ப்ளீஸ் எனக்காக இதை பண்ணுங்க.. வேண்டுகோள் வைத்த அனிதா சம்பத்.. இன்ஸ்டாகிராமில் அதை பாத்தீங்களா..?

சென்னை: செய்தி வாசிப்பாளராகவும் நடிகையாகவும் இருக்கும் அனிதா சம்பத் தன்னுடைய instagram பக்கம் மூலமாக ரசிகர்களிடம் உருக்கமாக வேண்டுகோள் வைத்திருக்கிறார்.

தனக்காக இன்ஸ்டாகிராமில் ஒரு ஐடியை ரிப்போர்ட் அடிக்க வேண்டும் என்று அனிதா சம்பத் கூறியிருக்கிறார்.

அப்படி என்னதான் நடந்தது எதுக்காக அனிதா சம்பத் இந்த வேண்டுகோளை வைத்திருக்கிறார் என்பதை பற்றி விரிவாக பார்க்கலாம்.

தற்போதைய சூழ்நிலையில் ஒரிஜினலை விட டூப்ளிகேட்டுகள் அதிகமாக அதிகரித்துக் கொண்டே இருக்கிறது. அது பொருள்களாக இருந்தாலும் சரி மற்றவர்களுடைய அடையாளத்தை திருடுவதாக இருந்தாலும் சரி, நாளுக்கு நாள் அதிகரித்துக் கொண்டிருக்கிறது. இதனால் பலர் ஏமாற்றப்பட்டு கொண்டிருக்கின்றனர்.

அந்த மாதிரி தான் தற்போது அதிகமாக நடிகர்கள் மற்றும் பிரபலங்களின் பெயரில் போலியான இணையதள முகவரிகள் தொடங்கப்பட்டு, அவர்களுடைய ஐடியில் இருந்து பிரபலங்கள் பேசுவது போன்று பேசி சாதாரண மக்கள் பலரையும் ஏமாற்றிக் கொண்டிருக்கின்றனர். அதில் பலர் சிக்கி பல லட்சங்களை இழந்தவர்களும் உண்டு. சிலர் மிரட்டலுக்கு ஆளாவது உண்டு.

அந்த வகையில் செய்தி வாசிப்பாளராகவும், நடிகையாகவும், பிக் பாஸ் பிரபலமாகவும் இருக்கும் அனிதா சம்பத் இன்று தன்னுடைய இன்ஸ்டாகிராம் பக்கத்தில் பதிவு ஒன்று வெளியிட்டு ரசிகர்களிடம் உருக்கமாக வேண்டுகோள் விடுத்திருக்கிறார். அதற்கு காரணம் தன்னுடைய பெயரில் போலியான இன்ஸ்டாகிராம் ஐடி ஒன்று தொடங்கப்பட்டிருக்கிறது. அதில் தன்னுடைய வீடியோக்கள் பலவற்றை போட்டு தன்னை போலவே அந்த ஐடியை பயன்படுத்துகிறார்கள் என்றும் கூறியிருக்கிறார்.

அந்த ஐடி உண்மையில் என்னுடையது கிடையாது. தயவு செய்து என்னுடைய நண்பர்கள் அனைவரும் குறிப்பிட்ட அந்த இன்ஸ்டாகிராம் ஐடியை ரிப்போர்ட் செய்து எனக்கு உதவுங்கள் என்றும் அனிதா சம்பத் கூறியிருக்கிறார். ஏற்கனவே இது போல பல பிரபலங்கள் வாழ்க்கையில் நடந்து கொண்டிருக்கிறது. சில நாட்களுக்கு முன்பு விஜய் டிவியில் ஒளிபரப்பாகி வரும் பாண்டியன் ஸ்டோர்ஸ் சீரியலில் கதிர் கேரக்டரில் நடித்த குமரன் பெயரிலும் இதுபோன்று போலியான ஒரு ஐடியில் இருந்து ரசிகர்களிடம் குமரன் பேசுவது போல பேசி whatsapp நம்பர் கேட்டு வீடியோ கால் செய்வதாக தொந்தரவு செய்திருந்தனர்.

அது குறித்து குமரன் தன்னுடைய இன்ஸ்டாகிராம் பக்கத்தில் பகிர்ந்து இது போலியான ஐடி இதை யாரும் ஃபாலோ செய்யாதீர்கள் என்று எச்சரிக்கையும் விடுத்திருந்தார். இந்த நிலையில் இப்போது அனிதா சம்பத் பெயரிலும் போலி அக்கவுண்ட் தொடங்கப்பட்டிருப்பது குறித்து இணையத்தில் பரபரப்பு ஏற்பட்டிருக்கிறது. அதே நேரத்தில் கவனமாக இது ஒரிஜினல் ஐடி தானா? என்று செக் பண்ணி பிரபலங்களை பின்தொடர வேண்டிய நிலைமையில் தான் நாம் இருக்கிறோம். இதில் அதிகமான கவனம் கண்டிப்பாக வேண்டும்.

English summary

Anita Sampath, who is a newsreader and actress, has made a heartfelt appeal to her fans through her Instagram page.Anita Sampath has said that she needs to report an ID on Instagram for her.