“காலம் காத்திருந்து பதில் சொல்லும்” என்ற ரஜினி வாய்ஸ் எடுபடவில்லை.. ஆதவ் முன்னிலை! மாறிய விஜய் நிலவரம்
சென்னை: தமிழக அரசியல் களம் கடந்த சில மாதங்களாகவே பல திருப்பங்களை சந்தித்து வந்த நிலையில், 2026 சட்டமன்ற தேர்தல் வாக்கு எண்ணிக்கை நாளில் அந்த பரபரப்பு உச்சத்தை எட்டியுள்ளது. நடிகர் விஜய் தலைமையிலான தமிழக வெற்றிக் கழகம் பல தொகுதிகளில் தொடர்ந்து முன்னிலை வகித்து வருவது, அரசியல் வட்டாரங்களில் மிகப்பெரிய பேசுபொருளாக மாறியுள்ளது.
ரஜினிகாந்த் ஆதவ் அர்ஜுனா கருத்து மோதல்
இந்த சூழலில், சில மாதங்களுக்கு முன்பு நடிகர் ரஜினிகாந்த் மற்றும் தவெக நிர்வாகி ஆதவ் அர்ஜுனா இடையே ஏற்பட்ட கருத்து மோதல் மீண்டும் கவனத்திற்கு வந்துள்ளது. ஆதவ் அர்ஜுனா அப்போது ரஜினிகாந்தை குறித்து கருத்து தெரிவித்தபோது, அதற்கு பதிலாக ரஜினிகாந்த் "காலம் பேசாது... காத்திருந்து பதில் சொல்லும்" என்று கூறியிருந்தார். அந்த ஒரு வரி பதில் அப்போது அரசியல் மற்றும் ரசிகர் வட்டாரங்களில் பரவலாக பேசப்பட்டது.
தற்போது தேர்தல் நிலவரங்கள் வெளிவரத் தொடங்கியுள்ள நிலையில், அந்த கருத்து மீண்டும் சமூக வலைதளங்களில் வைரலாகி வருகிறது. குறிப்பாக, விஜய் தலைமையிலான கட்சி பல முக்கிய தொகுதிகளில் முன்னிலை வகிப்பது, சிலரால் "அந்த காலத்தின் பதில் இப்போது வெளிப்படுகிறது" எனப் பார்க்கப்படுகிறது.
ரஜினி டயலாக்
அது மட்டும் இல்லாமல் ரஜினி என்னதான் பஞ்ச் டயலாக் பேசினாலும் ஆதவ் அர்ஜுனா போட்டியிட்ட வில்லிவாக்கம் மட்டுமல்லாமல் அதிகமான இடத்தில் தவெக லீடிங்கில் இருக்கிறது. அதனால் ரஜினி வாய்ஸ் எடுபடவில்லை என்று பலர் கருத்து தெரிவித்து வருகிறார்கள்.
பல தொகுதிகளில் தவெக முன்னிலை வகிப்பதாக வரும் தகவல்கள், இந்த தேர்தலில் புதிய அரசியல் மாற்றம் உருவாகிறதா என்ற கேள்வியை எழுப்பியுள்ளது. ஆரம்பத்தில் இந்த கட்சியின் தாக்கத்தை குறைத்து மதிப்பிட்டவர்களே இப்போது நிலைமையை கவனமாக பார்த்து வருகிறார்கள் என்பது குறிப்பிடத்தக்கது.
இதே நேரத்தில், சமூக வலைதளங்களில் பல்வேறு கருத்துக்கள் மோதிக் கொண்டிருக்கின்றன. சிலர், ரஜினிகாந்தின் அரசியல் குரல் இந்த தேர்தலில் எந்த தாக்கத்தையும் ஏற்படுத்தவில்லை என்று விமர்சிக்க, மற்றொரு தரப்பு அவர் நேரடியாக அரசியலில் இறங்காத நிலையில் இப்படியான விமர்சனங்கள் பொருந்தாது என பதிலளிக்கின்றனர். இதனால், சினிமா மற்றும் அரசியல் இணைந்த விவாதம் மேலும் சூடுபிடித்துள்ளது.
மொத்தத்தில், தமிழகத்தின் 234 தொகுதிகளுக்கான வாக்கு எண்ணிக்கை தீவிரமாக நடைபெற்று வரும் நிலையில், ஆரம்ப முன்னிலை நிலவரங்களே இந்த தேர்தல் சாதாரணமான ஒன்று அல்ல என்பதை காட்டுகின்றன. விஜய் தலைமையிலான கட்சியின் வளர்ச்சி, இளைஞர் வாக்காளர்களின் ஆதரவு, நகர்ப்புறங்களில் ஏற்பட்ட வாக்கு மாற்றம் போன்ற பல காரணங்கள் சேர்ந்து இந்த தேர்தலை மிகுந்த கவனத்திற்கு கொண்டு வந்துள்ளன.
இன்னும் இறுதி முடிவுகள் வெளியாகவில்லை என்றாலும், தற்போதைய நிலவரம் தமிழக அரசியலில் ஒரு புதிய மாற்றத்திற்கான அறிகுறியாகவே பார்க்கப்படுகிறது. "காலம் காத்திருந்து பதில் சொல்லும்" என்ற ரஜினிகாந்த் கூறிய வரிகள் மீண்டும் பேசப்படும் சூழலில், அந்த 'பதில்' எந்த வடிவத்தில் வெளிப்படும் என்பது இன்னும் சில மணி நேரங்களில் தெளிவாகும்.
Click it and Unblock the Notifications
Sign in with Google