ரகசியமாய் திருமணத்தை முடித்த பசங்க பட ஜீவா.. மணப்பெண் இந்த பிரபலம் தான்! குவியும் வாழ்த்து

Updated: Monday, June 30, 2025, 10:23 [IST]

Subscribe to Oneindia Tamil

சென்னை: நடிகர் விமல் நடிப்பில் வெளியான "பசங்க" திரைப்படத்தில் ஜீவா கேரக்டரில் நடித்து பிரபலமடைந்த நடிகர் ஸ்ரீராம்க்கு நேற்று எளிமையாக திருமணம் செய்து இருக்கிறார். இவருடைய திருமண புகைப்படங்கள் வெளியாகி பலருடைய வாழ்த்துக்களை பெற்று வருகிறது. அதோடு ஸ்ரீ தான் தன்னுடைய சுவாரஸ்யமான காதல் கதை குறித்து பதிவு ஒன்றும் வெளியிட்டு இருக்கிறார்.

குழந்தை நட்சத்திரமாக சினிமாவில் அறிமுகமான ஒரு சிலர் சில வருடங்கள் கழித்து பார்க்கும் போது ஆளே அடையாளம் தெரியாத அளவிற்கு மாறியிருக்கிறார்கள். அந்த வகையில் ஒருவர் தான் நடிகர் ஸ்ரீராம். 2009 ஆம் ஆண்டு பாண்டியராஜ் இயக்கத்தில் வெளியான பசங்க திரைப்படம் தமிழ் சினிமாவில் பெரிய அளவில் வெற்றி பெற்ற ஒரு திரைப்படம். அந்த திரைப்படத்தில் பெரிய அளவில் சாகச காட்சிகளும் சண்டை சச்சரவுகளும் இல்லை என்றாலும் எதார்த்தமாக ஒரு கதையை பார்த்தது போல பீல் குட் படமாக அமைந்திருந்தது.

Sree ram Pasanga movie celebrity wedding

பசங்க திரைப்படத்தில் ஜீவா கேரக்டரை அவ்வளவு சீக்கிரத்தில் யாராலும் மறந்து இருக்க முடியாது. இந்த திரைப்படத்தில் ஆரம்பத்தில் ஜீவா கேரக்டர் வில்லத்தனம் கலந்த சுட்டி குழந்தையாக இருப்பார். அதிலும் ஜீவா தன்னுடைய நண்பர்களிடம் சீன் போடுவதற்காக செய்யும் செயல்கள் எல்லாம் பலரையும் சிரிக்க வைக்கும். அந்த ஜீவாவின் பிரண்டு இரண்டு பேரும் கூடவே சுற்றிக் கொண்டிருப்பார்‌கள்.

ஜீவா கொடுக்கும் ஐஸ் வாங்கி சாப்பிடுவதற்காக ஒரு நண்பர் ஜீவாவுக்கு இப்போ கோபம் வரும்... ஜீவாவுக்கு இப்ப கோவம் வந்தா கையை முறுக்குவான்.. இப்ப கோபம் வந்ததும் குத்த போறான்... என்று ஜீவாவை ஏத்திக் விட்டுக் கொண்டிருப்பார். இது போன்ற கேரக்டரை நம்முடைய வாழ்க்கையில் நாம் கடந்திருப்போம் ஆரம்பத்தில் ஜீவா கேரக்டர் அந்த திரைப்படத்தில் நெகட்டிவ்வாக இருந்தாலும் பிறகு பாசிட்டிவாக மாறும்.

முதல் திரைப்படத்திலேயே ஸ்ரீராமுக்கு நல்ல வரவேற்பு கிடைத்தது. அதற்கு பிறகு ஒரு சில திரைப்படங்களில் நடித்திருந்தார். ஆனால் முதல் திரைப்படம் போல அவருக்கு பெயர் வாங்கி கொடுக்கவில்லை. இந்த நிலையில் நடிகர் ஸ்ரீ ராமுக்கு நேற்று திருமணம் நடந்து முடிந்திருக்கிறது. அவர் தன்னுடைய திருமண புகைப்படங்களை சோசியல் மீடியா பக்கங்களில் பகிந்திருக்கிறார். இவருடைய திருமணத்திற்கு சின்னத்திரை வெள்ளித்திரை பிரபலங்கள் பலரும் கலந்து கொண்டிருக்கிறார்கள். ஸ்ரீ ராமின் மனைவி ஆரம்பத்தில் திருமணமே வேண்டாம் என்று நினைத்து சொல்லிக் கொண்டிருந்தாராம் ஆனால் ஸ்ரீராம் அவரை காதல் வயப்படுத்தி திருமணம் செய்து கொண்டேன் என்று ஸ்ரீராம் பதிவு வெளியிட்டிருக்கிறார். இந்த தம்பதிக்கு ரசிகர்கள் பலரும் வாழ்த்துக்கள் தெரிவித்து வருகிறார்கள்.