OTT: பக்ரீத் விடுமுறைக்கு செம என்டர்டெயின்மென்ட்... தியேட்டரா? OTT-யா? இந்த படங்களும் ரிலீஸ் ஆகிறது

சென்னை: பக்ரீத் பண்டிகை விடுமுறை நெருங்கி வரும் நிலையில், இந்த வாரம் சினிமா ரசிகர்களுக்கு பொழுதுபோக்கு விருந்து காத்திருக்கிறது. வெளியே குடும்பத்தோடு தியேட்டருக்கு சென்று படம் பார்க்க நினைப்பவர்களுக்கும், வீட்டிலேயே OTT-யில் புதுப் படங்கள், வெப் சீரிஸ்களை ரசிக்க திட்டமிடுபவர்களுக்கும் ஏராளமான தேர்வுகள் இந்த வாரம் காத்திருக்கின்றன.

கடந்த சில வாரங்களாக சூர்யாவின் கருப்பு தியேட்டர்களில் ஆதிக்கம் செலுத்திய நிலையில், இந்த வாரம் புதிய படங்கள் களமிறங்கி போட்டியை அதிகரிக்க உள்ளன.

பரிமளா அண்ட் கோ

குடும்ப ரசிகர்களின் கவனத்தை ஈர்க்கும் முக்கிய ரிலீஸாக பரிமளா அண்ட் கோ இருக்கிறது. ஜெயராம், ஊர்வசி, யோகிபாபு, மிஷ்கின் போன்ற அனுபவம் மிக்க நட்சத்திரங்கள் இணைந்திருப்பதால் இந்த படத்துக்கு தனி எதிர்பார்ப்பு உள்ளது. குடும்பத்தோடு சிரித்து ரசிக்க ஏற்ற காமெடி-டிராமா கலவையாக இது இருக்கும் என பேசப்படுகிறது. இந்த படம் மே 28 அன்று தியேட்டரில் வெளியாகிறது.

பிளாஸ்ட்

ஆக்ஷன் ரசிகர்களுக்கான வார ரிலீஸ் பிளாஸ்ட். ஆக்ஷன் கிங் அர்ஜுன் நடித்திருப்பதால் படத்திற்கு ஆரம்பத்திலிருந்தே நல்ல ஹைப் உருவாகியுள்ளது. கேஜிஎஃப் புகழ் ரவி பஸ்ரூர் இசையமைத்திருப்பதும் படத்துக்கு கூடுதல் பலம். இந்த படம் மே 28 அன்று திரைக்கு வருகிறது.

ஹபீபி ,லஷ்மிகாந்தன் கொலை வழக்கு

பெரிய படங்கள் மட்டுமல்லாமல், சிறிய பட்ஜெட் படங்களும் இந்த வாரம் அதிர்ஷ்டம் சோதிக்க களமிறங்குகின்றன. ஹபீபி, காட்டாளன், லஷ்மிகாந்தன் கொலை வழக்கு போன்ற படங்கள் வித்தியாசமான கதைக்களத்துடன் ரசிகர்களை கவர முயற்சிக்கின்றன.

OTT ரிலீஸ்

கர (Kara)

தியேட்டரில் நல்ல வரவேற்பைப் பெற்ற பிறகு, தனுஷின் கர OTT ரசிகர்களை சந்திக்க வருகிறது. கிராமத்து ஆக்ஷன் கலந்த இந்த படம் தியேட்டரில் பார்க்க தவறவிட்டவர்களுக்கு இது நல்ல வாய்ப்பு. Netflix-ல் மே 28 முதல் பார்க்கலாம்.

Spider-Noir

இந்த வாரத்தின் ஹைலைட் OTT ரிலீஸ் என்றால் அது Spider-Noir தான். நிக்கோலஸ் கேஜ் நடித்துள்ள இந்த சூப்பர்ஹீரோ வெப் சீரிஸ், Marvel ரசிகர்களை கவரும் வகையில் உருவாகியுள்ளது. Amazon Prime Video-வில் மே 27 முதல் வெளியாகிறது.

A Good Girl's Guide to Murder Season 2

முதல் சீசன் நல்ல வரவேற்பைப் பெற்றதால், இரண்டாம் சீசனுக்கும் எதிர்பார்ப்பு அதிகம். கிரைம் த்ரில்லர் ரசிகர்களுக்கு இது சரியான binge-watch option. Netflix-ல் மே 27 முதல்.

Murder Mindfully 2

டார்க் காமெடி ரசிகர்களுக்கான சுவாரஸ்யமான தொடராக Murder Mindfully 2 வருகிறது. குற்றமும் நகைச்சுவையும் கலந்த வித்தியாசமான கண்டெண்ட். Netflix-ல் மே 28.

Untold UK: Vinnie Jones

கால்பந்து ரசிகர்களுக்கு இந்த வாரம் Netflix ஒரு ஸ்பெஷல் ட்ரீட் வைத்திருக்கிறது. பிரபல கால்பந்து நட்சத்திரத்தின் வாழ்க்கை மற்றும் கேரியர் சம்பவங்களை சொல்லும் ஆவணத் தொடர் இது. மே 26 முதல் வருகிறது.

My 2 Cents

அனிமேஷன் ரசிகர்களுக்கு வித்தியாசமான OTT ரிலீஸ். பொருளாதார பிரச்சனைகளும் வாழ்க்கை சிக்கல்களும் கலந்த 2D அனிமேஷன் சீரிஸ். Netflix-ல் மே 27.

Jetlee

தெலுங்கு காமெடி த்ரில்லர் ரசிகர்களுக்கான லைட் எண்டர்டெயின்மென்ட் படம். வித்தியாசமான சூழ்நிலையில் சிக்கிக் கொள்ளும் கதாபாத்திரங்களை மையமாகக் கொண்டது. JioHotstar-ல் மே 25.

Brothers And Sisters

தமிழ் குடும்ப டிராமா ரசிகர்களுக்காக இந்த வாரம் வரும் முக்கிய வெப் தொடர். குடும்ப ரகசியங்கள், எமோஷனல் மோதல்கள் நிறைந்த கதை. JioHotstar-ல் மே 27.

Cousins & Kalyanams

குடும்ப உறவுகள், கல்யாண வீட்டு கலாட்டா, உறவுகளுக்குள் நடக்கும் சிக்கல்கள்-இந்த எல்லாவற்றையும் மையமாக கொண்ட டிராமெடி சீரிஸ். JioHotstar-ல் மே 29.

Roommates

நண்பர்களின் ஈகோ மோதலை சுவாரஸ்யமாக சொல்லும் கன்னட வெப் தொடர். லைட்-ஆன பொழுதுபோக்கு தேடுபவர்களுக்கு இது சரியான தேர்வு. ZEE5-ல் மே 27.

மொத்தத்தில் இந்த வாரம் தியேட்டர் ரசிகர்களுக்கும், OTT ரசிகர்களுக்கும் தனித்தனி விருந்து காத்திருக்கிறது. இந்த பக்ரீத் விடுமுறையில் ரிமோட்டை பிடிக்கிறீர்களா? இல்ல பாப்கார்னோடு தியேட்டருக்கு கிளம்புறீங்களா?

English summary

The upcoming Bakrid holiday is set to be a treat for entertainment lovers, with plenty of options for both theatre-goers and OTT binge-watchers. In theatres, family entertainer Parimala & Co starring Jayaram, Urvashi, Yogi Babu, and Mysskin is expected to attract family audiences, while action fans can look forward to Arjun’s Blast. Smaller films like Habibi, Kaattalan, and Lakshmikanthan Kolai Vazhakku are also joining the race. On OTT, Dhanush’s Kara makes its digital debut on Netflix, while international and web content lovers can enjoy titles like Spider-Noir, A Good Girl’s Guide to Murder Season 2, Murder Mindfully 2, and more. Overall, the holiday week offers a packed entertainment lineup for every kind of viewer.