ஜனார்த்தனனிடம் கேள்வி கேட்டு சண்டையிடும் ஜீவா..கோபத்தில் மீனா கேட்ட வார்த்தை..பரபரப்பான திருப்பம்

சென்னை: கயலை திருச்சியில் படிக்க வைக்க வேண்டும் என்று ஜனார்த்தனன் ஜீவாவிடம் கேட்காமல் முடிவெடுக்கிறார்.

அதனால் கோபமான மீனா தன்னுடைய அப்பாவை திட்டுகிறார்.

அதைத்தொடர்ந்து தன்னுடைய மனதில் இருக்கும் கோபங்களை எல்லாம் ஜனார்த்தனன் முகத்துக்கு நேராக ஜீவா கேட்கிறார்.

பாண்டியன் ஸ்டோர் சீரியலில் மே 18 முதல் 20 ஆம் தேதி வரைக்கும் ஆன ப்ரோமோ வெளியாகி இருக்கிறது. அதில் ஜனார்த்தனன் வீட்டிற்கு வந்த பிரசாந்த் ஜனார்த்தனிடம் மாமா கயலை எங்க சேர்க்க போறீங்க என்று கேட்கிறார். இப்போது ஜனார்த்தனன் கயலை திருச்சியில் பல நல்ல ஸ்கூல் இருக்கு அதனால அங்க தான் சேர்க்க போறோம் என்று சொல்கிறார்.

இதைக் கேட்டு கடுப்பான மீனா தினமும் கயல் அவ்வளவு தூரம் போயிட்டு வந்துட்டு இருப்பாளா என்று கேட்ட, இல்லை உங்களுக்கும் அங்கேயே வீடு பாக்கலாம்னு இருக்கேன் என்று சொல்ல அருகில் இருக்கும் ஜீவா கோபத்தில் அந்த இடத்தை விட்டு கிளம்பி சென்று விடுகிறார்.

பிறகு தன்னுடைய அறையில் மீனா துணி மடித்துக் கொண்டிருக்கும் போது அங்கே ஓடிவரும் மீனாவின் அம்மா, மீனா சீக்கிரம் வா மாப்ள அப்பாவோடு சண்டை போட்டுட்டு இருக்காரு என்று கூப்பிட மீனா பதறி போய் வருகிறார். அப்போது ஜீவா ஜனார்த்தனனிடம் நீங்களாகத்தான் பிசினஸை மொத்தமா என் கையில கொடுத்தீங்க, பாருங்க மாப்பிள்ளைன்னு. ஆனா அதுல எந்த ஒரு முடிவையும் எடுக்க விடுவதில்லையே.

இப்போ கயல் எங்கு படிக்கணும் என்பது வரைக்கும் பேசிக்கிட்டு நீங்க. அதை எல்லாம் நீங்க எதுக்கு மாமா முடிவு பண்ணுறீங்க? தயவுசெய்து என்னுடைய பொண்ணுக்காவது என்ன அப்பாவாக இருக்க விடுங்க என்று கூறிவிட்டு கிளம்புகிறார். தற்போது இந்த ப்ரோமோ வைரலாகி வருகிறது.

ஜீவா மீண்டும் சுயமாக முடிவெடுத்து இந்த வீட்டை விட்டு கிளம்பி விட வேண்டும் என்று ரசிகர்கள் அதிகமானோர் கருத்து தெரிவித்து வர, இங்கு இருக்கும் கோபத்தால் மீண்டும் மூர்த்தியிடம் போய் மாட்டிக் கொண்டு விடக்கூடாது என்றும் ரசிகர்கள் ஜீவாவுக்கு அட்வைஸ் மழைகளை பொழிகிறார்கள். இந்த பிரமோவிலும் கண்ணன் ஐஸ்வர்யா மீது குவிந்திருக்கும் கோவங்கள் தற்போது வெளிச்சத்துக்கு வருகிறது. அதனாலேயே பல ரசிகர்கள் கண்ணன் ஐஸ்வர்யாவை மீண்டும் பாண்டியன் ஸ்டோர் குடும்பத்தில் சேர்க்க கூடாது என்று கருத்து தெரிவித்து வருகிறார்கள்.

English summary

Pandian Stores serial 2023 May 18th and 20th promo (பாண்டியன் ஸ்டோர் சீரியலில் மே 18 முதல் 20 ஆம் தேதி ப்ரோமோ): Janardhanan decides to send Kayal to study in Trichy without asking Jeeva.So angry Meena scolds her father.After that, Jiva asks all the anger in his mind straight to Janardhana's face.