இப்போ சொல்லு.. எது அரை...எது ஒன்றரை..எது மூன்றரை?

Updated: Friday, May 8, 2020, 16:06 [IST]

Subscribe to Oneindia Tamil

சென்னை: விஜய் டிவியின் குக்கு வித் கோமாளி அவ்வப்போது மீண்டும் மீண்டும் ஒளிபரப்பு செய்யப்பட்டு வருகிறது. கோமாளியாக இருக்கும் புகழ் தேங்காயை வதக்கிக்கொண்டு இருக்க...செஃப் வெங்கடேஷ் வந்து, இப்போ சொல்லு.. எது அரை...எது ஒன்றரை..எது மூன்றரை என்று கேட்டு குழப்பி விடுகிறார்.

விஜய் டிவியின் குக்கு வித் கோமாளி மீண்டும் மீண்டும் சிரிப்பு என்பது போல மீண்டும் மீண்டும் ஒளிபரப்பு என்றாலும் நன்றாகத்தான் இருக்கிறது.

உமா ரியாஸ்கானுக்கு கோமாளியாக சேர்ந்த புகழ், அவருக்கான நேரத்தில் தேங்காயை வதக்கிக்கொண்டு இருந்தார். அப்போது அவரிடம் வந்து செஃப் வெங்கடேஷ் அவரை குழப்பிவிட்டு சென்றார்.

ரம்யா உமாரியாஸ்

குக்ஸ் ரம்யாவும், உமா ரியஸும் ரூமில் இருக்க, கோமாளி புகழ், பாலா இருவரும் சமையலை செய்ய வேண்டும். அப்போது தேங்காயை வதக்கிக்கொண்டு இருந்தார் புகழ். அங்கே வந்த செஃப் வெங்கடேஷ், அடிப்புடிக்குது பாரு...நீ பாட்டுக்கு கிளறிக்கிட்டே இருக்கேன்னு கேட்டார். நீங்க வந்தாலே குழப்பம்தான் என்று சொன்னார் புகழ்.

எங்கங்க அடிப்புடிக்குது

மறுபடியும் அடிப்புடிக்குதுன்னு வெங்கடேஷ் சொல்ல, எங்கங்க அடிப்புடிக்குது என்று கேட்டபடியே, கடாயை கையால் தூக்கி அடியில் பார்த்தார் புகழ். முட்டாள்.. அடிப்புடிக்குதுன்னா அடியில புடிக்காதுடா...உள்ளே புடிக்குது பாருன்னு சொன்னார். கடாயை அப்படியே தூக்கிவிட்ட புகழ் கடாய் சுட்டதில் கையை ஊதிக்கொண்டு இருந்தார்.

வெங்காயத்தை போடு

உரிச்சு வச்சு இருக்கியே.. அந்த வெங்காயத்தை போட்டு வதக்குன்னு வெங்கடேஷ் சொல்ல, இப்போ போடக்கூடாதுங்க...அதை கிரேவி செய்யும்போது வதக்கணும்னு சொல்லி, இது அரை..இது ஒன்றரை.. இது மூன்றரை ஸ்பூன் போடணும் என்று பாட்டில்களை காண்பித்தார்.

மாத்தி வச்ச

பாட்டில்களை மாத்தி மாத்தி வச்சுட்ட வெங்கடேஷ், இப்போ சொல்லு..எது அரை.. எது ஒன்றரை.. எது மூன்றரை என்று கேட்க...ஸ்ஸ்ஸ்..அப்பா என்று குழம்பி நின்றார் புகழ்.அடிபுடிச்சுருச்சு அடிப்புடிச்சுருச்சுன்னு சொன்னீங்க.. இப்போ எனக்கு பைத்தியம் புடிச்சுருச்சு என்று சொன்னார் புகழ்.