விஜய் என்கிட்ட கேட்ட கேள்வி.. நான் எதிர்பார்க்கல! சூட்டிங் ஸ்பாட்டில் நடந்த சம்பவம்! ஓபனாக பேசிய ராதாரவி

Updated: Monday, April 13, 2026, 18:35 [IST]

Subscribe to Oneindia Tamil

சென்னை: தமிழ் சினிமா மற்றும் அரசியல் வட்டாரங்களில் இப்போது அதிகமாக பேசப்படும் விஷயம் என்னன்னா, ராதாரவி சமீபத்தில் கொடுத்த ஒரு பேட்டி. அதில் அவர் விஜய் பற்றி சொன்ன ஒரு விஷயம் தற்போது சோஷியல் மீடியாவில் வேகமாக வைரலாகி வருகிறது. சமீப காலமாக விஜய் பற்றி அதிகமான நெகட்டிவ் கருத்துகள் பரவி வரும் நிலையில் ராதாரவி விஜய் பற்றி பாசிட்டிவாக பேசியிருக்கிறார்.

விஜய் கேட்ட கேள்வி

ராதாரவி, விஜய்யுடன் 5க்கும் மேற்பட்ட படங்களில் நடித்திருக்கிறார். குறிப்பாக சர்க்கார் படத்தின் படப்பிடிப்பு நேரத்தில் நடந்த ஒரு சம்பவத்தை அவர் நினைவுகூர்ந்தார். அவர் சொன்னதாவது, ஒருநாள் ஷூட்டிங் ஸ்பாட்டில் விஜய் அவரை தனியாக அழைத்து பேசினாராம். முதலில் சாதாரணமாக பேசிக்கொண்டிருந்த அவர், "ஒரு விஷயம் கேட்கணும்... தப்பா நினைக்க மாட்டீங்களா?" என்று கேட்டாராம்.

அதற்கு ராதாரவி சம்மதித்ததும், விஜய் கேட்ட கேள்வி அவருக்கு அதிர்ச்சியையும் ஆச்சரியத்தையும் கொடுத்ததாம். "எம்.ஜி.ஆர் மீது நடந்த சூட்டிங் சம்பவத்துக்கு பிறகு, உங்க வீட்டில் என்ன நடந்தது? உங்க மனநிலை எப்படி இருந்தது? குடும்பத்துல அந்த சூழ்நிலையை எப்படி சமாளிச்சீங்க?" இதுதான் விஜய் கேட்ட கேள்வியாம்.

இது பற்றி ராதாரவி பேசும்போது, இதுவரைக்கும் யாரும் இப்படிப் பட்ட கேள்வியை கேட்டதே இல்லையாம். பெரும்பாலும், "யார் தப்பு?" அல்லது "உங்க அப்பா ஏன் அப்படி பண்ணினார்?" என்பது போல தான் கேள்விகள் கேட்பாங்க. ஆனா விஜய் மட்டும் அந்த சம்பவத்தின் மனிதநேய பக்கம் பற்றி கேட்டாராம்.

ராதாரவி பாராட்டு

இந்த சம்பவத்தைக் குறிப்பிட்டு, ராதாரவி இன்னொரு முக்கியமான கருத்தையும் பகிர்ந்தார். "விஜய் அப்பவே வித்தியாசமா யோசிப்பவர். அவர் அரசியலுக்கு வர்றார் என்றதும், அவர் இதற்கு சரியான ஆள் தான் என்று நினைத்தேன்" என்று அவர் வெளிப்படையாக கூறியிருக்கிறார்.

விஜய்யின் அரசியல் பயணம்

சினிமாவை தாண்டி, இப்போது விஜய் அரசியலிலும் தீவிரமாக களமிறங்கியிருக்கிறார். "தமிழக வெற்றிக் கழகம்" என்ற கட்சியை தொடங்கி, 2026 தேர்தலை குறிவைத்து அவர் மக்கள் மத்தியில் பிரச்சாரம் செய்து வருகிறார்.

குமரி மாவட்டம் உள்ளிட்ட பல இடங்களில் அவர் நடத்திய சைக்கிள் பிரச்சாரம், மக்கள் கூட்டம் என பெரிய வரவேற்பை பெற்றது. அரசியலில் புதிதாக இருந்தாலும், அவரின் கூட்டங்கள் பெரும் கவனத்தை ஈர்த்துள்ளன.

ஜனநாயகன் படம் சர்ச்சை

இதற்கிடையில், விஜய் நடித்துவரும் ஜனநாயகன் படம் தொடர்பாகவும் சில சர்ச்சைகள் எழுந்தன. இந்த படம் தியேட்டரில் வெளியாவதற்கு முன்பே சோசியல் மீடியாவில் லீக் ஆனது பெரிய அளவில் அதிர்ச்சியையும், குழப்பத்தையும் ஏற்படுத்தி இருக்கிறது. இது குறித்து பலரும் கண்டனம் தெரிவித்து வருகின்றனர். ஆனால் இந்த படத்தில் ஹீரோவாக நடித்திருக்கும் விஜய் இது குறித்து எந்த அறிக்கையும் வெளியிடவில்லை. இதனால் அதிகமான விமர்சனங்களையும் சந்தித்து வருகிறார்.