ராயன் ஓடிடி ரிலீஸ் எப்போது தெரியுமா? கல்கியும் வருது! டபுள் கொண்டாட்டம்!

Updated: Tuesday, August 20, 2024, 23:23 [IST]

Subscribe to Oneindia Tamil

சென்னை: 2024 ஆம் ஆண்டு இந்திய சினிமாவிற்கு குறிப்பிடத்தக்க ஒன்றாக உள்ளது, பல படங்கள் குறிப்பிடத்தக்க வெற்றியை அடைந்து சாதனைகளை முறியடித்தன. இவற்றில், கல்கி 2898 AD 1000 கோடி வசூலித்து அசத்தியுள்ளது. தனுஷின் ராயன் கலவையான விமர்சனத்தை பெற்றாலும், ரசிகர்கள் அதன் திரைக்கதைக்காக பாராட்டுகிறார்கள். ஷ்ரத்தா கபூர் மற்றும் ராஜ்குமார் நடித்துள்ள ஸ்ட்ரீ 2, பாக்ஸ் ஆபிஸில் சிறப்பாக செயல்பட்டு வருகிறது. இந்த நிலையில்தான் ஆவலுடன் எதிர்பார்க்கப்பட்ட பல திரைப்படங்கள் OTT தளங்களில் விரைவில் அறிமுகமாக உள்ளன.

Netflix, Prime Video, Disney+Hotstar, JioCinema மற்றும் பலவற்றில் முத்திரை பதிக்கத் தயாராக இருக்கும் 2024 ஆம் ஆண்டின் மிகவும் எதிர்பார்க்கப்பட்ட திரைப்படங்களின் விரிவான பட்டியல் இதோ.

கல்கி 2898 AD

மகாபாரத நாயகர்களை அடிப்படையாக வைத்து உருவான, கல்கி 2898 AD, கதை, எதிர்காலத்திற்கான திறவுகோலை வைத்திருக்கும், வயிற்றில் உள்ள குழந்தையைப் பாதுகாக்கும் பணியில் ஈடுபடும் குழுவைப் பின்தொடர்கிறது. ஆங்கிலப் படங்களுக்கு இணையாக சில காட்சிகளை வைத்துள்ளதோடு, பக்தியும் கலந்ததால் அதன் ரீச் வேறு லெவலில் இருந்தது. நெட்ஃபிக்ஸ் மற்றும் பிரைம் வீடியோவில் ஆகஸ்ட் 22, முதல் படம் பல மொழிகளில் கிடைக்கும். நெட்ஃபிளிக்ஸ் நிறுவனம் ஹிந்தி மொழியில் ஒளிபரப்ப, படத்தின் உரிமைகளை 175 கோடி ரூபாய்க்கு வாங்கியுள்ளது. அமேசான் பிரைம் நிறுவனம் தென்னிந்திய மொழிகளில் உள்ள படத்தின் உரிமைகளை 200 கோடி ரூபாய்க்கு வாங்கியுள்ளது.

தனுஷின் ராயன்

தனுஷ் நடித்த 'ராயன்' திரைப்படம், ஆகஸ்ட் 23 அன்று பிரைம் வீடியோவில் ஸ்ட்ரீம் செய்யப்பட உள்ளது. இது அவரது 50வது திரைப்படம் மற்றும் அவர் இயக்கத்தில் வெளி வந்த இரண்டாவது படமாகும். இந்த படம் வெளியானதிலிருந்து, கலவையான விமர்சனங்கள் வந்தாலும் வசூலில் சாதித்துள்ளது.

'ராயன்' திரைப்படம், நான்கு சகோதரர்களின் கதையைச் சொல்கிறது. கிராமத்திலிருந்து தப்பி வந்து நகரத்தில் தஞ்சம் அடையும் அவர்கள், அங்கு கேங் வாரில் சிக்கிக் கொள்கின்றனர். தனுஷ், அவர்களின் பெரிய சகோதரராக நடித்து, குடும்பத்தை பாதுகாக்க போராடுகிறார்.

இந்த படம் தமிழ் மட்டுமின்றி, தெலுங்கு, கன்னடம், மலையாளம் மற்றும் இந்தி ஆகிய மொழிகளில் இந்தியாவிலும், பிற நாடுகளிலும் பிரைம் வீடியோவில் பார்க்க முடியும்.

முன்ஜ்யா

ஆதித்யா சர்போதார் இயக்கிய, முஞ்யாவில் அபய் வர்மா, ஷர்வரி வாக் மற்றும் மோனா சிங் ஆகியோர் முக்கிய வேடங்களில் நடித்துள்ளனர். ஐஎம்டிபியில் இப்படம் 7.5 ரேட்டிங்கைப் பெற்றுள்ளது. "ஒரு இளைஞன் ஒரு குடும்ப ரகசியத்தைக் கண்டுபிடித்து, தனது சொந்த கிராமத்தில் முஞ்யா என்ற பழிவாங்கும் ஆவியை எதிர்கொள்கிறான்." என்பதுதான் கதை. Munjya Disney+Hotstar இல் வெளியிடப்படும்; இருப்பினும், வெளியீட்டு தேதி இன்னும் அறிவிக்கப்படவில்லை.

ஸ்ட்ரீ 2

Stree 2: Sarkate Ka Aatank என்பது இந்தி நகைச்சுவை திகில் படமாகும், இது அமர் கௌஷிக் இயக்கியது மற்றும் Maddock Films மற்றும் Jio Studios தயாரித்துள்ளது. இது மடாக் சூப்பர்நேச்சுரல் யுனிவர்ஸில் ஐந்தாவது தொடராகும். ராஜ்குமார் ராவ், ஷ்ரத்தா கபூர், பங்கஜ் திரிபாதி, அபிஷேக் பானர்ஜி மற்றும் அபர்சக்தி குரானா ஆகியோர் நடித்துள்ளனர்.