாதனையை படைத்து வருகிறது. கதை சொல்லும் விதம், கதாபாத்திரங்களின் சிக்கல், எமோஷனல் ஆழம் ஆகியவற்றால் இந்த படம் பார்வையாளர்களை கவர்ந்துள்ளது.
மொத்தத்தில், 'டகோயிட்' ஒரு எளிய மாஸ் படம் அல்ல. மெதுவாக மனதில் பதியும், காதல் மற்றும் குற்றம் கலந்த வித்தியாசமான அனுபவமாக இது அமைந்துள்ளது.
Click it and Unblock the Notifications
Sign in with Google