விஜய்க்கு இப்போ இருக்கிறதெல்லாம் தடைகள் இல்ல.. இன்னும் பெருசா வரும்! சமுத்திரக்கனி ஸ்பெஷல் வாழ்த்து
சென்னை: தமிழ்நாடு சட்டமன்றத் தேர்தல் முடிவுகள் வெளியாகியதிலிருந்து மாநில அரசியல் சூழ்நிலை மிகுந்த பரபரப்பாக மாறியுள்ளது. நடிகர் விஜய் தலைமையிலான தவெக (தமிழக வெற்றிக் கழகம்) கட்சி, முதல் முறையாக தேர்தலில் போட்டியிட்டு 108 இடங்களை கைப்பற்றியிருப்பது பெரிய அரசியல் மாற்றமாக பார்க்கப்படுகிறது. இருப்பினும், 118 என்ற பெரும்பான்மை இலக்கை எட்ட முடியாததால் ஆட்சியமைப்பில் சிக்கல் நீடித்து வருகிறது. இந்த நிலையில் விஜய்க்கு என் வாழ்த்து தெரிவித்து நடிகரும் இயக்குனருமான சமுத்திரக்கனி வீடியோ வெளியிட்டு இருக்கிறார்.
ஆளுநர் அழைப்பு மறுப்பு
108 இடங்களில் வெற்றி பெற்றிருந்தாலும், தேவையான பெரும்பான்மை இல்லாத காரணத்தால் ஆளுநர் ஆர்.வி. அர்லேக்கர் தவெகவைக் ஆட்சி அமைக்க அழைக்கவில்லை. இது அரசியல் வட்டாரத்தில் கடும் விவாதத்தையும் விமர்சனங்களையும் கிளப்பியுள்ளது.
இதையடுத்து விஜய் தரப்பு, பிற கட்சிகளிடம் ஆதரவு கோரி தீவிர முயற்சிகளை மேற்கொண்டது. காங்கிரஸ் கட்சி 5 எம்.எல்.ஏக்களின் ஆதரவை வழங்கியதன் மூலம் தவெகவின் பலம் 113 ஆக உயர்ந்தது.
கம்யூனிஸ்ட் கட்சிகள் ஆதரவு
அதன் பின்னர், இந்திய கம்யூனிஸ்ட் மற்றும் மார்க்சிஸ்ட் கம்யூனிஸ்ட் கட்சிகளும் ஆதரவு அளித்ததால், தவெகவின் மொத்த பலம் 116 ஆக உயர்ந்துள்ளது. இதனால் ஆட்சியமைப்புக்கு தேவையான எண்ணிக்கைக்கு மிக அருகில் விஜய் வந்துள்ளார்.
இந்நிலையில், விடுதலை சிறுத்தைகள் கட்சி தலைவர் திருமாவளவன் தனது இறுதி நிலைப்பாட்டை அறிவிக்க உள்ளார். அவர் ஆதரவு அளித்தால், தவெகவிற்கு தேவையான பெரும்பான்மை எட்டப்படும் என்ற எதிர்பார்ப்பு அதிகரித்துள்ளது.
அரசியல் பின்னணி
மற்றொரு புறம், திமுக - அதிமுக கூட்டணி உருவாகும் சாத்தியம் குறித்த தகவல்களும் அரசியல் வட்டாரத்தில் பேசப்பட்டு வருகின்றன. இப்படியான கூட்டணி உருவானால் அது மக்கள் தீர்ப்பை புறக்கணிப்பதாக இருக்கும் என பலரும் எதிர்ப்பு தெரிவித்து வருகின்றனர்.
அதே நேரத்தில், தவெக கட்சி தேவையான ஆதரவை பெற்றுவிட்டு தனித்தாட்சியை அமைக்க முயற்சி செய்து வருவதாகவும் தகவல்கள் வெளியாகின்றன. சட்ட ரீதியாகவும் ஆட்சியமைப்பை கோரி நீதிமன்றத்தை அணுகும் வாய்ப்பும் பரிசீலனையில் உள்ளது.
சமுத்திரகனி வாழ்த்து
இந்த அரசியல் சூழ்நிலையில், நடிகரும் இயக்குநருமான சமுத்திரகனி விஜய்க்கு தனது ஆதரவும் வாழ்த்தையும் தெரிவித்துள்ளார்.
அவர் வெளியிட்ட பதிவில், "பல தடைகளை தாண்டி தற்போது ஆட்சி அமைக்க இருக்கும் என் அன்பு சகோதரர் விஜய்க்கு மனமார்ந்த வாழ்த்துகள். இப்போது அவருக்கு வந்து கொண்டிருக்கும் தடைகள் எல்லாம் தடைகள் உள்ள இன்னும் பல சிக்கல்கள் வரும், அவற்றை கடந்து தமிழகத்திற்கு நல்ல ஆட்சியை வழங்க வேண்டும்" என குறிப்பிட்டுள்ளார்.
அவரது இந்த பதிவு, சினிமா வட்டாரத்திலும் அரசியல் வட்டாரத்திலும் கவனத்தை ஈர்த்துள்ளது.
மொத்த நிலைமை
தற்போது,
தவெகவின் பலம் - 116
பெரும்பான்மை தேவை - 118
மீதமுள்ள ஆதரவு - 2 எம்.எல்.ஏக்கள் என்ற நிலையில், அடுத்த சில நாட்களே தமிழக அரசியல் எதிர்காலத்தை தீர்மானிக்கும் முக்கியமான காலமாக பார்க்கப்படுகிறது.
மொத்தத்தில், விஜய் தலைமையிலான தவெக கட்சி ஆட்சிக்கு மிக அருகில் வந்துள்ள நிலையில், இறுதி ஆதரவு யார் வழங்குகிறார்கள் என்பது தான் மிகப்பெரிய கேள்வியாக உள்ளது.
மக்கள் தீர்ப்பை மதித்து ஆட்சி அமைக்க வாய்ப்பு வழங்கப்படுமா? அல்லது புதிய அரசியல் சமன்பாடுகள் உருவாகுமா? என்ற எதிர்பார்ப்புடன் தமிழ்நாடு முழுவதும் அரசியல் கவனம் திரும்பியுள்ளது.
Click it and Unblock the Notifications
Sign in with Google