மாறாத சிரிப்பு குறையாத ஸ்டைல் ...பாரதிகண்ணம்மா நடிகரை பார்த்து உருகும் ரசிகர்

Updated: Tuesday, August 30, 2022, 17:57 [IST]

Subscribe to Oneindia Tamil

சென்னை: பாரதிகண்ணம்மா சீரியலில் கதாநாயகனாக நடிக்கும் அருண்பிரசாத்தை பார்த்து அவருடைய ரசிகர் சமூக வலைத்தளத்தில் உருகி இருக்கிறார்.

நடிகர் அருண் பிரசாத்தை தனக்கு பிடிப்பதற்கான காரணத்தை பற்றி அவருடைய தீவிரமான ரசிகர்கள் கூறி வருகிறார்கள்.

சும்மாவே அருணை கலாய்த்து தள்ளி வரும் நெட்டிசன்கள இந்த போஸ்ட் பார்த்து கலாய்த்து வருகிறார்கள்.

ரசிகர்களின் பாசம்

விஜய் டிவியில் ஒளிபரப்பாகி வரும் பாரதி கண்ணம்மா சீரியல் தொடங்கிய நாளிலிருந்து இப்ப வரைக்கும் அதிகமாக ரசிகர்களால் கலாய்க்கப்பட்டு வருகிறது. இந்த சீரியலில் கதாநாயகனாக நடித்து வரும் அருண் பிரசாத் தன்னுடைய நடிப்பால் தனக்கென்று ஒரு ரசிகர்கள் பட்டாளத்தை பெருக்கி இருக்கிறார். அவருடைய நடிப்பை பார்த்து பலர் கலாய்த்து தள்ளி இருந்தாலும் ஒரு சில ரசிகர்கள் அவருக்காக உருகி உருகி சமூக வலைத்தளத்தில் போஸ்ட்களை அள்ளி குவிக்கிறார்கள்.என்ன தான் நெட்டிசன்கள் கலாய்த்து கொண்டிருந்தாலும் தனக்கென்று இருக்கும் ரசிகர்களின் ஆதரவை பார்த்து இந்த சீரியலில் இவர் இப்ப வரைக்கும் நடித்து வருகிறார்.

நெட்டிசன்களுக்கு பிடித்த சீரியல்

கொஞ்ச நாட்களுக்கு முன்புவரைக்கும் பாரதி கண்ணம்மா சீரியலில் இருந்து தான் விலகப் போவதாக அறிக்கை விட்டு இருந்தார். அவருடைய அறிக்கையை பார்த்ததும் அவருடைய தீவிரமான ரசிகர்கள் அதிர்ச்சி அடைந்து விட்டார்களாம். அதனால் மீண்டும் இந்த சீரியலில் இவர் தொடர போவதாக அறிவித்து தற்போது வரைக்கும் நடித்துக் கொண்டிருக்கிறார். இந்த சீரியலில் பாரதி கேரக்டரில் அருண் பிரசாத் நடித்துக் கொண்டிருப்பது எரிச்சல் அடைகிறது என்று ஒரு பக்கம் நெட்டிசன்கள் கூறிக் கொண்டிருந்தாலும் ஒரு பக்கம் இவருடைய தீவிரமான ரசிகர்கள் ரசித்து கொண்டிருக்கின்றனர். பாரதி கண்ணம்மா சீரியல் ஆரம்பம் முதலே இப்ப வரைக்கும் நெட்டிசன்களிடம் அதிகமாக கலாய்க்கப்பட்டு வருகிறது.

அசத்தும் டயலாக்

ஆரம்பத்தில் பாரதி கண்ணம்மா சீரியலில் கண்ணம்மாவை அதிகமாக கலாய்த்த நெட்டிசன்கள் பின்பு, ஒரு டாக்டராக இருந்தாலும் ஒரு டிஎன்ஏ டெஸ்ட் சரியாக எடுக்கவில்லையே என்று பாரதியை வாய் வலிக்காமல் வசைப்பாடி வருகிறார்கள். இந்த நிலையில் தற்போது இன்ஸ்டாகிராமில் அருணின் தீவிரமான ரசிகர் ஒருவர் படையப்பா படத்தில் ரஜினியை பார்த்து ரம்யா கிருஷ்ணன் பேசும் பிரபலமான டயலாக் வைத்து வீடியோ வெளியிட்டு இருக்கிறார். இதை பார்த்ததும் நெட்டிசன்கள் அதிர்ச்சி அடைந்து என்ன நடக்குது?? என்று கேள்விகளை எழுப்பி வருகிறார்கள்.

போட்டி வேற மாதிரி இருக்கு

பாரதிகண்ணம்மா சீரியலில் ஆரம்பத்தில் அனைத்து தரப்பினரையும் ரசிக்க வைத்த அருண்பிரசாத் இந்த சீரியல் முழுக்க ஒரே எக்ஸ்பிரசனை காட்டி வருகிறார் என்பது பலருடைய குற்றச்சாட்டாக இருந்து வருகிறது. இந்த நிலையில் அருண் பிரசாந்தை பார்த்து, வயசானாலும் மாறாத சிரிப்பும் குறையாத ஸ்டைலும் தான் ரசிக்க காரணம் என்று அவருடைய தீவிரமான ரசிகர் ரசித்து கொஞ்சியதுதான் தற்போது நெட்டிசன்களால் பொறுக்க முடியாமல் கொந்தளித்து வருகிறார்கள். ஆனால் நெட்டிசன்களுக்கு அருண் பிரசாத்தின் ரசிகர்களே பதில்களை கூறி வருகிறார்கள். எங்களுக்கு அவருடைய நடிப்பு பிடித்திருக்கிறது நாங்கள் ரசிக்கிறோம். உங்களுக்காக நாங்கள் வெறுக்க வேண்டும் என்று அவசியம் இல்லை என கூறி வருகிறார்கள்.