இளமையும் அழகும் துள்ளி விளையாடும்.. ஹோல்ட் ஆன்... இது மாமியாருங்கோவ்!

Published: Friday, March 15, 2019, 17:09 [IST]

Subscribe to Oneindia Tamil

சென்னை: சன்டிவியில் ஒளிபரப்பாகி வரும் ரோஜா சீரியலில் ரோஜாவுக்கு மாமியாரா கல்பனா ரோலில் காயத்ரி நடிக்கறாங்க. இந்த சீரியல் குடும்பமும் பணக்கார குடும்பம்தான்...

பல சீரியல்களில் குறிப்பா விஜய் டிவியில மாமியார், அம்மா ரோல்ல நடிக்கறவங்க அதுவும் பணக்கார குடும்பமா இருந்தாங்கன்னு வச்சுக்கோங்களேன்... மேக்.அப் எத்தனை கோட் குடுப்பாங்கன்னு உட்கார வச்சு கேட்கணும் போல இருக்கும்.

வித விதமான பிளவுஸ்... நகைகள், விதவிதமான ஹேர் ஸ்டைல்னு பார்த்து பார்த்து நிஜமாவே ரொம்ப போரடிச்சு போச்சு. ஒரு அழகான இயல்பான, எளிமையான, இன்னொசெண்டான மாமியாரை ஒரு குடும்ப சீரியலில் பார்த்து ரொம்ப நாளாச்சு.

அந்த குறையை தீர்க்கற மாதிரி ரோஜாவின் மாமியார் ரோஜா சீரியலில் வராங்க. நம்ம காயத்ரி நீண்ட தலை பின்னல். அதில் பூவை தொங்க விடாமல், பந்து போல தலையில் வைத்திருப்பது, எந்தவித டிசைனும் இல்லாத ரவிக்கை, அழகான புடவைகள்னு உருவத்தில் கலக்கறாங்க.

நடிப்பு, அதைவிட அழகு...இவங்க மாமியார் வடிவுக்கரசியுடன் பேசும்போதாகட்டும், மருமகள் ரோஜா, மகன் அர்ஜுன், கணவருடன் பேசும்போதாகட்டும் அத்தனை யதார்த்தமான இன்னொசென்ஸ் நடிப்பு.

நிஜமா காயத்ரியம் ரோஜா சீரியலுக்கு கூடுதல் பிளஸ்தாங்க.

Published On March 15, 2019