நடிகர் சிம்பு உறவினர் வீட்டில்.. பாண்டியன் ஸ்டோர்ஸ் சீரியல் குடும்பம்.. இனி நடக்கப் போவது இதுதானா?

சென்னை: விஜய் டிவியில் ஒளிபரப்பாகி வரும் பாண்டியன் ஸ்டோர் சீரியல் இப்போது மூன்றாவது வீடு மாறியிருக்கின்றனர். அது நடிகர் சிம்புவின் உறவினர் வீடு என்று இந்த சீரியலில் நடிக்கும் நடிகை ஹேமா தெரிவித்திருக்கிறார்.

சீரியல் பற்றி அடுத்து என்ன நடக்கப்போகிறது என்பது பற்றி அடிக்கடி அப்டேட் கொடுத்துக் கொண்டிருக்கும் நடிகை ஹேமா தற்போது யாருக்கும் தெரியாத பல ரகசியங்களையும் பகிர்ந்திருக்கிறார்.

இந்த நிலையில் ஹேமா வெளியிட்ட வீடியோவில் என்னவெல்லாம் சொல்லி இருக்கிறார் என்பது பற்றி விரிவாக பார்ப்போம்.

விஜய் டிவியில் கடந்த நான்கு வருடங்களுக்கு மேலாக ஒளிபரப்பாகி டிஆர்பியில் முக்கிய இடத்தில் இருக்கும் சீரியல்தான் பாண்டியன் ஸ்டோர்ஸ் சீரியல். இதில் நடிகர்கள் மட்டுமல்லாமல் இந்த சீரியலில் வீடு கூட ரசிகர்களுக்கு பிடிக்கும். ஆரம்பத்தில் இருந்த சீரியலில் பெரிய தூண்கள், திண்ணை உடன் கூடிய வாசல் வீட்டிற்கு நெடுவில் முற்றம் வெளியே தோட்டம் என பார்ப்பதற்கு அந்த கால பாரம்பரிய செட்டிநாடு வீட்டை போல இருக்கும்.

பிறகு பாண்டியன் ஸ்டோர் குடும்பம் தாங்கள் தலைமுறையாக வாழ்ந்த வீட்டை விட்டு வேறொரு வீட்டிற்கு குடி பெயர்ந்தனர். கதிர் தனியாக வாழ்ந்து வந்த வீட்டில் மொத்த குடும்பமும் குடி பெயர்ந்து இருந்தனர்.இப்போது மீண்டும் அந்த வீட்டில் இருந்து புது வீட்டிற்கு புதுமனை விழா கொண்டாடி குடி பெயர்ந்து இருக்கின்றனர். அந்த வீடு இசிஆரில் உள்ளதாம். அந்தப் புது வீடு பற்றியும் அங்கு நடக்கும் சூட்டிங் பற்றியும், அந்த சீரியலில் மீனாவாக நடிக்கும் ஹேமா பல தகவல்களை பகிர்ந்து இருக்கிறார்.

அதில் நான் இன்னைக்கு உங்க எல்லாரையும் பாண்டியன் ஸ்டோர் செட்டுக்கு கூட்டிட்டு போறேன். இதோட நம்ம மூணாவது வீடு மாற்றி இருக்கிறோம். சீரியல் ஆரம்பிக்கும்போது செட்டிநாடு வீடு இருந்தது. அப்புறம் வேறொரு வீட்டுக்கு போனோம். இப்போ புது வீட்டுக்கு கிரகப்பிரவேசம் பண்ணிட்டு வந்திருக்கோம். இந்த வீடு ஈசிஆர் ல இருக்கு ரொம்ப தூரம் தினமும் ஏதோ ஒரு ஊரை விட்டு போயிட்டு வர மாதிரி இருக்கு.

அங்கு வீடு எப்படி இருக்குன்னு நீங்க எபிசோட்ல பார்த்திருப்பீங்க. முதல் நாள் அங்க போகும்போது என்னடா இது பாண்டியன் ஸ்டோர் சீரியலுக்கும் இந்த வீட்டுக்கும் செட்டாகாத மாதிரி இருக்குணு நான் யோசித்தேன். நான்கு தூணுக்குள் உட்கார்ந்து தான் நம்ம கதையே பண்ணுவோம். இங்க எல்லாம் பெருசா இருந்தது.

ஆனா போக போக சரியாயிடும் என்று நினைக்கிறேன். அதுபோல இது சிம்பு அம்மாவோட தங்கச்சி லொகேஷன். அவங்களோட சூட்டிங் ஹவுஸ்தானாம் என்றுதான் சொன்னாங்க வெளில. ஒருத்தங்க சிம்பு அம்மா மாதிரியே இருந்தாங்க. எனக்கு சரியா தெரியல இங்க தானே இருக்க போறோம் போக போக பார்த்துக்கலாம் என்று பல தகவல்களை அந்த வீடியோவில் பகிர்ந்து இருக்கிறார்.

English summary

Pandian Store Serial which is being aired on Vijay TV has now moved to the third house. Actress Hema, who is acting in this serial, said that it is actor Simbu's relative's house.Actress Hema, who has been giving frequent updates about what is going to happen next in the serial, has also shared many secrets that no one knows at present. In this situation, let's see in detail what Hema has said in the video released.